關於 食咗飯未惠康 ，我們在網路上蒐集到這些相關的討論、資訊與評價

大家攞左消費券未？原來有好多商號用消費券再有多啲著數的，可以參考下。

大家可看看呢個🤣🤣🤣
消費券精明揾著數👇🏻
1) 去OK便利店拍卡
拍卡後有$2000消費券存入
即送4張5元現金券
(每次只准用一張
限期去到9月尾
購物15元起方可用1張)

2) 去惠康買現金券
$1000送$5O
$500元送$20
用哂$2000賺$100

3) 去百佳買現金券
$1000元送$100
用晒$2000賺$200

咁睇 最著數都係百佳喎👍🏻

提議👇🏻
先去OK店攞咗$20
再去百佳買現金券
(因為百佳券限期長
可以慢慢用)
就最著數嘞👍🏻

萬寧優惠
購物滿HK$250即減HK$25 (4 張)
購物滿HK$388即減HK$50 (2 張)
買萬寧抗菌潔手液 500毫升即減$10
買萬寧抗菌消毒搓手液59毫升即減$4

太興優惠
早餐時段堂食減$3

美心MX優惠
惠顧滿$50，即減$5
晚市惠顧滿$60，即減$8
早市周末第二份早餐即減$10
茶市細碗叉燒飯 + 紅豆冰，優惠價$25

大家樂優惠
享電子優惠券總值$300 ($10四市劵,雞翼劵,焗飯平$5劵,鐵板餐平$10劵,粉麵劵)
憑推廣碼可享Club100 $5電子現金券20張 (即將推出)
喺買指定$50餐券滿$500，送大家樂$10現金券10張 (即將推出)
喺買指定$50餐券滿$2,000，送大家樂$10現金券50張 (即將推出)

360優惠
買滿$150減$7
買滿$180減$8

city’super優惠
city’super $60折扣
美食佳釀專區 $20折扣
RF1 九折優惠
FusionDeli by city’super 九折優惠
Little Mermaid 九折優惠
sweets house Cha Cha 購物禮券優惠
cookedDeli by city’super 九折優惠

大快活優惠
任何惠顧即減$3 (標明用完可再用)

日本城優惠
買滿$250即減$30

麥當勞優惠
$10購買麥炸雞（原味）1件
$15購買McCafé熱意大利泡沫咖啡（細）1杯

HKTVmall 優惠
全場貨品額外9折

豐澤優惠
門市購物滿$2,000即減$50
網店購物滿$2,000即減$50

華潤萬家+ U購 select +便利店優惠
華潤萬家／U購 select優惠：
購物滿$250即減$50 (高達2張)
購物滿$350即減$70 (高達2張)
VanGO便利店優惠：
購物滿$50即減$10 (高達2張)
購物滿$100即減$20 (高達2張)

一風堂/丼丼屋優惠
滿$200即減$20

一粥麵優惠
午／晚市惠顧滿$40或以上，享$5折扣
單購任何粥品／麵食，享$5折扣
早／茶市惠顧滿$30或以上，送指定皇牌小食一客

bossini優惠
送$20電子現金券
買滿$300 減$100

其他優惠
小洋蔥送飲品
米線陣送涷芒果鐵觀音
Oliver's Super Sandwiches送泡沫咖啡
ZAKKA 享$10折扣
百佳門店滿$200或以上，即減$10！百佳網店買滿$800，即減$50

其他優惠店舖
屈臣氏, 港鐵商場, CHOCOOLATE/DP/IZZUE, 英王麵包, AAPE/FRED PERRY, 香港仔中心,
味千拉麵, 帝逸酒店, APITA/UNY, 東海堂, ARTE MADRID, ASICS, b+ab/ete!/tout & coup,
BEEFAR'S, 卓悅, C.P.U., 茶狼, 中原電器, 千色店, 民生, 大昌, 點煲, 大食代, 豐澤, FRESH新鮮生活,
G2000, 點點綠, 牛舞, HAIR CORNER, 健康工房, 本灣水產, 鴻福堂, I.T., 一風堂, 奇華餅家,
LOG-ON, 美心西餅, 美心中菜, 付敏華冰廳, 挪亞方舟, OTO, PAPER STONE BAKERY,
PEPPER LUNCH, PRICERITE, 玖子貴, 帝都酒店, 帝京酒店, 聖安娜, 莎莎, 千両, SKETCHERS, 運動家,
吉野家, ZAKKA

［實體書店既無量，亦賣唔到高價，冇得玩的］原因？因為根本冇咁多人睇書，睇嘅亦唔會畀幾千銀買本書。點解？因為替代品太平。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

上次鬧辰衝好多人讚（https://fbook.cc/3D5q）。今次正經，講返書店本身。

TL：DR – 書店點解難做？唔係因為租貴。其他舖頭租就唔貴？係因為書店收入低。點解書店收入低？因為書既賣唔到量，單價亦唔會高。你計下自己一年用幾多錢買書？幾千好未？但好多人同條女食餐飯手仔都未拖就冇咗。餐廳包裝下可以幾百蚊餐變幾千，但書唔得　—因為你享用嘅過程唔使食裝修食品味，所以書店只能變咖啡店。你拎起本書打卡就得了，之後睇書係冇得炫耀的。

圖：首爾COEX，其實係圖書館，唔係書店。有乜書？唔知，唔識韓文。哥睇嘅唔係書，係企鵝（對，樓下有水族館，幾舊水入場）

1. 但凡有乜舖頭執笠。例牌答案係，地產霸權啦，租貴趕絶啦，米芝蓮又話死亡之吻加租迫死你啦（＊）。但從來冇人會講人工貴。舊文寫過，至少N咁多上市嘅連鎖餐廳，最大成本一定係人工，唔係租（https://bit.ly/2DgvD5W）。但人人只係鬧租貴，冇人鬧人工高。因為你有機會打工，有朋友做飲食，但你多數冇朋友做收租佬。

2. 好啦，書店點解執笠？租貴咯。真係？只係書店先租貴？

3. 租貴。但何謂貴？有人交得起，咪合理，係咪？咁你見係咪加咗租冇人租？多數都唔係。但書店多數就交唔起太貴嘅租。

4. 所以，人講書店難做，係指書店比其他舖更加難捱租。否則你只係話租金高，咁點解取代你嗰間嘢交到？業主梗係唯利是圖，但總唔會特別憎臭老九，要收貴啲租。即係你交唔到，但有人交到啦。可能係金舖之類

5. 金舖呀之類你鍾唔鍾意，個人口味。哦你話「金舖影響市容社會需要書店」。咁你幫襯咗未？你唔幫襯，邊個交租？但你日日幫襯星巴克喎。

6. 有人話金舖錶舖賣奢侈品一百幾廿萬一單，梗係易交租。頂多啱一半。先唔講點解書唔可以賣貴。但收入係單價X量。星巴克一樣交得起貴租，甚至有啲快餐店都交得起租，單價一定平過賣書。但夠多人嘛。

7. 講量應該簡單啲。香港有幾多人買書呢？大家心照。況且，仲要好多人係經網上買。所以實體書店當然做唔住。

8. 而雖然網購方便，甚至平啲，但有啲體驗都係暫時未取代到嘅。至少餐廳就係（疫情後另計）。仲有名牌嘢都係。書？就唔係

9. 亦因為咁，你咪見書店轉去賣第啲嘢咯。誠品嘛，分租畀人賣下奶茶賣下文具咪得。咪交到租（雖然誠品都唔太好賺）。仲有樣嘢，點解啲奶茶要在誠品賣？我自己租唔得？做乜要分租誠品？就係因為誠品帶動成個氣場，飲杯嘢都型啲，同埋啲文青肯洗錢。呢個差不多係唯一一個賺到錢嘅方法。當然你可以有啲細細書店小本經營自己舖自己做埋員工咪得，但你只係唔計個市值租金（同埋你自己市值人工）。

10. 買書本身，實體店就冇乜「功能」的。N咁多人都係入去拎本書打張卡就走。比較有良心嘅，就好似HMV咁，入去睇完聽完—然後上網買。所以去書店買實體書呢個量，極之難谷。你有乜嘢必定要在個舖度完成？就係拎起本書打張卡。

11. 相比於網上買，實體店有乜優勝？呢個亦係你會唔會畀網上購物取代嘅關鍵。我去買化妝品，有人會同我傾計，我去腦場買嘢，可以問啲毒L意見。我去書店，你覺得有乜得著？好多大書店嘅員工，根本係對自己賣嘅嘢一無所知。幾時有尊重過自己賣嘅嘢？我去佐丹奴，姐姐仔會知道舖頭賣嘅嘢。但我去書店，係個個十問九唔知叫你自己睇電腦有就有冇就冇的。以前甚至幫你查都懶。咁我去嚟做乜？更加唔好講要你推介

12. 對，仲有一種玩法，賣個性，類似客製化，或者小店風情。即係樓下檔嘢味道麻麻，但個老細日日同你吹水，你覺得好親切。或者小型嘅唱片舖咁，呀店主可能好有品味，講得出李克勤唱《大會堂演奏廳》邊個版本好，知道《誰明浪子心》唔好聽合唱版。呢啲店亦係啲文青電影嘅主題。現實？都未必唔得，以前嘅二樓書店勉強做到。N年前呀舒琪（再講一次唔係剝衫或者KIKI麵嗰個）在灣仔間碟舖都係咁，啲戲佢自己貼埋評語添。

13. 問題係，呢啲先係最面對互聯網挑戰。呢個年代冇嘢多，網友多，屎眼多。而古語有云，“Opinions are like assholes, everyone has one but they think each other’s stink.”。你求其用一秒時間，每一套戲，每一本書，都有N咁多人評論。而呢個偏偏係一個唔信專家嘅年代。咩呀，舒琪好撚叻呀？你拍戲叻過路蘭呀？肥仔你好叻呀？CFA好叻呀？我啲網友明明唔係咁講。所以，你舒琪啲意見，值幾錢？（＊＊）

14. 所以，唔好迷信咩「金錶一條幾錢」「一日要賣幾多本書先夠交租」—奶粉賣好貴咩（冇買過，唔知）？就當奶粉好貴，咁賣漢堡包唔貴啦掛，賣星巴克屎水唔貴啦掛，人地夠「一日賣好多杯咖啡夠交租」。根本賣書嘅量就唔大。因為真係冇咁多人會買實體書，仲要扣埋網上買嘅。開書店嘅自己知，買書嘅，有幾多人？

15. 講完量，再講單價。呢個亦係最有趣嘅地方。再講一次，收入=量X單價。麥當勞星巴克就有量。但冇量？咪單價貴咯，食水深咯。珠寶店咪咁，呢，之前咩B&O都係咁。

16. 但大家都知，書係賣唔到貴嘅。留意完全同咩成本無關。長大啦，星巴克啲粉你估好貴？啲乜乜名牌衫，「成本」幾多？去非洲剝企鵝皮做？哦你計埋個設計師份糧？咁你不如本書計埋作者份糧丫

17. 個世界唔係咁運作，個客肯畀幾錢，你就可以收到幾錢。就係咁簡單。當然點樣令個客心甘情願畀好多錢，就係學問。但簡單答你，書，係賣唔到高價嘅。包裝一下，餐聽可以由幾百蚊賣到幾千蚊。但書唔得，正常人唔會幾千蚊買本書。

18. 原因？唔好話「反智」咁cynic．但至少，因為我地絶大多數人根本唔重視書本。承認吧，甚至好多愛書人，都係如此。書冇你想像中咁值錢，亦都冇得差異化。你好難因為裝修靚啲賣貴啲，因為你本書唔係在嗰度睇（所以咪要星巴克化）。

19. 證據？我是好現實的。你好鍾意書丫嘛。嚟啦喎，舊年用咗幾多錢買書？實體書！書店買！

20. 你當然可以屌我古老石山，而家點解一定要實體書？就算實體書我都可以上網買。係丫，我都係咁。但，我地而家講實體書店嘛。

21. 所以你自己可以計下，你用幾多錢去買實體書？唔好呃自己，寫低。

22. 之後你諗下，你過去咁多年，用咗幾多錢去旅行。食咗幾多咩米芝蓮。飲咗幾多杯乜乜奶茶。計下溝唔到嘅女用咗你幾錢。買六合彩用咗幾錢。然後你咪知，你有幾重視書。你咪知點解書加唔到價。

23. 事實係咁，因為，書唔係一種好有炫耀性嘅東西。或者話，你根本唔需要睇完本書，就可以得到佢大量嘅Utility —你想打個卡？入去拎起佢打卡走人。你想扮有睇過？網上大把書評有得你抄。所以，邊使買書？

24. 至於你話睇完晒書本入面得到嘅知識？Sorry，係唔值錢的。

25. 我知睇書係好快樂—但只係對某啲人（例如我）而言。唔係大眾嘅選擇（亦唔係三聯嘅選擇）。而即使你有呢啲咁另類似癖好（類似想玩制服咁）—咁你肯加幾多錢？係冇幾多的。至少我唔使買實體。

26. 所以返到尾，就係實體書店根本創唔到價值—但其他實體舖就可以。

27. 即使唔講實體書店，講書in general ，我都覺得係前景黯淡的。原因亦都係互聯網。但我唔係指亞馬遜搶生意咁簡單—我係指根本亞馬遜上買書嘅人都越嚟越少。

28. 原因係因為替代。因為互聯網。而家有乜嘢，你係要睇咗本書先知？其實近乎係冇嘅。你要知嘅知識，好易可以搵到，特別係好多人根本連內容農場同真知識都未識分。即使你真係知道，喂，呢本書好正喎—都有大量「圖書谷阿莫」，話畀你知，本書係講乜。太多免費嘅替代啦。

29. 有人話睇書多嘅人，講嘢寫嘢都唔同啲。我就當你去做KOL寫啲文都好啲。真係？我覺得唔係。你可以睇下乜嘢KOL多人睇，然後睇下同佢睇幾多書，有乜相關性。我好肯定你搵個靚仔靚女嚟，每日除衫拍片，反應一定好過佢睇晒成套柏楊版資治通鑑。

30. 未來其實好簡單，就係「睇書」呢樣嘢會被淘汰—但唔係完全，睇書會變咗某啲人嘅特定技能，你唔識冇大損失，你畀錢呢啲人，自己時間去做更有意義嘅嘢。等於兩百年前，個個識自己造衫，後來就出街買啦。疫情之情，其實都有人講話一百年後就冇乜人再識煮嘢，個個出街食。

31. 所以未來個趨勢應該係，睇書變成好似竹昇麵呀之類嘅技能。只有啲精通而又窮嘅人先會去做。其他人，咪幫襯呢啲人。返返去以前街頭講故咁：諸位，我地今日講《埃汾李的思考藝術》。上回講到，長洲賓客人數多（日本故事掛），今回開講，惠康聖誕大特賣—卻說辰衝執笠後……欲知後事如何？記得課金。

（＊）我其實一路都唔明呢個邏輯在邊，如果正規原教旨經濟人更加係R爆頭。OK業主無良想賺到盡—咁唔通你未拎米芝蓮佢就唔係無良？佢當時就唔係想賺到盡？

（＊＊）其實舒琪應該唔會睇到，但佢出名串，都澄清返。唔係佢評論冇價值，相反，係好有價值。問題係，而家啲人唔會識分呢啲價值。我地嘅教育，培養出一大班識字嘅文盲　—　最可愛係，佢地一樣認為我係文盲。乜撚嘢呀？有Facebook Page好叻呀？都唔知你寫乜。CFA好叻呀？發達未？星展好叻呀？陸東先係有料到。

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

衫褲污糟蠟蹋點算好❓

小朋友最易整到d衫褲污糟蠟蹋，好似哥哥妹妹咁，上完學校體育堂、或者踢完波後⚽️，運動衫上一定多咗幾撻漬，有時又會係食飯唔小心🍲，染咗醬油漬。普通用洗衣機都未必洗得甩，呢個時候，我就會出法寶「#OxiClean萬用去漬泡泡粉」！

平時洗衫，我會將泡泡粉直接加入洗衣機。如果衫上有特別頑固污漬，可以先用溫水混和 OxiClean 萬用去漬泡泡粉，針對性搽係污漬上，浸一浸，話咁快冇哂！就算係汗漬、食物漬及茶漬等，都一併搞掂！唔止大人衫👔，小朋友嘅衫👕一樣可以照用得。

#衣服變得乾淨亮白🌟，仲冇晒臭味，因 OxiClean 萬用去漬泡泡粉成份係過氧化氫及碳酸鈉。當中嘅過氧化氫成份，報導話 #有效對抗新型冠狀病毒🦠，亦能殺滅 99.99% 大腸桿菌同及金黃色葡萄球菌。

一枝日本活性氧配方嘅 OxiClean 萬用去漬泡泡粉，就能潔淨、去污加除菌，簡直係家居萬用好幫手呀👍🏻。佢仲有 500g 同 1500g size，適合精打細算型嘅我哋揀架！

邊度買到呢枝家居萬用好幫手🛍：
✨ 百佳超級廣場、惠康超級市場、一田超市、UNY生活創庫及APITA
✨ HKTVmall DKmart 網上商店：https://bit.ly/3c73YzU

OxiClean HK

#OxiClean #OxiCleanHK #PowerOfOxygen #氧之泡泡 #安心去漬魔法 #清潔原理至強 #日本超人氣 #大好評 #無氯 #無香料 #除菌好重要 #為家人加點安心 #強效分解頑固污漬 #HKTVmall #DKmart #百佳 #ParknShop #惠康超級市場 #WellcomeSupermarket #原來清潔好簡單 #太古城APITA #UNY生活創庫HongKong #YATAhk #2019冠狀病毒病 #COVID19 #fightforCoronavirus #KillCoronavirus