《可惜我是水瓶座》
♂：早晨
♀：早晨
♂：我想同你講，就算你真係揀左佢都好，我都會係度等你，記唔記得一開始我地講過做筆友，無論你同邊個一齊，我都願意聽你既諗法，回應你
♀：你依家打定輸數咁話？你肯定我會揀佢唔揀你？唔似好勝既你性格喎
♂：一廂情願只會令水瓶座既人討厭
♀：我有好大部份都係水瓶座性格，鍾意就鍾意，唔鍾意就唔鍾意，愛恨分明
♂：仲好需要自由，唔好諗住去改變你，所以我寧願同你保持距離，等你可以考慮清楚
♀：我其實做好左決定，我都有同你講過，只不過你係最緊要既關頭離開左，唔係都唔會演變成今日咁，我好怕有日你會再離開，我唔會比機會你去傷害我，所以寧願揀個好穩定既人
♂：係當初既我太唔成熟，所以我接受依家既結果
♀：同我一齊你會好辛苦，你仲有好多選擇，無必要明知山有虎偏向虎山行啊
♂：同你識左一個月唔夠，我就已經為你放棄左好多原則，不過我無唔開心，反而覺得有人可以令我放棄原則係好難得既事，你知唔知人馬座係最崇尚自由？
♀：係，仲係渣男之首添
♂：人馬座基本上係見一個愛一個，只要係新奇既人都會令佢地動心，但當佢一了解完呢個人之後就會熱情冷卻，最後離開
♀：所以我只係未比你了解夠，當你睇到晒我所有野之後，就會離開係咪？
♂：其實人馬座對感情係最極端最矛盾，佢可以好三分鐘熱度，但當佢認定一個人，耐性係比任何星座仲要強
♀：我真係唔敢再信你太多……我好似愈來愈唔了解你
♂：講係無用，眼見先係真，都係個句我會用時間去證明
♀：你係好特別既人，明明無做過咩，但你係一步步接近到最真實既我，唔好話你放棄左好多原則，我都為你放棄左唔少你知唔知
♂：我知，你肯見我，已經係最大既退讓，你話做你男朋友要搵多過你，但你肯等我，當時你已經放棄左呢個原則，只係個陣既我太好勝，我好想證明比你睇我係做到你要既野……
♀：係……你呢種好勝我都唔知好嬲定好笑，明明唔駛你做，但你偏偏走去做，做都算喇，仲要做唔到！
♂：唔係做唔到，而係未做到
♀：即係你依家都係想做
♂：我想，因為我唔想你退讓，我希望比到一個真真正正你想要既人你，而唔係你勉強自己而接受既唔完全版
♀：你有冇諗過，每過一段時間我都可能會搵多左，呢個目標唔係固定，而係愈來愈高
♂：咁如果有日我真係做到，你可唔可以真係做我女朋友？
♀：……
♂：我知你唔會承諾，咁我修正少少，如果我有日做到，你可唔可以至少做我一日女朋友？
♀：好，你真係做到，就算我結左婚都好，我都會做你一日女朋友
♂：多謝你，聽到你咁講我已經好開心，就算你將來做唔到，我都唔會怪你
♀：怪乜野我，你做到你要做既野先算啦！你硬係要將個難度提升到咁，你真係癲既
♂：岑雪兒，最難得既野，未必係最美好，但最美好既野肯定係最難得，到有日我地真係一齊，睇返我地曾經付出過既野，已經係一種證明
♀：中秋個日你係咪得閒
♂：係，我地仲可以見？
♀：可以，個日你預左全日都陪我
♂：好
♀：咁好啦，晚安
♂：晚安
♂：我認真，就算係你身邊既唔係我都好，我唔可以再同你講早晨同晚安都好，我心入面都會有你，我希望你幸福
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
三分鐘熱度星座 在 牡羊三分鐘熱度？！！！ - 星座板 - Dcard 的推薦與評價
常在板上看到大家都說牡羊的愛只有三分鐘，其實我們並不是。 說喜歡你，所以 展開追求，瘋狂直球你，可能嚇到你，可能你害羞了，所以躲開我們的球 ... ... <看更多>