讀者投稿《短文三篇》
1. 《想做陪月老爺篇》
陀住bb的時候，為免煩到屋企人，未足3個月就請左陪月。62知道陪月價錢之後覺得好貴，就話橫掂都係比錢，不如比佢，佢幫我坐月湊bb。我當然唔想煩到佢啦，就借口話佢退左休唔好咁操勞，得閒黎玩bb算啦。生左bb之後，62上黎我屋企睇bb, 唔識得抱bb不特止，仲問我做咩明知佢上黎都叫陪月煮飯，唔同佢出街食飯。原來62唔知「坐月」係盡量唔好出街架! 好彩當日堅持請陪月啫!
懷孕期間，我仲提議由我出錢比6299去上重溫照顧嬰兒課程，溫故知新一下，換黎99兩句粗口問候我娘親，話佢湊大兩件洗上呢d堂? 係嘅，唔好意思，忘記左你早30幾年前先湊過bb! 結果呢？換黎兩位唔記得左抱bb係需要托住個頭的長老囉！
2. 《唔好買衫奶奶篇》
早排病左住左幾日醫院，奶奶大人有1日黎探我，全程同我講，叫我唔好買衫俾對仔女啦！問人拎舊衫啦！問朋友，問鄰居，問街坊，再唔係上網徵，千祈唔好買新衫，就算新衫都叫朋友親戚送，仲要預大2個碼。校服就去問下d家長，有冇唔要的舊校服俾佢地著，千萬唔好買衫，慳番d錢。其實我細嗰個已經主力著舊衫，係大嗰個高得快，有時換季減價先買定俾佢地著（已經預大左）。但奶奶話我做得唔夠。由於我吊鹽水訓左床，奶奶仲講到聲淚俱下，人地行過以為我好大件事咁。其實只係叫我唔好買新衫俾小朋友啫。。
3. 《唔識襯衫奶奶篇》
我三番四次同我奶奶講千奇唔好買衫比我仔，你唔識得買，你買既衫我仔係唔著架，以后我幫我仔買衫得架喇，佢可以幫我個仔上身黃色，下身黃色，成條焦咁。。。上身黑色，下身黑色，出葬咁。
有一次佢泰國貪平，2套衫好大件，幾大陸仔feel，佢當其時買，我親友已阻止佢唔好買，人地都知我個仔貪靚唔著。佢非要買。
有一日，我仔仔聖誕party，個個小朋友著到花枝招展，我都怕左我奶奶，我自己選好衣服，放咗喺個衣柜上，親自叫奶奶咁襯，點知我奶奶專着件起哂毛粒嘅褲同一件老人家嘅背心比我個仔開party。當日老師都覺得件背心影相效果唔靚,，幫我仔除咗去。個個小朋友有外套着，喺我仔無。人人個個都係靚靚地，我個仔。。
奶奶又貪轉季買咗件藍色背心比佢，我同仔仔開始食西米露，佢係咁講，叫我幫佢試着。我老爺出聲，話我仔唔鍾意着。我老公開聲，佢個仔要親自帶佢揀衫先著，我奶奶係度發哂脾氣走入房，講：唔好話我無買野比你！佢自己個人又無記性又固執。。。
#退一步海闊天高
#我的極品四大長老
#三篇稿三位讀者投稿架
⬇設計圖片
