《愛情是一種法國甜品》哩首歌，從一開始得到林家謙嘅旋律，再交俾Wyman寫歌詞，然後到周錫漢同埋黃兆銘編曲，最後攞到錄音室錄音，我同于逸堯都帶住既期待又緊張嘅心情。每一個音每一個字都優美溫柔，彷彿好容易就可以唱好了，誰不知，原來流過嘴巴嘅字都咁沈重。要將「可愛的嘗過還回去」哩句殘酷嘅說話嚮個心消化完再唱出嚟，第四次嚮錄音室錄哩首歌嘅時候，我忍唔住崩潰痛哭。
或許我嘅歌曲，一直都未有被集體投票成為「最受歡迎」嘅命，但係總有知音人，願意單人匹馬走出嚟，開口講一句：「我最喜愛嘅歌曲，係林二汶嘅⋯⋯」。愛我歌曲嘅樂迷，都係沈默同埋願意聆聽嘅一群。多謝你地默默地聽，我會繼續大聲地唱，唱到你地都大聲地同我一齊唱。
最後，多謝三家姐，多謝你單人匹馬告訴世界：「我最喜愛嘅歌曲，係林二汶嘅《愛情是一種法國甜品》。」
#Repost @sis3ter with @get_repost
・・・
😸多謝 @cr881903 斟我玩，等我有此榮幸頒獎畀二汶。光宗耀祖！開心到我唔小心露埋條尾出嚟。 【2018年度叱咤樂壇流行榜頒獎典禮 #我們的歌托邦 】
想你嘅最愛歌曲打入 #叱咤樂壇我最喜愛的歌曲最後5強？即去 @cr881903 撳連結，為你最喜愛嘅歌曲投下神聖一票，投票有機會得到叱咤飛，本週五(12月21日)中午截止！
#我們的歌托邦 #三家姐的歌托邦 #我最喜愛的歌曲 #2018年度叱咤樂壇流行榜頒獎典禮 #叱咤2018 #瑞典媳婦 #隔空頒獎 #Lamour_est_un_dessert_français #你都快啲嚟投票
【2018年度叱咤樂壇流行榜頒獎典禮●我們的歌托邦 】
每個人心目中都有一個屬於自己嘅我最喜愛的，在 為何斯德哥爾摩沒有譚仔三哥 by 三家姐 心中，哪首才是今年的我最喜愛的歌曲呢？現在就由她親自頒獎畀呢位歌手！
#我們的歌托邦 #三家姐的歌托邦 #我最喜愛的歌曲 #2018年度叱咤樂壇流行榜頒獎典禮 #叱咤2018 #瑞典媳婦 #隔空頒獎 #Lamour_est_un_dessert_français #你都快啲嚟投票
