《我是旅行嘉》冰島
謎語時間：
喺冰島上洗手間，最緊要帶乜？
（答案在內文）
答中有機會得到日本手信🌸
#何嘉麗callmegaga #何嘉麗 #正文社旅遊書 #我是旅行嘉 #出街玩 #冰島經歷
《我是旅行嘉》- 何嘉麗
冰島廁所
去廁所要俾錢，我係十萬分願意嘅，因為咁樣代表個廁所係乾淨。當然我唔包括喺大陸嘅收費廁所，佢所提供嘅阿蒙尼亞提神劑同埋嗰種污糟程度，真係貼錢俾你都唔想去。
話說我喺冰島個國家公園人有三急，就問吓導遊邊度有洗手間，佢話前邊就有。於是我疴心似箭，當我幻想自己飛緊去個廁所嘅同時，又聽到導遊大聲嗌，有冇帶信用卡啊！我心諗要張卡嚟做乜，唔通冇廁紙要...刮咁核突！
去到門口至知原來係收費嘅，200冰島克朗一次，冇貨幣-咁我當然冇啦-可以用信用卡！去廁所都可以用信用卡！200克郎相等於港幣＄12，都可以用信用卡，行政費都唔知夠唔夠俾，我真係服咗你囉！
200克郎喺冰島呢個萬物超貴嘅國家，真係跌都跌咗，唔知可以買乜，但係佢收得你錢，又會好認真咁處理嘅喎。佢由點樣買飛入廁所逐步逐步教你，之後到入閘然後到上廁所到鬆晒咁出返嚟，全程乾淨俐落、窗明几淨， 以呢啲服務同埋設施嚟計， 港幣12蚊真係抵到想即刻去多次。呢啲咪就係文明囉，真係學到嘢呀！
#正文社旅遊書 #何嘉麗我是旅行嘉 #冰島經歷 #上廁所記得帶返張信用卡
