《讀者投稿》長篇下
之後一直都同佢屋企個老人家有矛盾，接住落嚟 平時食晚飯我有個習慣，係會擺定杯暖水喺隔離飲，之後佢屋企個老人家話我:「唔好飲咁多水啦，飲咁多水對BB唔好！」我果下個心真係笑咗，我唔飲水飲乜Q嘢？
之後第二日佢出去買餸，唔知係邊度買咗一杯珍珠奶茶返嚟，話佢唔飲 叫我飲咗佢，我同佢講: Sorry 我唔飲奶茶的，同埋飲奶茶對BB唔好🙂！嗰晚有親戚嚟屋企食飯，佢煮到成枱都係海鮮，嗰晚我淨係食菜同食白飯，之後佢哋又話我 做咩淨係食菜同飯，唔食其他餸？係咪想餓親個B？我已經選擇唔再同佢地講嘢～～
中間都keep住發生咗好多事，又話我開冷氣，搞到佢哋要俾多啲電費，有次仲扮晒野話:「我唔識睇幾多錢電費，你可唔可以讀俾我聽？」，我見到$214，我忍唔住講咗句$214咋？佢哋即刻話:好貴㗎喇！我哋平時用開$90電費咋！其實我心諗:以前我同老公住，公一份婆一份，我試過幫佢交八百幾蚊電費啦，其實難聽啲講句 你咪當還返俾我囉！
之後我真係頂唔順，同我老公講，BB出世之後 我要搬返去自己屋企住，我老公都OK，當佢同屋企人商量嘅時候，佢屋企人即刻講咗句:啱呀返屋企坐月啦～我哋呢度冇人照顧到你！
一聽完呢句即刻嬲到爆炸，我陀左BB咁耐，你哋一碗補品都冇燉過俾我飲，我屋企人拎補品俾我嘅時候，你哋仲喺我屋企人面前鬧我話:做咩俾啲「外人」上嚟～我真係笑咗～我屋企人叫外人，咁你叫咩？
之後又係我老公面前話我，話我有咗BB之後咩家務都唔做，唔係我唔做，係我老公驚我整親，所以叫我唔使做，嗰時同佢地傾 佢地都OK 㗎～叫我專心養胎，然後而家又話我咩都唔做，真係神又係佢哋鬼又係你哋！
之後佢哋知道我識買淘寶，叫我幫佢哋買日用品 生活上嘅嘢，幫佢哋買咗五六百蚊唔緊要！我攞住張單同佢哋收錢嘅時候，佢哋話:「一家人，幾百蚊咪算囉！「哈哈！好笑！有陣時唔舒服 叫佢哋幫我買碗麵，廿零三十蚊都問我老公收返，然後二百幾蚊電費又同我計，我真係覺得好好笑～我唔同你計幾百蚊嘅時候 你同我計廿零三十蚊？？？傻的嗎？
好辛苦捱到BB出左世，因為太黃要照燈，然後我遲阿仔一日出院，然後佢哋話我做咩事搞到阿仔要照燈？我真係想diu佢地，我專登搞到佢要照燈？有邊個阿媽會專登整病自己個仔？
我返到屋企住之後，我屋企人幫咗我好多，起碼我坐月可以安安心心咁坐，我可以100%保證，如果我係老公屋企住，佢哋一定唔會幫手。
然後返去食飯嘅時候又問我打算幾時搬返去，其實我真係冇諗住搬返去！好唔鍾意佢哋成日少少嘢就講錢，郁啲又話我洗老公錢，成日自私自利 淨係諗自己～然後講吓笑 又玩認真！喺佢屋企講個笑話又話我比說話佢聽！
跟住帶個仔返去食飯，鍾意就搶來玩，唔鍾意就劈佢入房，鍾意就爭住餵奶，又唔識抱！抱得我個仔唔舒服，我個仔就喊晒，然後就話:「乜你個仔咁扭計㗎～俾返你！」diu!當我個仔係玩具？鍾意鍾意要就要 唔要就扔??
之後我個仔出晒汗發憫憎，佢哋走去攞張棉被包住我個仔，話因為佢凍先會發脾氣，心諗可唔可以唔好將你哋嘅溫度代入我個仔嘅溫度？然後我即刻發脾氣同佢哋講:「我個仔永遠都唔怕凍！淨係怕熱既姐！所以唔該你地唔好再用毛巾包住佢！」然後我發脾氣一手扯走咗條毛巾，然後佢哋話我生完個仔之後神經質，叫我老公帶我去睇精神科，我真係想同佢地講，唔該檢討吓 邊個先係要去睇精神科嗰個？
🙏🏻🙏🏻如果大家遇到千年難得一遇嘅好6299，要好好珍惜！
＃我的極品四大長老
邊度買bb野 在 twinkle baby好唔好-在PTT/IG/網紅社群上服務品牌流行穿搭 的推薦與評價
請問大家通常會喺邊度買BB野？有邊間BB用品網店係好架？facebook實在有太多間，都唔知邊間好,Baby Kingdom - 親子王國香港討論區. ... <看更多>