/《#哥斯拉大戰金剛》/之前講過係好睇到痴線，我俾90分
經驗所得，嘗試喺爽片怪獸片上探討什麼什麼意義，只會係失敗
走災難片路線，又係一家人躲來躲去，齊齊整整最緊要
走政治路線，各持份者開會又開會，官僚嗰味野
掛住講人類，只能夠放棄大怪獸主角，睇完都覺得唔係好到肉
但係今次GvKK唔同喎... 開宗明義要兩大怪獸大打特打
雖然其實只係得兩場，海中心 & 香港，但係時間一啲都唔短
香港仲有分日頭夜晚，感覺完全唔同
兩大怪獸外，仲有定時定候個別小型戰鬥
哥先生得閒出來叫幾下，射下籃光破壞建設
剛先生得閒又喺異世界打下小怪
呢段地心探險記個感覺亦都令人驚喜，陪住班主角一齊發掘新大陸，不規則引力設定過癮
.
個個都話劇情垃圾、唔需要理，我唔認同！反而係精雕細琢，將最重要嘅拍出來將故事講順，簡單得來齊晒起因發展結果
角色設定亦好簡潔有力、存在有意思：
TeamKK
女主想幫KK揾個適合嘅屋企vs冒險帶出去引戰
男主係地心世界專家，幫手揾照顧開巨獸嘅老朋友
女仔係每套KK必備嘅心愛女神，仲可以溝通，唔好再問點解KK咁順攤聽人類指揮，咪就係友誼、溝通同信任囉
TeamGodzilla
老實講佢地三個係對件事無乜用，不過就用佢地視點去講清楚故事俾觀眾聽，帶我地知道發生緊咩事
Eleven未係必要，但有佢存在就唔需解釋點解佢咁信哥斯拉唔係純搞亂檔
肥仔就真係無乜用… 最後嗰下倒酒都好可圈可點
肥佬作為巨獸同巨企陰謀論研究者，都有解釋劇情作用
而兩大泰坦巨獸主角，我欣賞大戰動機嘅純粹同野性
一邊做慣皇者，唔容許有人威脅到自己
另一邊淨係想返屋企，又無啦啦俾人打，反擊囉！
真係唔需要太多原因，啲狗都無啦啦係咁吠互咬咁啦～
即使個奸角，都無講太多佢想統治地球嗰啲老土野
想整隻機哥出嚟威下啫～ 興趣啫～ 咁啱失控咋嘛…
.
仲非常之欣賞套戲裡面啲連接位、想像力
- 香港美國之間竟然有條超光速隧道！？
- 哥斯拉直接喺香港噴藍光落地心揾金剛，而金剛一野跳落去過一陣就爬咗地球半徑咁遠上嚟應戰！？
睇落好搞笑，但我佩服咁都諗到！超出正常想像創意爆棚！
.
機哥出場唔意外！係個樣有啲啲意外
當你以為會係機械暴龍獸咁樣，點知似喪屍暴龍獸咁skeleton
不過OK喎，隻野實在有力，勁好打！覺得俾佢拮到都痛嗰隻！再加上瘋狂用加速器+旋風金屬爪屌打兩大巨獸，勁爽！！
至於人類參與嗰部份，我不知幾咁驚真係撞啱密碼完場… 倒酒係on9，不過只係影響1秒，俾KK一個抖氣位，配合哥斯拉反擊又正喎！
人類戲份太大影響係唔好睇，呢一秒短暫停機唔太多又關鍵性，我好buy
將 觀眾期望 同 劇情需要 平衡得好！！！
陰謀論研究者 在 Adam Mason | Facebook 的推薦與評價
主力研究神秘組織與陰謀論已超過二十多年，曾接受各方媒體的專訪關於陰謀論的見解及擔任嘉賓。現任星滙網『陰謀背後』主持及J2 Big Boys Club 擔任嘉賓。 ... <看更多>