【想同大家講POPO漂白嘅問題 】
致手足︰
大家好，不經不覺，抗爭嘅日子轉眼間就快到九個月，好感激大家嘅支持同埋付出嘅血汗。我只係一個還柙手足，可以做嘅嘢唔多。幫唔到大家，先講聲對唔住。
今日寫呢封信嘅目的，係想同大家講POPO漂白呢個問題。近日睇新聞嘅時候發現，PK鄧同777，開始幫POPO改變形象。我記得早幾日將軍澳POPO推倒有線新聞女記者嘅畫面，第二日777就出嚟講不理想同埋POPO出信道歉。
POPO之前射盲女記者，多次話前線記者係黑記；立場新聞記者俾POPO放佢張身份證喺直播度。之前你777同POPO唔道歉，仲覺得自己冇問題，依家就想扮返自己跟足程序嘅警察？如果POPO一開始係咁，有好多事就唔會發生，721、831、101、西灣河開槍、POPO葵涌電單車打8字等等數之不盡嘅刻骨銘心嘅事件，大家心入面就記得佢所謂嘅跟足程序，到目前為止，沒有一個警員要為事件負責，沒有一個警員要接受紀律處分，最多都係訓斥了事，同埋係邊個POPO做嘅都唔知道。反觀777同POPO想做嘅就係漂白，我哋要睇清呢個真相，因為大家好清楚呢個政府已經無藥可救。
最近POPO同埋777俾我哋嘅稱呼係「本土恐怖份子」，抹黑程度又再升級，由最開始嘅暴徒曱甴之後，用詞變本加厲，塑造我哋成為真正嘅恐怖份子！誰是真正嘅恐怖份子我想大家心裡有數，在此希望大家唔好忘記POPO種嘅因，這個因並不是我們種下！
兄弟爬山，各自努力，和勇不分，毋忘初心。
仕
2020年3月12日
*********************
此為工黨立法會議員張超雄收到被還柙手足的公開信，由張超雄代為投稿。如有意回信，請寄到「中區立法會道一號立法會綜合大樓1017室張超雄立法會議員辦事處」，註明回覆給哪位手足，以及留低電話號碼或其他聯絡方法，方便議辦跟進。
有線新聞女記者 在 讚好香港女主播研究所| # 有線新聞人氣女神陳凱筠 的推薦與評價
有線新聞 人氣女神陳凱筠 # #海龜 #海軍 ✈️ ✈️ # 香港第一拉麵系列. ... tvb靚女記者及主播, 3年前由記者轉型為主播及主持, 3年後卻離職, 今次再次奪得 ... ... <看更多>