［LV就百二蚊買Tiffany，香港就百二蚊派遊客］Tiffany 怒升三成呀下
另外跟進下其他關於呢單大刁的東西。今次冇乜圖。講下呢單嘢同港交所想買交所嘅相同相異（其實冇乜相同）
1. 冇睇嘅，睇返周末嘅文（http://bit.ly/36hKK9h 瀨尿牛丸—LV買Tiffany？可能係全香港第一篇分析）。真係疑似香港第一篇，星期一唔覺有乜報，分析更係冇。因為星期日傳媒朋友放假，但埃汾係唔放假的。唔係money never sleeps，係knowledge never sleeps
2. 講返，LVMH買Tiffany，係敵意收購，事先冇打招呼。即係港交所想買倫交所。其實好常見。Tiffany而家評估緊。LVMH亦都認咗。
3. 但Tiffany應該唔會冇諗過有咁嘅一日。你睇LVMH買埋咁多品牌，點會估唔到一日到自己。冇估嘅即係對自己冇信心。
4. 仲未有正式出價，但傳媒報話作價145億美金。計返即係每股120蚊買Tiffany。但其實都未到Tiffany歷史新高（近140，舊年嘅事）。難怪Tiffany聽聞覺出手太低，要拒絶。同倫交所一樣。但被追嘅幾時都吊高賣，唔通話好呀你正水魚我邊值120蚊快手畀錢然後腿張開咁？
5. 極其有趣嘅係，傳120蚊買，但寫文時Tiffany升到130蚊！呢個就同倫交所好唔同。即係市場唔止睇好成事，仲睇死實加價。當然120蚊只係傳媒報，同埋話係月頭嘅屙化，可能走漏風聲或者有人內幕交易，SEC做做嘢。
6. 有分析員話冇160蚊唔會成事，但亦有話單嘢揚咗出嚟就可能傾唔成了。可能有人爆料，LVMH不滿，唔想做水魚
7. 仲有好重要嘅一點，傳媒話，LVMH係全現水，屙茄殊，唔使印公仔紙。呢下緊要。但聞說LVMH都有啲負債，但冇關係，成事先再印公仔紙減債亦得。總之畀Tiffany股東嘅唔係LVMH公仔紙（但LVMH公仔紙明明表現勁好），同港交所唔同。
8. 可能因為唔印公仔紙，或者市場真係睇好啲synergy．LVMH股價都係靠穩的。又同港交所唔同
9. 留意講開synergy，專家（我唔係）有多啲補充。首先當然係地理，舊文寫咗，LVMH其實係亞洲（中國同日本）以及歐洲（主要係法蘭西為主），而Tiffany係美國為主。LVMH可以壯大在美國市場嘅地位。
10. 另外，就真係我唔曉啦。LVMH本身有Bulgari（都唔係買咗好耐，十年未夠），高檔嘢，聽聞兩千萬港紙隻錶。拎埋Tiffany就補充埋低端（埃汾買嘅當然係低端），幾皮嘢甚至再低都有交易嘅貨品。
11. 珠寶及錶亦係LVMH帝國較弱嘅一環，只靠Bulgari，而TAG Heuer 同 Hublot唔係嗰回事。相反對手Richemont 有卡地亞有Van Cleef，有伯爵那地位有江詩丹頓（幾乎打咗勞斯丹頓），呢方面係領先LVMH嘅。Bernard Arnault點會肯做二哥？
12. BTW，蕭邦的雋永就仲係家族私人嘢，遲早都落埋味將軍或美心集團
13. 呀仲有，Tiffany嘅其中一個重要股東，就係卡塔爾佬。倫交所亦係佢地。其實國泰都係。插晒旗，反正錢多。
14. 如果呢單嘢成事，就勁咯，係LVMH史上最大收購。但其實好正常，一來股價都新高，二來Bernard Arnault幾乎做埋全球首富，三來有通脹，正如球員身價都係一路咁破紀錄的。
15. 如圖，置地間LV果然係在Tiffany 隔離。「打通佢咪synergy」對你嚟講可能係常識，但對我嚟講要睇多次先肯定。固然篇文搵（偷）咗相，但都要再實地考證一次。
16. 而當然地，兩間舖我都冇去過。唯一一次我入LV應該係在首爾。去做乜？梗係睇女啦。Tiffany呢？咪話在香港買過，但應該係去IFC，另外有次唔記得在邊，好似在SOGO（？！）
17. 亦原來冇遠，就有間好大的愛馬仕（comment 會貼）。太子大廈當然都係置地記者。固然我完全唔會買愛馬仕，我又唔係吳卓羲。問題係，我居然完全唔覺有呢間舖，明顯係我問題。睇返資料明明係2018年頭開，2018年頭我就在中環返工，應該成日經過。即使我而家唔在中環返工，都仲成日會經過個位。似乎我應該關心下風景，而唔係玩電話。
香港買lv 在 香港買LV 的推薦與評價
LV 包包, 香港跟台灣價格差不多, 差匯率, 但要記得有些信用卡刷外幣要加%, 除非你是港紙一堆, 換回台幣划不來. 若真要在HK買, 建議你去"半倒" 的LV, 比較沒人, 海港城LV 阿 ... ... <看更多>
相關內容