扮去旅行系列：西貢獨木舟
今年持續冇得去外國旅行，介紹返幾條本地獨木舟路線，由西貢出發去世外桃源～
1️⃣ 火石洲關刀洞
景觀⭐️⭐️⭐️⭐️⭐️/5
難度⭐️⭐️⭐️⭐️⭐️/5
注意：新手勿試
由西貢白腊出發划約 4.5公里就到，由於我去當日風大浪大，我自己划單人艇划兩個鐘先到，其他勁人就一個鐘都ok，回程順風順水就輕鬆一個鐘返到白腊。呢個景點非常值得去，唔係打卡咁簡單，真係以為自己去咗旅行，好難相信仲喺香港。要注意嘅係一定要同有經驗嘅人一齊去，就算你自己有經驗都要有同伴，因為關刀洞附近水流實在好急，無論划艇同游水都會被沖黎沖去。穿洞係有危險性嘅，我自己喺泰國穿過就覺得呢度都ok，不過係要好專心同好大力。我好想瘋狂推介呢個地方，因為實在太靚，不過留意番有人試過喺關刀洞附近行山發生致命意外，所以如果想上岸行山就要諗清楚🙏🏻
西貢市去白腊的士約$150
租艇平日$180 單人艇，新淨✨
白腊士多租艇聯絡：31293055
2️⃣鬼手岩
景觀⭐️⭐️⭐️/5
難度⭐️⭐️／5
呃like ⭐️⭐️⭐️⭐️⭐️⭐️⭐️⭐️⭐️
呢舊鬼手岩… 唔知點解IG好紅好多人去，我去過啲相有好多人like，講真真係一隻手咁簡單，個沙灘係極細，要某一個角度先見到舊石似隻手，我哋望咗好耐先知冇去錯地方。由海下租艇出發5 公里有找，輕輕鬆鬆，一般冇乜浪，泊岸亦都容易。雖然係得一舊石，去到個環境好似睇 Interstellar 去到第二個時空流落荒島咁，都真係幾得意😎
西貢市去海下的士約$130
海下租艇平日$100-150 假日貴少少
艇有新有舊，睇清楚先好拎
海下租艇：雲海士多23282169
3️⃣赤洲
景觀⭐️⭐️⭐️⭐️⭐️／5
難度⭐️⭐️⭐️／5
由鬼手岩過去2至3公里，輕鬆半個鐘就到。如果由海下出發都係大概5公里，逆風係有啲辛苦不過唔算危險。赤洲真係好靚，好似星球大戰啲場景咁樣，上岸之後又有得行山，又有得浮潛。行山嘅風景係好靚，又容易行人字拖都OK ；我浮潛咗一陣就見到一舊識郁嘅珊瑚，好cute，不過我朋友踩咗海膽😱 所以記得要帶返游泳鏡清楚水底嘅情況先好落水～
西貢市去海下的士約$130
海下租艇平日$100-150 假日貴少少
艇有新有舊，睇清楚先好拎
海下租艇：雲海士多23282169
啲相全部iPhone only 📱 唔知啲人點解划艇都可以帶 drone 帶單反，我淨係帶電話都好驚跌落水😳
我畫畫嘅IG:
www.instagram.com/hyatt.arts
火石洲獨木舟路線 在 介紹返幾條本地獨木舟路線，由西貢出發去世外桃源 的推薦與評價
扮去旅行系列：西貢獨木舟今年持續冇得去外國旅行，介紹返幾條本地獨木舟路線，由西貢出發去世外桃源～ 1️⃣ 火石洲關刀洞景觀/5 ... ... <看更多>