各位好呀，又到左 #必廚好煮意 嘅時間，作為一隻專業嘅 #倫敦鴨，去泰國持續進修，學下點樣煮泰國住家菜 #搶人老公 是常識吧？
今日我就去左酒店嘅cooking class 度，學左煮青木瓜沙律、冬蔭功、咖哩虎蝦同埋椰汁芒果糯米飯🌼
我想講嘅係呢… 你以為自己入廚幾年已經爐火純青，但一去到同創意總廚拜師，你就發現原來仲有好多嘅技術係完全聽都未聽過。例如個青木瓜沙律，你用刨刨個木瓜，同用刀左右左右咁切絲，出黎完全係兩個口感同層次，前者軟稔稔，後者爽脆得多。成道菜由零開始，大廚同助手1對1guide住你做，無論係刀章、調味定係整醬汁，都係由零開始，完全係大開眼界，就連困擾左好耐嘅煮食問題，問佢都會有答案。
一路學一路傾計，煮完一道就食一道，食完先再煮，結果明明話2個半鐘嘅課程，我地玩左四個鐘，主廚話無問題，難得有好學生超時就超時，「給我學好佢，整俾你在英國的朋友，讓他們知道泰國菜也很好吃的。」言談中，你會發現佢好喜歡自己國家嘅飲食同文化，亦以此自豪，能夠教多一個，世上就少一個泰國劣食，某程度上也是很正確吧？
好吧，我返到英國會記得多煮泰菜俾各位朋友仔食架啦 🙈🙈🙈
#我呢碗冬蔭迷湯真係不得了
#奪魄勾魂
#絕對係搶人老公嘅利器
#等陣先我學左半日咁大把
#咁我係咪可以自稱做廚師
#賣化妝品嘅都自稱自己做化妝師啦
#都係吹水唔抹嘴
#終於學識左整地道嘅椰汁芒果糯米飯
#我著圍裙勁似豬肉佬
#係瘋度翩翩嘅豬肉佬 🤡
都係吹水唔抹嘴 在 身邊總有一個吹水唔抹嘴的朋友- WHIZOO 的推薦與評價
身邊總有一個吹水唔抹嘴的朋友世界上有一類人： 最鐘意講到自己無所不能， 吹噓自己勁到上天下海樣樣掂 但往往一要佢做，佢就會無！所！遁！形！ ... <看更多>