【一年前嘅一月，記唔記得自己睇過咩？】
一年前嘅一月，突然間有幾套大片出現，喺仲未到賀歲檔情況下，都算係幾罕有，亦難得大部份你冇乜期待，睇完又覺得幾過癮。
《白頭山：火山浩劫》以為又係果類南韓特技大片，點知災難戰爭動作溝埋又work喎，轉個頭仲keep到年尾成為香港年度票房十大，我諗連電影公司都估唔到；
《重案夢幻再重組》明明大家好憎Micheal Bay，但硬係覺得冇咗Micheal Bay得唔得架，點知出奇地收貨。相信一年前嘅今日同你講，《重案夢幻再重組》將會成為2020年荷里活片全球票房總冠軍，你都唔會信；
《深海異獸》擺到明係「前福斯」唔知點宣傳，求其上咗佢、熟口熟面嘅作品啦，零期待入場，係，都係果啲嘢，但好緊張喎喂；唔可以話好睇，一定令你有驚喜。當日你點都估唔到，因為嚴重缺乏大片，《深海異獸》竟然成為各2020電影總結片段入面，必出現大片畫面之一；
《1917：逆戰救兵》全民皆睇啦喂，講到明係奧斯卡大熱一鏡直落喎，一年前嘅今日奧斯卡提名名單就出啦，開始講到好熱鬧，《上流寄生族》愈戰愈勇喎，點會估到一年後大家討論係，奧斯卡仲應唔應該照搞...
呢一年變得太勁、每個人經歷嘅都好多好多，明明係一年前嘅事，呢堆回憶好似十年前咁，曾幾何時我哋入場都會諗，喂掂唔掂架，好似伏伏地喎，但我好肯定如果今日戲院開，做套《深海異獸》咁嘅戲，大家一定諗都唔諗，仆入戲院睇，分分鐘入座比例仲高過一年前。
轉眼間一年就過，如果有機會返到一年前，你會唔會同返當日嘅你講，唔好諗啦，有咩要睇好睇喇。一個月後，延期、撤檔、串流、Netflix，將為成為你每日聽到嘅名詞；一個月後，戲院開始實施隔行隔位坐，戲院正式步向末日之始。
2020年1月，係電影同戲院最後一段正常、光輝嘅日子，呢堆你覺得可睇可唔睇嘅戲，見證住傳統戲院發行最後日子。
1月尾，大陸賀歲片撤檔開始，大家仲花生大陸抵L死，點知，然後，就沒有然後了。
那是一個我們再也回不去的時代。
🏆第7屆晞。觀影記事讀者電影投選現已接受投票，請踴躍參加啦：http://bit.ly/392BwQ2
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
火山浩劫 在 【白頭山：半島浩劫】終極震撼版預告李炳憲河正宇馬東石齊力 ... 的推薦與評價
為了阻止最後的 火山 爆發他們展開不可能的作戰計畫！ 【#白頭山：#半島 浩劫 】電影介紹：http://garageplay.tw/2004 上映日期：12.24 《#與神同行》 ... ... <看更多>