科奴斯上場已經交出咗個助攻架啦
世界盃 主 客隊 在 Facebook 的最佳解答
同時也有10000部Youtube影片，追蹤數超過2,910的網紅コバにゃんチャンネル，也在其Youtube影片中提到，...
「世界盃 主 客隊」的推薦目錄：
- 關於世界盃 主 客隊 在 Facebook 的最佳解答
- 關於世界盃 主 客隊 在 君子馬蘭頭 - Ivan Li 李聲揚 Facebook 的精選貼文
- 關於世界盃 主 客隊 在 君子馬蘭頭 - Ivan Li 李聲揚 Facebook 的精選貼文
- 關於世界盃 主 客隊 在 コバにゃんチャンネル Youtube 的精選貼文
- 關於世界盃 主 客隊 在 大象中醫 Youtube 的最佳解答
- 關於世界盃 主 客隊 在 大象中醫 Youtube 的最佳解答
- 關於世界盃 主 客隊 在 看板Baseball - [情報] U12世界盃季軍賽/冠軍賽售票資訊 的評價
- 關於世界盃 主 客隊 在 京都不死鳥@柏雷素爾Ptt 網頁版- 世足主隊客隊怎麼看 的評價
- 關於世界盃 主 客隊 在 【2023 U12世界盃少棒賽】韓國VS 委內瑞拉全場精華 - YouTube 的評價
- 關於世界盃 主 客隊 在 世界盃主客場之分- 足球板 - Dcard 的評價
世界盃 主 客隊 在 君子馬蘭頭 - Ivan Li 李聲揚 Facebook 的精選貼文
［爆冷點解都頭痕？］首先，介紹返，莊家係鍾意爆冷嘅。
TLDR：William Hill業績唔多掂，除咗冇波踼同投注站閂門，亦都因為爆冷。唔係話爆冷有利莊家？係就係，但今次有啲結構性嘅問題。
1. 類似嘅concept好似講過唔止一次。但簡單再講。好多時啲友鍾意捕風捉影，見估價低咗或借得少咗，就係銀行「睇淡」樓市。實情在銀行嘅立場，唔使有乜立場。你準時還錢就袋袋平安，你層樓升就恭喜你，「使唔使加按」？但銀行好難去「睇淡」樓市而做決定—你供層樓三十年喎，點保證唔跌？
2. 再講白啲，銀行就係左手交右手嘅遊戲。你去恒生唱十萬南非蘭特，佢咪去搵其他行唱畀佢，然後食你個差價。我犯不著自己走去坐十萬甚至一百萬南非蘭特，走去分析到底佢會升定會跌。因為呢啲嘢係你（以為自己有能力）做的。
3. 同樣地，唔少對沖基金，都玩market neutral．同你想像中唔同，佢地唔去估個市升定跌（相反你啲網友個個都好有見解，絶對符合D-K定律：越無知嘅越有信心），只係去玩啲自己熟悉嘅嘢。最簡單係個pair trade，long short，我係行業絶對專家，覺得呢個行業呢兩間嘢一間明顯係高估，另一間明顯被低估，我咪長一隻短一隻。個市升定跌，同我無關，反正唔係我熟悉嘅範圍（指數可以有好多我唔識嘅行業）。我只知道，如果大升市，被低估嗰隻會升得多過被高估嗰隻，同樣地，如果大跌市，被低估嗰隻會跌得少過被高估嗰隻。Either way I make money（＊）
4. 博彩公司（你可以理解做馬會），或者開賭，亦係咁玩法。固然廿一點個莊會玩埋一份（但其實都好被動），但更多遊戲係：我使乜take side？我係賭場使乜估開完幾舖大下舖開乜？我根本唔使outsmart你，你自己以為outsmart個賭場，但長玩必死。當然你可以做鄧小平撚（又來了），堅持話你贏過好多錢，或者你同事個朋友玩咗兩日一夜打低燊哥。可能有咁嘅人，但最後三妻四妾上名人版嘅係桑哥，唔係賭仔。
5. 賭波賭馬一樣，係人嘅遊戲。我開賭使乜take side？我先唔使理巴塞定皇馬贏，我睇你地買邊面，再郁個賠率。固然偶然會失手（例如忽然間假波人人狂煲一隊），但拉長冇得輸。（賭馬就仲簡單，扣晒先話你知賠幾多，極之搵笨實）。如果係馬會之類做莊開賭波，仲簡單，射出街咪得。因為獨市。原理同恒生銀行唱南非蘭特差不多
6. 所以，理論上，開賭嘅應該都neutral．但如果真係要問，就問一個好多人可能都諗過嘅問題：到底博彩公司，鍾意熱門跑出，定係爆冷頻頻？你估下？
7. 就咁理論上，都唔易估。你可以話冷門賠咁大（例如李斯特城拎英超），輸死莊家。但又可以話熱門賠咁多人，個個排隊賠到手軟。咁邊個影響大啲？
8. 答案：Depends（噓！！！！），但，一般莊家係鍾意爆冷嘅。
9. 原因不太難解，最極端嘅例子，一個星期10場英超，10場都係熱門贏晒，輸死莊家。因為買冷門嘅人少，仲要係雞仔注。相反有啲友係過關，刀仔鋸大樹，10場串埋一齊，但過關差不多定必係揀熱門。10場都熱門，莊家唔掂。
10. 有人錯誤地以為，莊家怕爆冷，因為要賠好大。冇錯，但人數上，多數人都買熱門。錢上面亦都係（否則熱門就唔係熱門啦）。而買冷門嘅，人又少，注碼亦都實細。
11. 以FT張相呢場（同內文其實冇關），維拉7-2大炒利物浦為例。波膽125倍，pretty good．但你估有幾多人會買維拉主其他？買嘅頂多咪十蚊，一百蚊好未？但，其他波膽嘅，全部死晒。估都估到係莊家有so
12. Similarly，舊年寫過（https://bityl.co/48EP），熱刺主場輸畀拜仁2-7。呢個波膽，在頂級聯賽國際賽洲賽，4萬場以上冇出現過。但你買中都好，只係賠35倍。（請唔好答我「維拉對熱刺咪7:2」，我地係講2:7，客隊勝，你有睇過2:7嘅話我知）。呢場亦係斬唔少波膽。
13. 仲有，講多嘢賤嘢你知。莊家鍾意爆冷，因為仲可以免費宣傳。嘩，有條友買中咗李斯特城捧英超，5000倍喎，100蚊變50萬，夠畀首期—而冇人會去訪問輸咗嗰幾十萬人。呢啲刀仔鋸大樹成功嘅故事，係最好嘅宣傳。六合彩都期期有人中，點解我唔得？個個就去追夢。馬會多謝你。
14. 呢類報導，亦令到絶大多數人，嚴重高估自己贏錢嘅可能性—又一核心價值，我發現呢個世界好多操作，都係令啲人高估自己成功嘅可能性。阿豬阿狗叫你去追夢啦，訪問成功例子啦—本質上，同賭場昆你冇乜分別。
15. 講咗咁耐，其實係講返威廉希爾，William Hill，細細個我就幫襯啦（會唔會畀人拉？但我在港大用圖書館電腦買，冇翻牆，照用香港信用卡，照計唔犯法？）。
16. WillHill就話，近期業績唔好呀（＊＊）。點解？除咗因為少咗波賭（歐聯都踢少幾場，有啲友賽又停咗，法甲之類更加提早收檔），投注站收檔，仲因為太多爆冷。
17. 明明就話爆冷有利莊家喎，咩回事？
18. 原來唔係咁簡單，唔係平時嘅爆冷，而係結構性嘅。
19. 因為，今季少咗好多和波（我唔知有冇數錯，53場得11場和），21%左右。比之前幾季都低。而一般和波係有利莊家嘅—因為賭仔係低估和波嘅機率。以前都寫過，彭博嗰時玩估世界盃，啲人估嘅賽果，好少估波和。唔合人性。
20. 另外，所謂嘅爆冷多，唔係一場兩場，而係一大堆客隊贏波。話說今季有50%賽事係客隊贏，以往只係31%。點解？當然係因為閉門作賽。（有研究過，球迷入場係有利主隊，但主要唔係對球員士氣，而係因為球證會受壓力，唔敢畀十二碼客隊）。
21. 結果，就似乎公司內部啲開價出錯，成日畀人煲爆了。話說話，舊文都寫過（https://fbook.cc/3HZt），復賽後呢，明顯見到主場優勢少咗。嗰時都有同你講，應該係賭波嘅機會。
（＊）簡化咗好多，實際上唔係咁簡單。即係有啲股票係升市就low beta跌市跌high beta，升就升少少，跌就跌多多。當然更甚係有啲公司聽聞係升市負beta跌市正beta，人升我跌，人跌我更多。
（＊＊）你可能見到有啲其他博彩公司股價好生意好，好可能因為佢地有其他online嘅東西，例如線上賭場（上線啦）或者poker．Will Hill就真係好集中於體育賽事
———————————————————
Ivan Patreon 狼耳街華人，一星期至少三篇港美市場評點，一個月一舊水唔使，開張兩個月已600人訂！仲有兩篇免費試睇：https://bit.ly/31QmYj7
———————————————————
instagram @ivanliresearch．七成金融（短打）兩成嘢食一成其他嘢。
——————————————————————————
［收費短片第十擊］人民幣升值受惠股，美股二線科技股揭秘
課程資訊：https://homebloggerhk.com/course_detail/?code=CC010
內容:
*軟件股IPO狂潮
*買平台股好過
*人民幣強勢買咩好?
本星期內特惠售價: $80
課程編號：CC010
觀看期限：首次播放後一星期及限每影片４次
客服whatsapp: 63832145
世界盃 主 客隊 在 君子馬蘭頭 - Ivan Li 李聲揚 Facebook 的精選貼文
［英超閉門作賽，主場優勢冇少到］聽聞話因為球迷唔夠熱情喎，但亦可能係sample 太少。
話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，至少之前兩個post係好好反應的
FT原文— （https://on.ft.com/3jgqQSr）Does home advantage exist without football’s partisan fans?
TL：DR—英超重開，閉門作賽，主場優勢完全冇少到。但德甲西甲就有。正路解釋：主場優勢係因為球迷，但只係間接：重點係球迷叫聲影響球證判決。但無論如何，係人嘅因素居多，唔係
1. 歐洲各大足球聯賽重開，最興奮嘅除咗利物浦，仲有就係統計學家同數佬（例如本人）。閉門作賽，就係難得好好嘅天然實驗機會，去睇下「主場優勢」係咩回事。係因為地利？定因為球迷？
2. 唔熟足球嘅朋友，話聲你知，而家普遍聯賽都仲係在返各自隊伍嘅「主場」，但冇球迷入場。如果見到主場優勢照舊嘅，咁即係「球迷」其實冇乜影響。如果見到冇晒優勢嘅，就似乎球迷係關鍵。真係千載難逢嘅機會做呢種實驗！平時你冇可能叫啲球迷唔入場，而平時閉門作賽唔係冇，但唔多。
3. 見到重開後呢，至少德甲，好似主場優勢冇晒，客隊得勝率似乎明顯上升。但好似其他聯賽又唔多覺。（呢度有個不方便嘅真相：之前研究話，啲比較雞嘅隊較量，主場優勢先明顯，你巴塞對皇馬之類，應該冇乜主場優勢，如是我聞。可能德甲比較雞。）
4. 首先講，主場優勢，簡單起見只係講一場場嘅結果，世界盃奧運之類唔計（＊）。同樣地，主流啲隊際球迷運動為主。當然呢篇主要講足球。
5. 咩係主場優勢？好簡單，就係主隊得勝率高過客隊。固然有啲隊係超級，咁主客都大炒人。但講所有賽事，夾埋你會見到，明顯主隊得勝率係高過客隊。基本上所有主流隊長球類運動都見到，統計上明顯，你話冇嘅，咁唔使討論。
6. 正常人都知道有呢樣嘢。但點解？我記得我year one 上莊時就同莊友拗過（證明我個人幾咁麻撚煩）。我同佢都同意係有主場優勢，但佢話係因為支持者打氣，我話未必。
7. 其實一般人都大約諗到，可以係以下嘅理由。最簡單當然係球迷打氣，大振士氣，或者係可以屌對方球員，侮辱佢地，對手射罰球就干擾佢噓佢等等（＊＊）。當然亦都有話球證會受球迷影響，全場齊屌嘅，球證都好難唔吹十二碼。
8. 其他，就係非球迷嘅因素。舟車勞頓啦，氣侯時差啦（例如作客去冰天雪地嘅莫斯科，或者玻利維亞啲高原主場），主隊熟悉場館啦（例如「美斯好波，但去到濕冷嘅史篤城爛地主場佢仲入唔入到波？」，或傳說中嘅「巴塞去高貝利成日斬波出界」（但其實係得足球棒球咁老味，好多運動都標準場館））。
9. 如果係美國運動，仲有賽程啦，主隊冇咁密。仲有賽規，例如棒球邊隊揮棒先。但足球冇乜呢啲嘢。不解。
10. 當然仲有可能最廢但亦要留意嘅解釋：只係心理作用，self fulfilling，人人覺得有，咪變成有。客隊未踢已經驚。
11. 球員，你問十個有九個，都係鍾意有球迷。人之常情。好多都會話冇球迷影響表現。但，佢地主觀感受同事實，又未必係一樣。又即係，其實我估有人係會怯場嘅，可能冇觀眾自在啲，不過又斷估踢波嘅多數唔係introvert。但總有例外，例如嚟緊會登陸英超車路士嘅添姆雲拿，詳情可以睇（＊＊）。
12. 之前其實有學者研究過（＊＊＊），主場優勢，其實主要唔係同場館，舟車勞頓啦，氣侯時差呢啲死物有關。最主要的確係人：但其實係球證，的確會受觀眾影響。所以球迷係間接影響主場優勢，係通過球證，而唔係主隊士氣或噓對手。（埃汾按：我估足球更明顯，鳩估，足球嚟講，球證嘅因素比其他運動大好多，一開波整件全餐畀你，輸球十二碼兼打少件，你已經輸咗大半）
13. 講咗一輪背景，又睇下FT嘅分析。主角係講英超，復賽後。
14. FT就發現，英超嘅主場優勢，復賽後依然有，甚至係比以前更大。由得分，得失球，同勝出率都見到。但只係略為擴大，未算明顯。但幾肯定個優勢冇因為冇球迷而減弱。
15. 呢個同德甲似乎唔同。當然如果我冇記錯，德甲都係開頭明顯，後來已經習慣。亦可能真係德甲啲水平低啲。不過，其實西甲都見到好似德甲咁。當然亦可能係sample size唔夠多（唔緊要，「分分鐘下季都全季閉門」）
16. FT嘅解釋，都係傾向同之前講學者研究差不多：重點都係人。即係FT認為，「德甲球迷熱情」（篇文冇講西甲），所以冇人入場咪大影響。咁點解英超冇影響？「因為啲球迷入場掛住打卡，同埋食大蝦三文治」（呢句我加嘅）
17. 但講返轉頭，記唔記得原本講，主場優勢係嚟自球迷：但唔係主隊球員士氣升或客隊畀你噓到淆底，而係球證？呢度又有啲數字睇到
18. 數據見到，復賽之前，主隊明顯食紅牌黃牌少過客隊，好難話唔係球證受觀眾影響（當然你可以話主隊在自己主場有信心唔使咁矛，或者唔好意思咁爛仔，亦得）。復賽後呢？都仲係主隊少啲食牌，但差距收窄咗不少。德甲西甲呢？主隊食牌多過客隊添。
19. 結論都係：球迷都係人，一般都係偏幫主隊。但在老母唔使返工下，閉門的確令球證比較敢作出對主隊不利嘅判決。
20. BONUS：其實仲有研究做過，經驗淺嘅球證，後生仔，未夠爐純情，比較會受球迷影響。下次買波，可以睇埋球證年資。
（＊）奧運同世界盃一樣有主辦國優勢。前者固然係因為項目，後者其實同一般足球賽差不多，但佢有足咁多場主場優勢。但似乎世界盃或歐洲國家盃主辦國優勢係少咗嘅。近40年就只有法國在主場捧盃 ，以前密好多。但當然，除咗話競技水平高咗，科學進步咗，球員適應力高咗之類外，亦都留意近年啲主辦國係比較雞嘅—你唔係覺得南非會拎世界盃下話？定卡塔爾會？事實亦係南非嗰屆，有主辦國首圈出局。
（＊＊）正路地，高水準嘅球員，唔會受呢啲嘢影響。照計練波時射罰球已經後面放定嘢干擾，或者播住老母聲嚟練射罰球射十二碼，甚至可能有啲球員係唔屌唔鬆化，你越噓佢越興奮。C朗話頭， your hate makes me unstoppable．不過總有例外，嚟緊會轉投車路士嘅德國球員添姆雲拿，試過作客土耳其，因為球迷太嘈搞到佢頭暈，最後要換走。車路士對家可以留意下，唔知係個別事件定乜。
（＊＊＊）「Scorecasting: The Hidden Influences Behind How Sports Are Played and Games Are Won」
-------------------------------------------------------------------------
香港聯匯何去何從？新收費片已出，講足一個鐘，單次買200
想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145
世界盃 主 客隊 在 京都不死鳥@柏雷素爾Ptt 網頁版- 世足主隊客隊怎麼看 的推薦與評價
2022世界盃足球賽直播平台彙整:ELTA愛爾達看世足、Hami Video 世足直播、華視主正確比數, 預測比賽在比賽結束時，客隊和主隊或是對戰選手組合最終比數是X：Y& 兩分鐘幫 ... ... <看更多>
世界盃 主 客隊 在 【2023 U12世界盃少棒賽】韓國VS 委內瑞拉全場精華 - YouTube 的推薦與評價
緯來體育台#U12 # 世界盃 少棒#韓國#委內瑞拉- 訂閱緯來體育台相關平台讓你體育消息不間斷✎緯來體育台Instagram【https://bit.ly/2MdtZqq 】 ✎緯來 ... ... <看更多>
世界盃 主 客隊 在 看板Baseball - [情報] U12世界盃季軍賽/冠軍賽售票資訊 的推薦與評價
2023 年第七屆 U12 世界盃少棒錦標賽
購票連結：https://tixcraft.com/activity/detail/23_u12
比賽場地：台南市 亞太國際棒球訓練中心 少棒主球場
季軍賽 8/06 14:30 委內瑞拉 vs 日本
冠軍賽 8/06 18:30 美國 vs 中華台北
【預售票售票說明】
冠軍賽&季軍賽：2023/08/05(六) 22:00起，線上預售至各場次開賽前6小時截止
※每次最多選購4張，請仔細選購場次、票種及座位。
※隊伍寫於左側為客隊(一壘側)、隊伍寫於右側為主隊(三壘側)。
※預計賽前1小時開放觀眾進場。
※現場售票於每場開賽前1小時30分開始售票。
【季軍賽】
全票 300元 / 優待票 240元 / 身障票 150元
【冠軍賽】
全票 500元 / 優待票 400元 / 身障票 250元
現場售票於每場開賽前1小時30分開始售票。
現場售票僅販售預售剩餘當日票券，無法提供選位。
如需選位請儘早於售票網站購票，謝謝。
因啟售時已超過個人因素退票期限，購買後無法辦理退票，
請謹慎考慮並確認購買之場次再完成訂票，如不同意請勿購票。
https://tixcraft.com/activity/detail/23_u12
--
※ 發信站: 批踢踢實業坊(ptt.cc), 來自: 219.84.185.171 (臺灣)
※ 文章網址: https://www.ptt.cc/bbs/Baseball/M.1691240608.A.ABE.html
... <看更多>