Search
👩🏻🍳Yoko’s kitchen之「🤩EQ淡菜湯🥣」
👉大家有飲過此湯嗎🥣？！
最近，我難得買到來自泰國靚貨✨👍，粒粒色澤光鮮漂亮飽滿，即刻炮製美味湯水，在節日供家人嚐鮮😋。
淡菜可隨意配搭，成為千變萬化湯水🥣：
➡️想知我七款湯組合推介 👉請留言✍️話我知
➡️想知這款湯水教學食譜 👉請留言✍️話我知
———————————————————————————
👩🏻🏫淡菜食用功效？
淡菜乾味道鮮美，營養也很豐富；中醫角度保肝益腎🌟，含蛋白質、維生素、鈣、磷、碘等營養素，用來滾湯特別鮮甜。
👩🏻🏫淡菜是什麼？
是貽貝貝肉，經煮熟曬乾處理製成的海產品。
注意：淡菜是海鮮類，皮膚敏感者、懷孕期間不宜。
😜煲呢個湯絕對能訓練EQ🤣所以我叫做「EQ湯水」。
以煲這四人份量的「淡菜湯」為例，需用上約半小時逐粒清洗和剪毛，真係要超級有耐性🤓！
❣️更多美食，去我IG Story😍 @yokotsangbeauty
有觀眾問可唔可以介紹多啲有益嘅滾湯，因為放工返屋企先再煲湯未必夠時間。今日就同大家介紹呢款簡單嘅 蕃茄薯仔湯。
#生活部落格 #麥卓華 @Alfred Mak
#抗疫湯水 #滾湯 #湯水食譜 #湯水教學
#蕃茄 #薯仔 #蕃茄薯仔湯
【📣Yoko智識型直播】
主題📣 👩🏻🏫急救肌膚教學🆘
🤯敏感/泛紅/暗粒/唇裂 vs 😷口罩護膚術
💪皮膚問題刻不容緩，再拖只會加劇情況。
💁🏻♀️立即重溫直播👀，我親身上陣-👉素顏步驟全解構！
直播📣建設性之一，係立即知道大家反應👍，以便我準確制定切合大家所需的主題內容🙌；如前晚的「👩🏻🍳養生湯水教學直播」，當提到長時間戴口罩😷衍生的皮膚問題，見到大家連串瘋狂留言唷💥：
Alice Cheung：除左口罩之後皮膚好痕
Maggie Li ：皮膚又乾又焗
Shirley Sze：我都有出粒粒，點算呢？
Sammi Lee：下巴昨日開始鞋颯颯🙁
Mandyyetter Lo：脱皮
Mandy Wong：我下巴生暗瘡
Yeung Michelle：面部出粒粒
Apple Lee：口罩壓到眼紋勁左😑
Doris Lee ：亞女要帶口罩跳舞好焗，爆瘡
Alice Cheung：戴左口罩，搽左粉冇哂印哂下去
Lam Kaman：Yoko有無乜素顏霜可介紹，因戴口罩唔方便化粧、又可遮斑呢🙋♀
Dora Queen：帶囗罩用什麽粉底可減低過敏❓
Shan Shan Choi：面頰敏感咀唇又敏感裂😔
Alice Chung：每晚都搽護唇都重好乾
Lena Lam：我個咀都過敏
Penny Lai：咀唇超乾
Vivian Chung ：個咀乾裂
Joelene YS：除咗戴口罩戴到出粒粒, 洗手都洗到好敏感😢
.......以上只係取自部份讀者的留言!!
💁🏻♀️親眼見到大家海量般的皮膚問題💥，我又豈能坐視不理？
原來，急救皮膚直播內容真係需要做........事緣，我家姐早已向我求救😖：「戴口罩皮膚敏感紅咗，好濕好笠；身邊同事仲大鑊出埋紅粒粒，眼皮膚都刮到好乾......」 始知，我對家姐的窩心指導，原來早就需要與大家共享啊💬💞。請立即重溫直播👀👍
❣️大家集氣，希望疫情盡快結束，齊齊棄罩，齊齊身心健康。
湯水食譜 湯水教學- 今日同大家介紹呢款保健湯水 Chinese Soup - 雪梨雪耳瘦肉湯，清熱滋陰，對氣管問題有相當功效 ，而且方便大家在家煮，一齊睇睇！
清熱滋陰嘅 雪梨瘦肉湯，最啱就係夏天又熱又濕嘅天氣飲用，我哋一齊睇吓材料！
湯水食譜 Soup Recipe
雪梨 4 - 5 個
雪耳 1 球
瘦肉 300 克
南北杏 適量
蜜棗 3 - 4 粒
無花果 適量
雪梨清熱滋陰，養胃生津，對氣管嘅問題有相當嘅功效。買咗返嚟之後嘅雪梨要先去皮，切開之後切走入面嘅果芯，之後切粒就可以。
雪耳要先用溫水浸 25 - 30 分鐘，之後用食物鉸剪，剪走雪耳底部較硬嘅「心」，再用鉸剪剪出一朵朵嘅「雪耳花」，待用。
買到嘅乾無花果要先用水浸 15 - 20 分鐘，南北杏同蜜棗就要用清水洗乾淨。瘦肉我就通常會切開細件，方便之後可以食埋。
準備好材料之後，就可以逐一放落煲入面，之後加入適量嘅清水，再用大火煲、水滾計大約 30 分鐘，之後再轉中細火再煲 1 個鐘頭左右，加入適量嘅鹽調味就可以！
1:13 雪耳處理 方法
2:35 煲湯材料
#雪耳湯 #湯水教學 #ChineseSoup
夏天又濕又熱，成日飲凍嘢，身體嘅濕氣就更加重，今日就同大家介紹呢款 老黃瓜赤小豆豬骨湯，有健脾袪濕嘅功效，對煩躁失眠亦都有幫助。一齊睇吓材料
老黃瓜 1 個
泥紅蘿蔔 1 個
赤小豆 適量
扁豆 適量
豬骨 300 - 500 克
蜜棗 4 粒
陳皮 2 - 3 片
薑片 3 - 4 片
老黃瓜利尿，降火袪濕，表面越多裂紋就越好，老黃瓜嘅皮都有清熱嘅功效，所以唔使去皮，但係就要搵刷用清水洗乾淨。之後切開老黃瓜，除去入邊嘅果籽同埋果瓤，之後再切細件。
紅蘿蔔洗乾淨之後，去皮同埋切頭切尾，之後亦都係切細件。赤小豆同埋扁豆都係健脾去濕解毒嘅豆類，用清水浸一浸待用。陳皮洗乾淨之後搵水浸一陣，而蜜棗就搵水沖一沖。
豬骨有豐富嘅鐵質同埋蛋白質，經常飲豬骨湯可以增強免疫力同埋紓解疲倦。不過豬骨就一定要先汆水，記得凍水落豬骨，之後滾水計，大約 3 至 5 分鐘再錨起備用。
材料準備好晒之後就可以放落煲入邊，記得落埋幾片薑，之後加適量嘅水，用大火煲滾。水滾之後計 30 分鐘轉細火，再用慢火煲個半到兩個鐘頭，之後加入適量嘅鹽調味，跟住就飲得㗎喇！
今日介紹嘅佛手瓜栗子瘦肉湯，潤肺健脾，而且有止咳、開胃嘅功效。首先睇睇材料：
佛手瓜 2 - 3 個
栗子 10 -15 粒
紅蘿蔔 1 個
粟米 1 條
瘦肉 300 - 400 克
蜜棗 3 - 4 粒
南北杏 適量
薑片 3 - 4 片
佛手瓜又叫做合掌瓜，有袪風解熱、健脾開胃嘅功效。揀佛手瓜嘅時候最緊要顏色清翠，要嚟煲湯嘅佛手瓜唔使切皮，不過一定要用清水洗乾淨，跟住切粒備用。多食用佛手瓜有擴張血管、利尿排鈉嘅功效，對預防心血管疾病同埋降血壓，都有一定嘅幫助㗎！
超級市場甚至乎街市有時都有呢啲去咗皮嘅栗子賣，返嚟洗一洗就用得！不過如果你搵唔到，就可以買呢啲有殻嘅栗子，返嚟慢慢剝殼切皮。栗子壯腰補腎，不過就唔可以食太多，如果唔係就好容易食滯喇！
紅蘿蔔買返嚟之後用清水洗乾淨，之後切頭切尾，再去皮切粒。粟米洗乾淨之後，一條大約分五至六嚿。今次我就揀咗落瘦肉，貪佢容易處理，用嚟煲湯嘅瘦肉切成細件就可以！你亦都可以落豬骨，不過記得汆水，如果想煲齋湯，唔落瘦肉亦都一樣夠味㗎！
跟住我哋將南北杏同埋蜜棗用清水洗乾淨，之後就可以將材料放入煲入邊，記得加埋薑片，跟住就加入適量嘅清水，用大火煮滾，之後煲 10 至 15 分鐘，再轉文火煲多 1 個鐘左右。煲好之後加入適量嘅鹽調味，跟住就飲得㗎喇！
五補 護心瘦身 壯腰健腎 強體健骨 補脾養胃 健美潤肺材料：(4-5人)特級越南腰果100克丹東乾板栗50克冬冬魚(低脂高鈣高蛋白質) 50克懷山藥40 ... ... <看更多>
飲食#湯水#教學想變得更健康，一定要學會富營養的蔬菜湯！快速湯水是指可以短時間內煲好的湯水，既健康又營養，適合生活繁忙的都市人。 ... <看更多>
湯水教學 在 【湯水煲湯- 4款】 新手人妻必學！零技巧素湯食譜 ... - YouTube 的推薦與評價
湯水 煲湯原來可以很簡單。而且還要素湯，人人都合適！早點學養生湯水食譜，由黃金青春美到晚年！想做美魔女及男神， 不要錯過這款日常簡易湯水篇：☆ ... ... <看更多>