[無綫][2020節目巡禮][戲劇類] 今年冇搞個騷接待廣告客戶，只係做咗個節目講吓來年有咩搞作。一開始就話要「創意主導」，等我睇過~
《#伙記辦大事》
有喺大台頒獎禮開到聲話想拍劇嘅歐陽震華，仲有2018年拎咗視帝仲有《觀眾在民間電視大獎》民選視帝嘅馬德鐘，仲有隔咗一排冇拍劇嘅萬綺雯。又係警察查案囉又係。
期待度：★★☆☆☆
創意度：☆☆☆☆☆
《#那些我愛過的人》
即係《#禍後》/《#致所有愛過的人》，林文龍、黃翠如、連詩雅主演。翠如拍返愛情小品睇高一線，夾林文龍唔知咩效果。一場意外改變各個人生咁啦。
期待度：★★☆☆☆
創意度：☆☆☆☆☆
《#降魔的2.0》
豪仔回歸，石敢當唔見咗。等了又等，小馬同芷若戀情又會如何呢？特技方面睇嚟進步咗唔少，但係進步咗代唔代表同時代接軌就係兩回事嚟。第一季成功創造咗個世界觀出嚟，第二輯可唔可以再突破呢？馬國明、胡鴻鈞、黃智雯主演。
期待度：★★★★☆
創意度：★★★★☆
《#踩過界II》
王浩信 盲俠 + 張振朗 Gogo + 蔡思貝 甸奴，成功創造咗近年少見嘅男女愛情友情拍檔，今年盲俠回歸，希望唔使放喺周末播。今年有埋秦沛加盟，唔知盲俠大唔大到佢呢？Ali就如傳言一樣唔見咗，張曦雯頂上。
期待度：★★★★☆
創意度：★☆☆☆☆
《#唐人街》
《城寨英雄》、《同盟》姐妹作，以泰國唐人街為題材，sell真功夫。陳展鵬、陳山聰、唐詩詠、姚子羚、王君馨、伍允龍、元秋。之前《同盟》啲情節老套到暈，今次放返落去舊少少年代嘅唐人街，應該少啲問題。
期待度：★★★★☆
創意度：★★☆☆☆
《#黃金有罪》
張兆輝、蕭正楠、洪永城、黃智賢、姚子羚、何廣沛及陳瀅主演。一代富豪成功之路，當中用好多殘酷手段遇神殺神嗰啲咁樣樣。
期待度：★★☆☆☆
創意度：★☆☆☆☆
《#大醬園》
朱晨麗、何廣沛、龔嘉欣主演。有啲似《酒是故鄉醇》嘅套路，封建時代女權向男權反抗。睇見都覺得悶。
期待度：★☆☆☆☆
創意度：☆☆☆☆☆
《#反黑路人甲》
前名《#極道怪伽》。王浩信、張振朗又一次合作，仲有馮盈盈、湯怡、高海寧。故事講一個演員去做臥底，視覺衝擊都唔少。我想睇呢個~
期待度：★★★★☆
創意度：★★★☆☆
《#殺手》
陳豪加黎耀祥，講殺手行業。冇其他資料，兩位視帝繼2013年《法外風雲》再合作做男一，希望殺手殺人時去盡啲。
期待度：★★★★☆
創意度：★★★☆☆
《#法證先鋒IV》
黃浩然、李施嬅、譚俊彥、陳煒、朱晨麗、湯洛雯主演。同第三輯相隔7年，真係唔知有咩新鑑證技術。不過見到又有小丑，希望唔好向自己致敬。
期待度：★☆☆☆☆
創意度：☆☆☆☆☆
《#使徒行者3》
冇片睇，但有馬明同埋林峯喎。
期待度：★★★☆☆
創意度：☆☆☆☆☆
林彥俊萬鵬戀情 在 #萬鵬 - Explore | Facebook 的推薦與評價
explore #萬鵬at Facebook. ... 不會寫名字沒關係無焉手把手教你吧. 宣示主權的蘇念衾果然特別可愛. #林彥俊… See more ... 方冷、柴小七正式官宣戀情啦！ ... <看更多>