*手動轉*
//已經過左一晚 唔寫就會唔記得
只能point form 自己見到既人
-好多上左年紀既女人大叔唔走，幫手袋走gear，開遮保護，畀野食佢地
- 速龍殺到一刻衝入車廂拉人出黎，我睇住個男仔畀佢地拉左出黎後而訓低，我想開fb live ，但太緊張，只開到相機，但拍得好差，見住佢已經無抵抗能力，訓低晒，黑警都無停手，我只能保持距離咁拍，因為一行近，幾個黑警不斷兇我，我望自己身後，好似無記者，咁近旁觀既人唔算多，我應該係最近，我果下好驚，好驚佢地會拉埋我去打，所以我唔敢嗌「唔好再打」，係，我真係好懦弱。我只係不斷大叫「咩名」，希望盡快幫佢搵律師，但最後佢都無講到。然後再拉多幾個。再跟住黑警就兇我地入番車。
-除左我自己既朋友帶住兩個小朋友，仲有其他小朋友，手抱都有，無黑警/黨鐵職員幫過佢地離開
-車上僅餘一個城大記者，大家瘋狂圍住佢airdrop 片畀佢；旁邊一個內地女生唔知咩事，好憂心咁問我，我同佢講，但邊講邊喊到收唔到聲，佢不斷好溫柔咁安慰我。我同佢講香港人不是討厭中國人，是討厭共產黨同五毛，佢話佢知道好清楚
-上左年紀既人，唔一定有smartphone，其中一位蔡婆婆完全唔知點返上環，一直好擔心屋企貓狗無得食野，但無辦法，無人知道點樣可以由石硤尾返到上環。本來佢已經打算投靠沙田親人一晚，但佢個樣話你知佢好擔心屋企貓狗。當時已經12:15。好彩我地等車期間遇到義載，戴到佢返上環。
-黑警迫我地入番車，包括輪椅先生，當時應該11-11:30？直到接近12點，架車由旺角開到去石硤尾，無職員落過黎幫佢。佢係嚴重傷殘人士。佢都係住沙田，我話我地都係，可以陪佢。佢不斷拒絕：「你地走先啦，我上唔到車架。放心，我太太係度。我唔走呀，佢地迫我入呢架車，我等到佢地（職員）落黎為止，都係另一種抗議。當時仲有兩位上左年紀既人頭暈同心口唔舒服，搵職員call 左白車，但等左好耐，無人知係咪真係call 左，總之到我走都唔見有。
-由始至終，只有一個西面職員落過黎車廂，西住面咁叫人走
-已經唔知過左幾耐，車廂入面既人開始驚黑警會突然殺到，開始自救，大家各自報所住區域，分成唔同的士團
-等車期間，見到唔少義載，車走好多first aid，司機不斷來回接放學，好彩有佢地接仔
-幾個soc tee 城大學生踢拖拎住糖水經過我地幾個人身邊講：「如果有需要，可以黎我地宿舍過一晚。」老公戲言：「你地真食糖水wo ！」佢哋笑住講係道具。係，佢地連落街都要扮食糖水，年輕就是罪名。//
