[匯豐強勢,小小啟示]2021有息派,咪好咯。根本最初就無辜之極,畀英國政府夾硬屈。但,之後又點?
1. 前作(睇最好,唔睇都不影響本文)領展70蚊,小小啟示 (https://fbook.cc/3JCl)。同系列仲有「中概股冇事,小小啟示.迪士尼歷史新高,小小啟示.銀行年尾減按揭息,小小啟示.」, Patreon已寫(https://bityl.co/4Y0h),請訂。或者睇完呢個Post覺得精彩再訂都得。
2. 久休復出,呢篇有啲火。寫文有火係好重要的,冇火嘅應該收檔,唔好呃飯食—雖然我冇收你地錢。咁唔收錢都咁有火,Patreon就仲有火!月頭支持下出火啦(https://bityl.co/4Y0h)
TLDR:2022年5厘息,很好。但2023年呢?會唔會都係買4厘息嘅領展好啲?當然啦,都係睇價。唔買股票嘅人其中一個最大嘅盲點。故事好多人識講,但再好嘅公司都有個價,再垃圾嘅公司都有個假。呢下先最難判斷嘛。你知人地未來十年搵幾多錢,都未必判斷到個股價之後會點的。
3. 匯控近嚟走勢唔錯,上到3個月新高,44蚊了。短答案,當然都係唔應該買。但仲想探討幾樣嘢。首先留意,近期係強,但年頭都仲60蚊,都仲係跌咗三份一。
4. 至於低位?穿過30蚊添,咁有咩人低位撈?多數都唔係你。低位買嗰個叫做平保。服未?3億買落去。錢多咪自然心安,幾時都係財不入急門,你拎啲救命錢去賭,必然輸死。
5. 另外,的確嗰時係全城皆死心,一沉百踩(其實4月已踩咗好多腳)。咁亦都真係有人話,喂,嗰時已經極悲觀啦。事實見到果然如此。都係老教訓,別人恐懼時我貪婪。不過,亦係成日重覆嗰句,當局者迷啦。你而家睇返當然容易,但當時好難去睇到幾時先係「最恐懼」。你代入下,你係個有1000萬身家買晒匯控收息退休嘅老嘢,4月息都唔派,股價仲係咁插 — 而你仲有500萬,你真係仲會買落去?
6. 講返近期,咁呢排升乜?正如寫領展時都討論過,講舊年嗰啲咩9厘息,算吧啦,意義近乎零。講咗N咁多次,「股票係炒將來」,你舊年派幾多厘息,關我乜事?又唔係我有份。好少少嘅你至少應該睇Bloomberg之類嘅2020派息,但更正路應該睇2021 2022,因為,老細,而家都2020年12月啦。投資者會睇幾遠,呢啲真係冇得量化,但very rough rule of thumb,大半年至一兩年都還好。
7. 咁但,當然,係有傳英國(同歐洲)會容許返銀行派息,咁當然會幫到公司,但,傳都傳咗好耐,乜都反映晒。話說回頭,由頭到尾我都覺得係一場鬧劇。你有啲英國銀行,金融海嘯幾乎沒頂,要政府打救。咁拎得政府錢當然有代價,你成為半間國企,總不能亂咁派息益啲Fat Cat.問題係,大佬,匯控08年根本冇問政府拎錢!供股嘛。但今次危機政府一樣管你,「喂我唔使要你啲錢,上次都冇拎到」「到時你就會話要架啦」。
8. (最新你見到超市Sainsbury 回返水畀政府,就係唔想阻撚住派息派花紅。當然香港就有大快活拎咗補就業照派息,又冇話唔得,補就業畀你出糧嘛,咁有出糧咪得)
9. 而另一方面,官嘅嘢,梗係最緊要唔好爆鑊。唔派息,你啲股東咪嘈咯,嘈嘈嘈嘈飽佢,吹得我脹?而我冇見嗰班鬧匯控嘅人去英倫銀行度嘈。事實而家見到,監管當局係過慮,銀行嘅情況遠比佢地想像中好—但,再講一次,官嘅嘢,話知你啦。畀你派息又唔係佢有份,但出咗事佢要孭鑊嘛
10. 但講返股價,都係唔好有乜期望。係呀,會派返息,但派幾多先得?寫文時唔在公司,但睇返大行高盛報告(大約都有個譜)(https://bityl.co/4hwI)—2020年就雞碎咁多啦。但2021就 3毫美金,2022就 4毫美金。即係2021就5厘息,2022就7厘息左右,還好啦
11. 之但係又,以上,係高盛估計啫。而高盛係比較進取嘅(唔進取點justify 51蚊目標價?)(*)。2021 2022 佢估 3毫同4毫美金派息,街(大圍嘅consensus)就估2毫半同3毫咋(如圖)。如果用大圍(沙田嘅未知)嘅數,就即係2021 就4.5厘,2022先5厘—又唔係好吸引咋
12. 因為仲有一樣嘢,樓上講嗰啲派息—派到先係。銀行始終唔同領展咁,2022咩世界,邊個知?就算2022年得,2023呢?唔係玩嘢,而係真係得罪講句,「好撚多人呢,唔識就咪撚講啦」。唔係咩好火箭科學,你考CFA Level 1都要學,大學讀Finance 101 都一定學,discounted cashflow.你老味你收息收一年架?收兩年?收三年?你計條式係將未來咁多年嘅嘢discount 返晒嘛,直到無限—因為企業可以永生,永生過羅永生(又,唔係有人以為加到無限結果都係無限架可?邊個教你數學?我啲學生一定唔會咁。香港地STEM嘅嘢)。
13. 你要嘅,今年派10厘息都得架,咪預支蜜月畀你(**),之後冇得派咁解之嘛。成個諗法都唔make sense:你買落間公司,梗係覺得啲錢在佢度好過在你自己度啦。否則點解你唔自己炒股票?聽講呢排個個都一個星期執幾成喎。
14. 而N咁多人,都係唔知公司係可以忽然唔派息嘅。4月咪領教過咯,宣佈咗都可以收返,除埋息亦唔會加返畀你(***)。由始到撚都合法,亦一路公司做,只係之前啲公司冇咁大冇咁多人受害。嗰班話去法庭投訴去證監告嘅,你見有冇have a case?當然而家股價彈返上嚟咪唔嘈。升上返200蚊錫晒你添。
15. 然後你睇下,領展連今年咁嘅情況都唔使減租 仲似乎唔使減派息,應該真係要核戰或者外星人侵略地球領展先要減租減派息。
16. 事實係,領展上市咁耐(當然都唔係好耐,未夠20年),從來冇減過派息。未必去得到美股講Dividend Aristocrat 嗰種水平(有啲要睇廿年甚至廿五年),但,呢15年間,匯控已經兩次reset派息啦(如圖),仲要供股添。
17. 而舊文都寫過(https://fbook.cc/3JCl),領展呢種穩定性,十分值錢。牙醫同你自己炒股嘅分別,牙醫今日搵80萬,你炒股搵100萬—但佢都係有錢過你(除非你係1億本搵100萬嗰種)。背後嘅alternative path唔同,佢再衰都有幾皮嘢個月,你炒股嘅,倒輸都仲得。
18. 反轉頭講,你見咁多人「靠匯控收息退休」,咪知道呢種「穩定提供派息」嘅嘢係好有市場—只係你嘅期望錯咗啫。呢個年代,冇得穩穩陣陣8厘息架小朋友,怪邊個?美國聯儲局啦,歐州央行啦,英倫銀行啦,日本央行啦,人民銀行啦。其實人類好似幾百年歷史都係玩印銀紙,你有冇見有得收返?你有邊樣嘢會平過五十年前?有嘅,去日本咯,同埋電視機之類(****)。只係近十幾年更加肆供忌憚咁解。Another Story.
19. 仲有最後一樣,近期銀行股強勢(國際同香港,中資另一回事),亦都同美國長債債息反彈不少有關。銀行就係借短錢放長錢嘅一個遊戲,長債債息升,對銀行息差係好事。
20. 咁做乜長債債息彈?又有人話係因為通脹預期,如是我聞。「不過債息高唔係應該不利股市?」「earnings yield gap嘛」。係就係,但又係嗰句,真實世界唔係科學實驗咁,唔係債息忽然抽上嚟,股市即插—正如之前都唔係債息一跌股價就升。
==========================
月頭訂最抵,Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
==========================
(*)大行報告往往要寫sort of「how we different from consensus」嘅東西,因為要同客交代,「做乜要睇你」。但實情多數係浪費時間,self defeating,好似匯控呢啲,閒閒地五六十個分析員寫,點樣人人都唔同?人人都contrarian,咪人人都唔係contrarian 咯。最後根本大家個consensus都係稻草人。你又話街度個個睇淡我地睇好,佢又話出面間間睇淡我地睇好,事實係人人都睇好。哲學呀。
(**)預支蜜月呢個term幾耐冇聽人講過?證明而家婚前性行為係default,甚至拖前性行為都係default。世界係進步嘅(*****)
(***)而我到而家都唔明點解有人覺得除咗淨要畀返佢。全世界都唔會咁做。而講嘅十個有十個都唔知咩係除淨。
(****)呢個亦係量度通脹嘅一大問題,係呀,而家啲電視機平過當年,even in nominal terms.正如你而家啲電話咁撚勁,都係賣幾千蚊,config勁過晒幾十年前嘅 電腦 電話 相機加埋喎,仲要平一大截。不過人類係進步嘛,而家仲叫你睇大牛龜電視用大哥大咩。所以官方「通脹」啲嘢唔好太過走火入魔。
(*****)問題永遠係,後生仔就有時間有體力但冇錢溝唔到女,出嚟做嘢就有體力有錢冇時間溝唔到女,到老嘢就有時間有錢但冇體力溝到女都冇用。解決方法?偉哥。所以點解輝瑞股價升極都有(******),「你估真係靠疫苗」。或者,做富二代。亦證明偉哥幾咁偉大—佢幫你補返做唔到富二代嘅不幸。
(******)任何人同我講 有志者鄧竟成 或者 when there is a will there is a way嘅,我都係傳返輝瑞嘅股價圖畀佢—如果你講嘅嘢成立,人地應該執咗笠。
==========================
月頭訂最抵,Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
「牙醫讀幾多年」的推薦目錄:
- 關於牙醫讀幾多年 在 君子馬蘭頭 - Ivan Li 李聲揚 Facebook 的最讚貼文
- 關於牙醫讀幾多年 在 君子馬蘭頭 - Ivan Li 李聲揚 Facebook 的最佳貼文
- 關於牙醫讀幾多年 在 鄭小b之成長日誌 Facebook 的最佳解答
- 關於牙醫讀幾多年 在 讀牙醫系的心情 - Dcard 的評價
- 關於牙醫讀幾多年 在 牙醫讀幾多年、牙醫出路、牙醫薪水在PTT/mobile01評價與討論 的評價
- 關於牙醫讀幾多年 在 牙醫讀幾多年、牙醫出路、牙醫薪水在PTT/mobile01評價與討論 的評價
- 關於牙醫讀幾多年 在 [問題] 45歲考上牙醫系, 請問建議讀下去嗎? 的評價
- 關於牙醫讀幾多年 在 [問題] 45歲考上牙醫系, 請問建議讀下去嗎? - PTT看板medstudent 的評價
- 關於牙醫讀幾多年 在 笑容從齒美Smile Campaign - 首頁 的評價
- 關於牙醫讀幾多年 在 [問題] 45歲考上牙醫系, 請問建議讀下去嗎? - 看板medstudent 的評價
- 關於牙醫讀幾多年 在 念完牙醫欠了多少錢?最貴的牙醫學校?要花多久時間才能還債 ... 的評價
牙醫讀幾多年 在 君子馬蘭頭 - Ivan Li 李聲揚 Facebook 的最佳貼文
[領展70蚊,小小啟示]天花亂墜一大堆。牙醫好有錢,非常有錢。因為過澳門賭場賺到嘅100萬,同你幫人洗牙賺到嘅完全不能比較。同樣地,領展就係洗牙(而牙醫都要幫襯領展,雖然王國龍都要睇牙醫)
係喎,好耐冇呢度出長文,唔好意思。忙呀。忙乜?前四後六啦。「埃汾變咗性?」「咁男人都可以有產假嘅」。但,唔係啦。冇睇黃子華咩。放假前後就係咁架啦。但肯定你訂我Patreon就日日仲有文睇,四個月我一篇都冇甩過。唔夠時間就一定寫咗嗰邊先了(https://bityl.co/4Y0h)
同系列仲有「中概股冇事,小小啟示.迪士尼歷史新高,小小啟示.銀行年尾減按揭息,小小啟示.」, Patreon已寫(https://bityl.co/4Y0h)。迪士尼有機會在呢邊再寫長啲。另外仲有篇「匯豐強勢,小小啟示」,應該晏啲出
TLDR:今年咁嘅情況,做收租佬嘅領展都唔使減租唔使減派息,應該真係核戰或外星人侵略先減租減派息了
TLDR 2:領展先4厘息,咁其他畀8厘息你嗰啲係乜?你入去鴨店隻隻都3000,忽然有隻1000,你估係你獨具慧眼見到筍嘢,定係有伏?你話呢?不妨諗下你幾多點去到。或者睇下你自己嘅往績。
1. 本身實在係冇乜特別,因為呢隻Patreon寫過幾次,公開場合都成日講。講嗰時好似60蚊左右,而家70蚊,「個幾月先17%」「唔啱你啲股神網友個個幾日就執幾成」。不過相信呢度嘅讀者知道個分別,一來咁炒返嚟嘅錢好易會輸返,二來我斷估啲幾日執幾成嘅股票,你唔敢訓身家,但領展你會敢。So simple,所以講到尾係睇結果。你嘅身家就係你嘅得分。
2. 而呢兩日升乜?我都唔知,好似話估零售復蘇。但,下,而家先知?另外,好似話有大行唱好,呢個仲無聊。大行報告未必冇用,特別係唱淡時有用,但對領展,關乜事?
3. 領展係一隻相對地易啲睇嘅股票,拎嚟學習亦都好好。商場好唔好生意,車位咩情況,人人睇到。而當時力推,原因亦好簡單—因為見到佢地根本冇減租。因為啲場夠低檔(雖然都唔平,但香港人好富貴),夠民生。唔似太古或九倉啲高檔場咁,高檔場一來貴租,下跌空間好大,二來直接分租戶嘅收入,好景時咪執到笑,但唔好景時咪跌得好勁。相反領展啲場,除非你玩到門口都唔畀出,否則你都係要落去買嘢甚至食嘢。
4. 然後你可以再諗下,喂,今年真係百年一遇,黑天鵝了吧。但都唔使減租。咁其實應該真係要打仗呀,或者外星人侵略香港領展先會減租。
5. 咁有乜閹僻畸唇?緊要咯。即係,佢嘅股息,係可靠嘅!今年四五月寫匯控嗰時,我已經講過好多次,你望住過去個派息,即係股票機見到嗰個,係冇意思的。講咗好多次,「股票係炒將來」,唔記得嘅罰抄一千次。
6. 你睇嘅,應該係預期股息。「但將來點知?」。係唔知,但有個譜,而且呢種唔知有幾唔知,正係關鍵。先講有個譜,你會見大行分析員估,固然都唔少估錢,但估派息呢啲有個譜,總好過你盲中中亂咁嚟。
7. 問題係,邊度搵到?咁好似個別股票機(經濟通?)會有的,自己研究下。但更加好嘅,就梗係睇返大行報告。報告不易找(唔好問我拎),但傳媒都會報。當然仲有,Bloomberg嘅 Refinitiv呀之類嘅東西都有,正常人屋企唔會裝,「但公司會有」「所以點解要做金融」「或者搵個做金融嘅男/女朋友 或好朋友」。
8. 關鍵就嚟啦,同樣係睇下年嘅息,領展嘅visibility,係高好多嘅,所以亦都高質好多。你望另外隻嘢,好似有6厘息,但盈利可能大上大落,或者喜怒無常忽然唔派嘅,咁我不如買隻派5厘,但往績好,生意又有保證嘅。
9. 正係因為咁,所以你見啲公用股咁值錢。你見咩中電之類,4厘息多啲。中移動941就近7厘息。咁但,買中電嗰個傻仔?退而求其次,即係買美債嗰啲傻仔?去到呢啲咁多人睇嘅東西,千萬唔該收起你嘅ego,你唔知邊個係傻仔,多數你就係。中移動7厘息下話,咁當然比匯控啲息穩啲,但,人民幣會唔會貶值先?另外,業務有冇倒退風險先?會唔會忽然有乜乜政策先?全部都係風險。唔係風險唔好,唔係有風險就唔買,但搞清楚個世界點運作。至怕你買7厘嘅嘢,以為風險同3厘一樣
10. 領展作為一隻派息紀錄極好(再講一次,過往紀錄唔代表將來,但我同勒邦占士打one on one你都係應該買佢贏,甚至打乒乓波都係),咁嘅情況下都唔使減派息減租嘅收租股,「貴」得有道理。根本唔會有8厘息畀你。掉轉頭,會見到8厘息嘅股票,就梗係有啲問題。你唔明嘅,係你唔知伏在邊啫。否則都係嗰句,買美債嗰啲傻仔?有得穩穩陣陣8厘息,好多人都唔使撈了。
11. 再粗俗啲嘅比喻,我當你去鴨店(唏,平等嘛),隻隻都係3000蚊(跳舞都得掛?),唯獨有一隻1000蚊,仲要望落白白凈凈冇性病嘅,咁你自己估下係咪筍嘢了。提醒:你唔係最早到嗰個,點解之前啲熟客唔揀呢,可?同樣地,有隻其貌不揚手腳短腳但5000蚊嘅,咁你咪又估下係有過人之處咯。但都係嗰句,humble啲,相信市場。特別係照下鏡,如果你都之前成日中伏嘅(冇乜值得慚愧,人人都會),咁就話畀你知,你唔好太高估自己「獨具慧眼」嘅能力啦。去到呢啲位,你明白真係投資反映性格,好多人表面上唔arrogant,內心自大到不得了,真係以為自己好撚醒,哈哈,開個股票機,呀,呢隻嘢十九幾厘息啲大行都唔買喎,正白痴,等我買返幾廿萬先。你咪睇下邊個先係傻仔。未夠道行嘅,都係跟住前面架車咪知邊度影快相。
12. 呢個道理,在好多嘢入面都睇到。今日較早前同朋友講開,佢做工程嘅,有啲同學轉做金融,pretty good,但更好嘅可能係在政府做—穩定唔會畀人炒呢個好重要。個個月穩袋十皮嘢,好過你金融才俊三更貧五更富,今年幾球嘢下年冇工開。
13. 昨日Patreon亦有寫過IMF一個越究,富者越富,而有錢人嘅投資回報,仲高過窮人(https://bityl.co/4Y0h)—但留意,係risk adjusted return.你要明白,唔少人嘅「高回報」,背後承受咗好多高風險,所以adjust 返根本唔係嗰回事。形象化啲嘅,我每年15%回報,好過你連續5年去澳門(而家冇得去)100%回報啦。係呀,你舊錢1變32,但,你買得幾多?畀你1萬變32萬好未?退到休未?
14. 況且,跟你呢個策略嘅,好多輸死冇命賠。亦即係 Nassim Nicholas Taleb寫嘅,your dentist is rich, very rich,Alternative Path,Possible world嘅問題(https://bityl.co/4hN8)。有人拎100萬買波中100倍波膽,唔等於你應該去做。
15. $10 million earned playing Russian Roulette does not have the same value as $10 million earned through the diligent and artful practice of dentistry. One's dependence on randomness is greater.
16. 仲有,其實有讀者係政治相關人物(讀者其實咩人都有,聽講有人撈偏的),早排都有問過下我嘢。咁佢風險承受能力低,有叫佢買下美股下港股,仲有買埋領展。當時我都唔記得佢身份,「佢好似平時日日鬧的」。但呢啲我唔知啦,你亦可以睇成為if you can’t beat them, join them。反正我係唔會爆讀者私隱的。就算你表面係環保鬥士實則日日買石油股都冇所謂。
==========================
月頭訂最抵,Ivan Patreon,港美市場評點,專題號外,每日一圖,好文推介。每星期6篇,月費100蚊唔使,4個月已800人訂!(https://bityl.co/4Y0h)
牙醫讀幾多年 在 鄭小b之成長日誌 Facebook 的最佳解答
~~~~~~活動已完結~~~~~~
【#送禮活動 🎁】送出 Mega Ten 動物造型兒童聲波電動牙刷 × 2支 (企鵝及倉鼠仔) 及 愛Baby親子博覽門票 × 60張
#giveaway #送兒童聲波電動牙刷 #送BB展飛
小朋友唔鐘意刷牙🦷,見到牙刷即調頭走?
一係就放喺口中唔肯刷?再唔係就hea刷?
家長們真係好傷腦筋呀😖
之前媽我就分享過從小培養小b刷牙嘅習慣,同佢一起邊刷牙邊唱刷牙歌🎶🎵、又會俾佢睇刷牙嘅書、又會用佢喜歡嘅牙膏味道、仲一定會揀選有可愛圖案嘅牙刷俾佢。
正所謂 「工欲善其事,必先利其器」嘛🤭!
呢款Vivatec MEGA TEN 動物造型嘅兒童聲波震動牙刷 (共7款動物),大家話係咪❤好可愛呢?!
媽媽我就覺得非常可愛💕小b亦非常之like!
同時仲係我想搵嘅360度嘅震動牙刷👍口腔四周都刷到,減低細菌滋生。
刷毛方面💁🏼,質地及軟硬度都好重要,刷毛過硬會傷害到小朋友幼嫩嘅牙齦,令佢哋怕怕刷牙😢!
Mega Ten 及 LUX360 嘅刷毛多達2萬支😮,
🔹均是高級品質 DuPont 纖維製造
小b以前都用過其他牌子嘅360牙刷,用咗幾次刷毛就好快散開,甚至甩毛!
Viviatec專利技術製造嘅環形刷毛,每層刷毛能左右活動,緩衝刷牙力道,避免咬扯、塌散。密度高而且柔軟堅韌,堅韌度是「日本工業標準」(JIS)標準的三倍高。
🔹未識吐牙膏嘅小朋友,只用清水刷牙,都可有效清潔牙齒。
🔹圓磨刷毛能除去牙齒表面嘅牙斑,仲大大減少對口腔內嘅創傷,不會刮損脷仔或牙肉。
除此之外,刷柄會發出柔和 LED燈💡,增添刷牙嘅樂趣。仲設有 #雙計時功能,⏱每震動30秒後停一停,提醒小朋友轉換刷牙區,完成牙醫建議的兩分鐘刷牙時間即自動關閉。
關於Viviatec:-
係全球首個研發 360 度牙刷的生產商,同日本大板齒科大學一同研發,已取得設計專利。
所有牙刷均在日本製造。
🛒銷售點:-
萬寧Baby及一田有售; 永安百貨於6月後有售。
💥嚟緊嘅 #愛Baby親子博覽 都可以買到!
LUX360、Mega Ten、LUXPET、Dorothy有折扣優惠; 仲有只限BB展內發售嘅優惠套裝及限定優惠價!💥
✨愛Baby親子博覽✨
地址: 香港會議展覽中心Hall 3
日期: 2019年6月7至9日 (星期五至星期日)
時間: 上午10時至晚上8時
攤位號碼: BC14
★☆★☆★☆★☆★☆★☆★☆★☆★☆★☆★☆
現在,非常感謝❤【Vivatec Toothbrush】為我的讀者送以下禮物🎁:-
1. 🥇Mega Ten 動物造型兒童聲波電動牙刷 1支 ( 企鵝或倉鼠仔,隨機送出) + 愛Baby親子博覽門票2張 及 Mega Ten $10優惠券3張 (只可於BB展使用)
名額: 2名
2. 愛Baby親子博覽門票2張及Mega Ten $10優惠券3張 (只可於BB展使用) 🎫
名額: 28名
⭐參加方法⭐
1. Like 「鄭小b之成長日誌」及 「Vivatec Toothbrush」 專頁 (設為公開)
2. 讚好及分享此Post (設定為公開)
3. 「#讚好」鄭小b之成長日誌最近5個posts
4. 答問題: #MegaTen 兒童聲波電動牙刷共有幾多款動物造型?並留言tag 5位朋友
🌟記得follow埋我哋IG: www.instagram.com/babyaustin06
❤截止日期: 2019年05月21日 23:59
❤只限香港地區參與
條款及細則:
1. 活動日期由即日至05月21日進行。逾期恕不接受。
2. 得禮者名單將於2019年05月23日前inbox通知得禮者。而得禮者請於24小時內Facebook inbox 回覆順豐站/智能櫃點碼/平郵地址、電話及姓名,否則當自行放棄論。
3. 禮品由贊助商寄出。 (公佈名單後牙刷會於14個工作天內送到,得禮者需於順豐站/智能櫃取件。而BB展門票會於14個工作天內郵寄給得禮者)
4. 參加者必須確保所有填寫的資料均屬真實,如有不實資料或懷疑虛假賬戶,本專頁有權取消參加及領獎資格。
5. 產品不可退換或兌換現金。
6. 如有任何爭議,品牌及本專頁保留最終決定權,包括隨時暫停、更改或終止活動及其條款及細則,而毋須另行通知。
#刷牙唔扭計 #Oralbuddy #Vivatec #MegaTen #牙刷 #360度
牙醫讀幾多年 在 牙醫讀幾多年、牙醫出路、牙醫薪水在PTT/mobile01評價與討論 的推薦與評價
在牙醫讀幾多年這個討論中,有超過5篇Ptt貼文,作者grey213也提到各位版友大家好! 我最近第一次作全鋯冠假牙三顆假牙花了不少錢因此有點有點緊張牙醫前幾天幫我試戴 ... ... <看更多>
牙醫讀幾多年 在 牙醫讀幾多年、牙醫出路、牙醫薪水在PTT/mobile01評價與討論 的推薦與評價
在牙醫讀幾多年這個討論中,有超過5篇Ptt貼文,作者grey213也提到各位版友大家好! 我最近第一次作全鋯冠假牙三顆假牙花了不少錢因此有點有點緊張牙醫前幾天幫我試戴 ... ... <看更多>
牙醫讀幾多年 在 讀牙醫系的心情 - Dcard 的推薦與評價
讀牙醫系一路走來,總是數不盡的辛酸大體解剖、組織學、生理學、胚胎學、神經解剖學、藥理、病理那一大堆基礎醫學,讀到大腦容量瞬間歸零更別提牙本科 ... ... <看更多>