《飛虎之潛行極戰》十三集 Mooncake(悶極）
全集無唯唯同突然gel頭伍姑娘，真係無晒笑點，好悶，諗住佢會交待下伍姑娘如何運用她的瞬間移動超能力，突然出現開兩鎗，又突然消失，點知完全無，失望！今集屬於中場休息格局，文戲為主，女演員終於有演戲機會，龔慈恩做得幾好睇。可能無budget，吳岱融完全消失，探監戲都無場！本集另一派mooncake位是唱K的大量內心戲，「牙Ron」你還是繼續衰衝動好啲。
破案立了大功的三哥，好番些少就趕住叫出院，你估佢真係咁勤力咩，睇睇照顧佢那位俏護士，美艷動人，人間尤物，屬於男人無法抵抗類型，三哥繼續住院，一定把持不住，鬧出婚變，為了頭家，三哥不理傷勢惡化急著出院，真是好有膊頭肯承擔的好男人。
之前已經講過，睇報告梗係响辦公室。嗱，唱K而家咪正常囉！之前借頭借路約人去餐廳，仲做晒戲錫人面珠，真係古惑仔所為，對付這種人，陳凱琳個助手紥晒馬阻住佢是合理行為，可惜太遲，佢老細已經中了伏，錫一啖就受溝，這情節真意識不良。
今集開始進入大台最喜歡的感情戲，三哥同護士、唱K和凱琳、仲有成段飛虎戲，都是鋪王敏奕同黃宗澤的感情線。現實裏飛虎隊全男性，但電視劇為了劇情需要，即係賣性感同感情線，會加入一個女飛虎。不是歧視，女性做飛虎天生有個劣勢，就算女性體能訓練到強過男性，但每個月有幾日，她們總會唔舒服，甚至痛到典床典𥱊，點樣去執行反恐任務呢？劇集唔現實，當然可以有女飛虎。
戴番頭盔先，這系列的「評論」完全無厘正經，求求其其，認真你就輸！
#飛虎之潛行極戰 #邵氏 #優酷 #TVB #苗僑偉 #三哥 #吳卓羲 #黃宗澤 #伍姑娘 #唯唯 #不死O記俏護士 #陳凱琳 #王敏奕 #龔慈恩
不死o記俏護士 在 吳岱融完全消失，探監戲都無場！本集另一派mooncake位是 ... 的推薦與評價
破案立了大功的三哥，好番些少就趕住叫出院，你估佢真係咁勤力咩，睇睇照顧佢那位俏護士，美艷動人，人間尤物，屬於男人無法抵抗類型，三哥繼續住院，一定把持不住，鬧出 ... ... <看更多>