星期一個日嶠爸Day off，就一早決定入元朗去菠蘿園，其實前身係Hello Kitty農莊，但個陣冇去到，今次去，係因為芊嶠好鐘意食菠蘿。去到菠蘿園第一時間去買票入場，三歲以下免費，成人就$60，包一支超冰凍有機果汁，一張地圖，背面可以吸印仔，一個祈福牌 (菠蘿係有祝好運既意思)，一份沙畫，祈福牌和沙畫可要同一樣，不過我地選左兩樣唔同，仲包埋一份羊仔/兔仔飼料。
之後就周圍行下，佢個到有個公園仔，有滑梯，有氹氹轉，又有個小繩網，可以係上面爬，都可以係下面當隧道爬都得。玩左唔係好耐，芊嶠都頂唔順話太熱要走人。所以我地影左幾張相，最後臨走前係門口餵埋羊羊和兔兔先走，芊嶠又要餵，又要驚，好搞笑。嶠媽就抱住細佬，等佢可以望到羊羊食草草，佢都睇到眼定定。
總結，有時間可以去行下，買菠蘿食，買果汁飲，叫做去下郊外，可以餵下羊仔、兔仔。不過去戶外，最緊要做定防蚊和防曬措施。嶠媽今次就幫小朋友搽左「瑞士寶寶有機純天然高效防水防曬霜」有 SPF50+ PA++++。
哩款防曬霜嶠媽係芊嶠半歲開始已經用緊，佢既好處係天然有機，就算小朋友敏感既皮膚搽左都唔怕過敏。而且哩款防曬霜係SPF50+，對於去游水，去郊外地區，有機會暴曬，係真係有需要用到SPF50+。
防曬霜另一樣好處係防水，要帶小朋友去游水，唔防水既防曬就麻煩喇，一落水就沖甩哂d防曬，咁又點防到呢？另外，同小朋友去郊外玩，佢地都會出汗，都有機會沖甩d防曬，防水既防曬就可以減低防曬被水沖甩既機會。不過，嶠媽都要提醒各位媽媽，防曬最好半小時至一小時就要補一補，確保哩個防曬功能。
一搽落手就好似好白咁，但好易就推開，不過要捽暈佢，如果唔係成塊面或者成隻手就會白哂。芊嶠就會好細心，不停提爸爸要搽哩到，又未搽哩到，搽少左，聽到覺得佢大個左好多。每日都在提醒我，佢真係努力發展成長中。大家咪以為而家都已經9月，天氣同太陽都冇6-8月咁勁，但嶠媽想講，無論咩月份，太陽都會係好曬，所以隨時都要做好防曬工作，唔想小朋友曬傷既媽媽，就快d去買定一支旁身喇。
～～～～～～～～～～～～～～～～～～～～
元朗菠蘿園
地點：元朗錦田四排石 (鄰近西鐵錦上路站步行約三分鐘)
開放時間：星期一至星期日 10am - 6pm 平日(公眾假期除外)只接待參加套餐(4人成團)及預約的顧客。
～～～～～～～～～～～～～～～～～～～～
瑞士寶寶樂天會 Swisso Club「有機純天然高效防水防曬霜 SPF50+ PA++++」
• Vegan 天然認證；有機純天然植物提煉。防曬系數SPF50+，PA++++。特別配方適合嬰兒、濕疹皮膚及敏感皮膚人士使用。
• 含石榴、乳木果油、油菜籽油、野玫瑰油、荷荷巴油、橄欖油及澳洲堅果油，呵護及滋潤寶寶幼嫩的肌膚，預防寶寶的皮膚出現乾燥及脫水。
• 沙棘籽油及月見草油，可有效保護寶寶敏感肌膚。
• 防水配方，保護寶寶於水中活動。
• 物理性防曬保護成份反射有害的紫外線。不含有害化學防曬劑、石蠟油、矽油等。
用法：
• 適合嬰兒、皮膚敏感人仕及孕婦使用。
• 適用於全身、面部及唇。
～～～～～～～～～～～～～～～～～～～～
#瑞士寶寶 #SwissoClub #有機純天然 #防水防曬霜 #芊嶠與細佬成長日記 #元朗菠蘿園 #元朗錦上路站 #暴曬 #一定要為小朋友做好防曬
