TVB奧運採訪又再被網民狂轟🥵繼「約臨之亂」後，坤哥同旅遊主持周奕瑋日前同港隊賽艇運動員洪詠甄做採訪，表現引嚟網民反感，狂插佢地唔專業兼態度輕佻。
洪詠甄當時完成練習，二人成功請到佢做訪問，周奕瑋叫坤哥問問題：「你唔係有嘢要問佢咩？」雖然有採訪運動員嘅機會，不過坤哥就唔敢問嘢，仲叫對方走：「無呀無呀，你走啦你走啦！」周奕瑋於是代佢問：「坤哥想問你鍾意小方（万刀甲）啲歌多啲，定佢啲歌多啲喎！」空氣之後突然安靜，出現咗幾秒dead air，洪詠甄尷尬答：「其實我無聽中文歌，哈哈哈！」之後離開。周奕瑋之後笑坤哥無用，問問題都唔夠膽，坤哥就大叫想搵窿捐。
呢段採訪片播出後俾網民鬧爆，話坤哥叫洪詠甄走好無禮貌，指佢態度欠專業，又話TVB無嚴格挑選主持人。坤哥今日出post道歉，指當日已經即刻DM對方say sorry：「我個人的不專業令大家反感，在此再一次向所有受影響的人士作出深切的歉意。多謝各位的批評和意見，會繼續反省和吸取教訓，謝謝。」而周奕瑋亦有出post指有好好反省：「這次訪問拿捏不宜，為洪詠甄小姐添了麻煩，於當天已向洪小姐本人致歉，請容許我為這次的言行再次作出誠懇道歉。」
而洪詠甄亦有回應，佢話只係好小事並無特別在意，無諗過咁多人關注，指網絡影響力真係好大：「當時大家都以一個輕鬆心情，好快就完咗個訪問。咁我自己都無特別在意，希望大家唔好再過度反應係呢件小事。大家好好享受今次奧運吧！」
万刀甲 在 万刀甲的個人檔案 - Facebook 的推薦與評價
查看名為万刀甲的用戶個人檔案。加入Facebook，與万刀甲及其他你可能認識的朋友聯絡。Facebook 讓人們盡情分享，將這個世界變得更開闊、聯繫更緊密。 ... <看更多>