#假期好去處 #親子節目 #小馬王 #毛駒無束
#LUCKY #UniversalPicturesHK
呢排天氣咁熱,嚟緊嘅端午節假期同小朋友去邊度玩好呢?
正所謂曝曬都要回氣😂不如去戲院睇最新上映嘅合家歡卡通片《小馬王:毛駒無束》🐎
每個小朋友都總有唔肯乖乖守規矩嘅時候🙈
但當為左目標努力嘅時候,遇上困難 ,甚至係恐懼
小朋友又有足夠勇氣去面對嗎?
當自己力量唔足夠時,又識去搵人幫手嗎?
小馬王象徵嚮往自由、唔肯屈服嘅靈魂🕊
只要堅持正確嘅事情
終有日會成功💪
加油!
P.s. 粵語版仲有「一秒小拳王」熊倬樂配音😍
同時也有1部Youtube影片,追蹤數超過6萬的網紅ERNEST案內所,也在其Youtube影片中提到,我第一次睇呢套戲已經係12月戲院臨閂之前,之前機緣巧合之下見到導演恆仔,我有同佢講話多謝你拍呢套戲,我睇完覺得好感動。導演話其實呢套戲都係原自於一個idea,就係一秒可以改變好多嘢,然後就變成一秒拳王呢套戲。當我睇多次呢套戲之後,我就發現呢個idea係好簡單地貫穿整部電影。第二就係導演都想喺呢個時候...
一秒拳王小朋友 在 電影狂人-影評情報交流平台 Facebook 的精選貼文
《#一秒拳王》破千萬,可喜
一直以嚟,我盡量share版友俾我嘅投稿,希望出一份力
呢套戲睇得出係幕後用咗好大氣力拍出嚟嘅作品,睇下導演恆仔自己都演到身水身汗要落場打再指導埋一大班其他兄弟拍好套戲,真係唔簡單
但又其實,我自己無乜分享過自己嘅諗法
皆因有啲負面,實在唔想因為我亂噏影響到一班諗緊睇唔睇嘅觀眾,放棄支持一套用心拍、99%人會睇得舒服兼放滿正能量嘅戲
.
林明禎係MVP,見到佢就開心
良哥都係MVP,揾到個咁老積又咁得意嘅小朋友嚟做都加好多分
以電影角度去講,片首至中段拍得幾好
不過個尾似乎收得都幾麻麻
張建聲角色描寫嚴重不足,淪為工具人,可惜
如果寫得好,應該會令套戲層次倍升,難為了聲哥練到咁fit
奸角亦係無咩發揮,有個幾有勢頭嘅開始,但慢慢fade out咗,無發展就直落大結局
.
而結局大戰…
2021年仲將 平行時空 四個字講出口去flashback解話,老土,收返明禎講呢句嗰段,留返啲想像空間俾觀眾更佳
本來一秒超能力打拳呢件事幾好玩,但捉到鹿唔識脫角
無咗超能力而打輸無問題,但搞到全程都無係做唔到高潮位
會唔會係本來有、打到中間無、最後有都照輸會好啲?奸角原來一早已揾到位破解呢招,更加強到佢嘅戲份
會唔會係撞車後無、大戰一直輸、到中間突然重新誘發,但主角都寧願唔用要真功夫打一場更熱血?
呢一秒係個故事起因,最後一場有所關連先夠完整
好過空口講永不放棄,而犧牲咗個故事性
個尾收得唔好,影響咗我對呢套戲嘅大體官感
講到咁,唔好意思
我依然好欣賞片中各人努力,加油
一秒拳王 One Second Champion
一秒拳王小朋友 在 晞。觀影記事 Facebook 的最讚貼文
【可能係2020年最後一次短評:《#一秒拳王》短評幾句】
不如咁啦,喺度同大家預祝新年快樂,恭喜發財!
三月同七月戲院收,我都睇咗啲懷疑人生嘅爛片,好在唔係咁邪,十二月最後一日戲院收睇《一秒拳王》,唔止唔爛,仲係唔錯喎!
拿,有果句講果句,你話到係年度神片,未上映已經三刷係過譽咗,但係有《救殭清道夫》爛到入肉(我知呢套唔彈得,一彈要俾人問候全家,但我都係有果句講果句)墊底,期望降低竟然係熱血感動。
拳擊故事嚟唔開都係果啲嘢,好難突破到啲咩,但呢套最好睇係段親情線(個小朋友好可愛),仲有估唔到咁好戲嘅周國賢。《救殭清道夫》製作資源有限,搞爛咗唔出奇,但《一秒拳王》明顯Budget大增,而趙善恆都駕馭到個故事,大場面絕對唔失禮。
估唔到趙善恆一個靚翻身,喺戲院最後一夜做到全港滿座(呢單嘢好癡線),真係有佢原因。
《一秒拳王》觀後感可看留言連結。
樂觀咁諗,我哋14日後見啦。
好啦,之後我又唔知出咩po喇;好啦,預視到又有一班人會unsubscribe Patreon架喇。
#我做錯了甚麼
📣即訂Patreon加強版,閱讀更多精選深度獨家電影文章:https://www.patreon.com/travelerwithmovie
📣文字工作者也得要吃飯,你的支持是我的原動力。請給點心意,給小弟寫更多好文章,歡迎透過payme課金以作支持🥳:https://payme.hsbc/jackyhei
或使用QR code:https://bit.ly/3a9wOzy
或透過Paypal捐款:paypal.me/jackyhei
🙏感謝各位支持,小弟執筆之原創小說私人貨存已全部售罄,有意者可到此文章內的連結購買:https://bit.ly/3dRuUWu
【IG請follow】www.instagram.com/travelerwithmovie
一秒拳王小朋友 在 ERNEST案內所 Youtube 的最佳貼文
我第一次睇呢套戲已經係12月戲院臨閂之前,之前機緣巧合之下見到導演恆仔,我有同佢講話多謝你拍呢套戲,我睇完覺得好感動。導演話其實呢套戲都係原自於一個idea,就係一秒可以改變好多嘢,然後就變成一秒拳王呢套戲。當我睇多次呢套戲之後,我就發現呢個idea係好簡單地貫穿整部電影。第二就係導演都想喺呢個時候,比返香港人一啲正能量。
如果你係未睇套戲嘅話,我建議係即刻去睇,而因為香港喺呢兩年經歷咗咁多事之後,相信呢部戲一定可以比返一啲力量大家去改變。大家可以先再睇呢個影評,因為接下落嚟我所講嘅內容係劇透。
首先喺出戲名一秒拳王之前,就係一幕周天仁(周國賢飾)點建得到呢個所謂異能嘅戲。簡單為大家介紹咗一秒拳王會出現嘅原因,就係佢曾經死過一秒之後又再復生,能夠睇到嘅一個message就係你以爲你死咗咩?原來只係個一秒嘅錯覺,下一秒你又死而復生,所以周天仁(周國賢飾)得到一個所謂嘅超能力。究竟預知到一秒係唔係超能力呢?只係睇大家點去睇呢件事。
好快喺周天仁(周國賢飾)細個嘅時候,佢老豆因為用嚟賭錢所以覺得呢個一秒異能係無用。而喺小朋友周天仁上電視嘅時候,佢就話佢老豆覺得呢一秒預知係無Q用,但佢想用呢個天賦做一個有用嘅人。咁呢一秒喺觀眾嘅角度嚟講,係有用定無用呢?喺電影嘅中段,當周天仁同林明幀喺海邊傾計之後,我哋其實可以搵到屬於自己嘅答案。
堂妹林明幀同周天仁(周國賢飾)講,其實會唔會有一個平行時空係有另一個更開心嘅自己存在呢?周天仁就反問,其實佢預知個一秒同佢改變咗嘅個一秒會唔會就刷出咗林明幀所講嘅平行時空呢?我嘅答案就係,其實根本就無所謂嘅平行時空,從來都只有自己點選擇同埋點去做。用打拳為例,如果我預見自己下一秒比人打,唔代表我一定可以避到㗎嘛,而我避到,係大前提我要相信預知個秒見到嘅係真嘅,然後我先可以選擇同決定避唔避開呢一拳。而如果自己都唔相信自己避到,繼而決定作出行動去閃避嘅話,我係點都唔會改變到一秒後發生嘅事,所以只係睇我相唔相信自己做到,同埋決唔決定行動去作出改變。喺我眼中,導演係同緊大家講,就算只係一秒嘅抉擇,都唔可以睇小,只要我哋選擇去做,先有資格去改變。重點唔係一秒嘅異能,係周天仁嘅選擇。
之後喺周天仁(周國賢飾)同佢個仔走嘅時候,張建聲走嚟找佢麻煩。周天仁喺呢個時候用一秒避開張建聲個拳,但就令到再下一秒嘅佢同個仔被車撞到。我哋可以喺呢一個橋段得知,就算有呢個一秒嘅預知仿似避過一劫,其實再下一秒都可以發生不幸嘅事。意外發生之後,周天仁選擇唔打場表演賽。由周天仁無咗呢一秒天賦,決定退賽再決定點都係要打呢場拳賽,更加可以話比我哋知一秒係次要,選擇先係重要。
去到周天仁同阿JOE嘅表演賽最後回合,最後個幕係話比觀眾知套戲嘅重點唔係一秒嘅預知,而係一秒嘅選擇。大家記唔記得喺周天仁比阿JOE KO個十秒,出現咗兩個平行時空令周天仁仿似又有返個一秒異能咁。第一個平行時空係周天仁真係比人KO咗,之後佢見到一個走馬燈之後又再返返去倒數緊嘅臨尾幾秒,周天仁(周國賢飾)又再企返起身。呢一幕係講緊無咗異能嘅周天仁,其實就算唔洗預知都可以知道如果佢唔企返起身,最後就只會輸,而呢個結果係每個人都能夠預知。對我嚟講個訊息就係,一個凡人走到絕路都好,只要佢決定企返起身佢就一定可以作出改變,所以最後比賽結果係點並唔重要,電影亦都刻意無講出嚟,最重要係周天仁成功話比個仔知佢唔會變返一個廢人,而阿JOE都真真正正地打到一場拳賽。
點解我會認為香港人一定要睇呢套戲?除咗因為戲入面嘅警察可以唔帶委任證on duty之外,我諗係因為恆仔想話比香港人知,至少係我呢一個香港人知,只要我相信一秒嘅行動都可以改變到自己嘅話,就算世界變成黑暗,人生走到絕境,我都一定可以行返去光明。希望大家可以相信自己,繼續為自己而打拼。
每天關注我的9UP狀況:
https://www.instagram.com/ernest_pch/
一秒拳王小朋友 在 一秒拳王》裡就包含無數的洛奇影子 的推薦與評價
《一秒拳王》(One Second Champion)-登高峰一秒,再破記錄的一秒! 好睇,但不會是年度最佳港產片,未去到這個高度,同埋3月咋! 我喜歡此片沒有用灑狗血方式去表達 ... ... <看更多>