旅遊攻略 — 台北 （美食篇）
一眨眼就黎到台北旅遊攻略—美食篇既最後一集。好多人都會專登去台灣食日本菜，但個個都去上引水產，真係聽到都悶！所以今次我地就介紹一間高檔次啲既日本餐廳。
信義三井Cuisine M係台北101附近。午餐晚餐都有相應既套餐選擇。晚市既套餐有分1600TWD(上方美饌料理), 2200TWD (季節特選料理)同3800TWD(上乘特選料理)。 三個套餐都係以時令既食品配搭，所以每次去食物都會有唔同。季節同上乘兩款其實最大既分別就係少左生蠔同長腳蟹。我個人推介上乘特選料理，雖然價錢比較貴，但性價比都可以咖！
餐廳環境非常暗黑有情調，由裝飾，配飾同餐具全部都一絲不苟。行左一日街之後，係呢度食飯簡直幫你疲勞既身軀叉足電呀！而且食物質素又真係非常高咖！
由前菜開始已經充滿驚喜，皇帝蟹折哂肉放係蟹蓋入面，啖啖蟹肉，岩哂我地呢d懶人！蟹肉好鮮甜配合埋魚子，雙重口感，正咖！食完就到刺生生蠔既拼盤，生蠔雖然偏瘦，但海水味岩岩好，夠新鮮！之後仲有鮑魚，蝦，牛，湯同甜品。份量好夠，就算大食既我都夠飽咖！
呢個集團有好多餐廳，甚至連上引水產都有間，不過如果講質素，呢間絕對係不二之選！呢間餐廳都相對多人，想試就記住訂位喇！
Cuisine M
台北市松智路1號1樓
+886223451101
三井cuisine m訂位 在 三井cuisine m包廂-推薦/討論/評價在PTT、Dcard、IG整理一次看 的推薦與評價
餐廳內提供可容納10 人的包廂，且無低消門檻，非常佛心，喜歡泰式料理的讀者們可別錯過！ 【NARA Thai Cuisine 台北統一時代店】 ▶︎營業時間：週日至週 ... ... <看更多>