《黃店星馬菜💛竟然咖喱最突出？🥘》
最近都成日喺荃灣食嘢，今次喺荃新天地行咗個圈決定食一餐馬來西亞菜，順便撐一撐黃店💛。唔知係咪成年冇去旅行🧳，對食東南亞菜總有一種情意結😚🤟🏻。
.
入到去已經唔想諗咁多，直接就叫咗佢個二人餐，包咗2款主食、2款小食、拼盤、甜品同餐飲，計落都真係幾豐富。
.
📍檳城尋味二人套餐（$258）
.
🔻咖哩叻沙湯魚片四寶麵
喇沙湯底完全唔辣，唔夠香又唔夠鹹，食落爭咁啲。麵底揀咗摻摻，亦即油麵+米粉🍜，再配上爽口嘅芽菜口感的確係幾有趣。配料有豆卜、魚腐、牛丸、魚蛋、墨魚丸，味道比較平實，特色唔大。
.
🔻馬來咖哩飯配雞肉
咖喱香辣🌶，食落比叻沙麵惹味，薯仔同雞肉比咖喱汁仲要多🥘。薯仔炸過🥔軟腍香口又入味，雞肉就正正常常🐓，以量取勝，咁多料啱晒用嚟送飯食🍚😌。
.
🔻馬拉雞拼盤 (細)
雞翼應該用香茅醃製過🌿，非常入味🤤。經過高溫油炸🔥外皮香脆😍，中間肉質嫩滑。而雞串上面加咗啲肉碎同香料，唔夠平日嘅沙嗲醬咁惹味，只算喺正常發揮。
.
🔻五香滷肉 配檳城辣醬菜
中間係用咗五香粉醃製過嘅肉碎，外面用炸脆嘅腐皮包住。味道上唔突出，點上旁邊嘅特製醬汁會好食少少。
.
🔻脆香魚皮
魚皮炸得乾脆，脆卜卜又油膩，食完冇罪惡感。
.
🔻榴槤咖央多士 (半份)
🔻蝦麵店特製亞參脆多士 (半份)（$19）
呢2款都係餐廳嘅特色甜品✌🏻，亞參味道特別，有啲似果jam，帶酸味好醒神。而榴槤咖央就甜甜地嘅配上鬆脆嘅多士唔會太飽膩🍞。
.
🔻熱美祿
味道過淡，失敗。
.
📍摩摩喳喳 （$25）
傳統甜品喳喳，🥥椰汁做底，加入手工粉圓、香蕉🍌、西米、番薯🍠同芋頭做配料，味道淡淡哋，算係正常發揮。
.
呢間蝦麵店感覺最好食竟然唔係佢嘅麵😂，咖喱好似仲出色啲，味道算係中規中矩未見有大驚喜。
.
蝦麵店 (荃新天地) (荃灣)
荃灣楊屋道1號荃新天地一期1樓108及110號舖
.
#草根食在荃灣
.
@prawnnoodleshophk_official
炸香蕉馬來西亞 在 马来西亚街边小吃，酥脆炸香蕉 做法简单 Malaysian street ... 的推薦與評價
马来西亚 街边小吃，酥脆 炸香蕉 做法简单 食材：1把香蕉，100克木薯粉，100克粘米粉，100克普通面粉，1勺泡打粉，1勺盐，50毫升油，300毫升清水 ... ... <看更多>