咁就完咗一季。今季兜兜轉轉，天意又好，人為也好，最後決定專注晌五人足球賽事上。諗翻足球，其實真係改變咗自己好多，想當年晌街場叫做踢得叻啲就自以為是，去到後期生活有空間，叫自己試吓去選拔選乙丙組等等。
.
過程非常之起伏，試過俾人當垃圾咁拒絕，試過push自己去跟操，試過俾教練罵到自我質疑，又估唔到最尾入到隊，其至於之後挑戰更高嘅水平。當年非常獨食嘅自己，叫做變得相對團隊，或者喱幾年學到嘅嘢係，香港有好多踢波勁嘅人，自己只不過屎波裝備多，叫做識踢啲咁。
.
球圈人事非常複雜，見盡人性百態，結論係，我地只可以努力裝備自己，等待一個突圍嘅機會；也只可以講，遇到一個欣賞你俾機會你嘅教練，真係要好好感激，因為晌一個人際複雜嘅圈子裏有得落場踢波，並唔係一件簡單嘅事情。
.
遇到喜歡嘅事情就要堅持，而家我有嘅再唔係夢想，係目標。
.
#屎波裝備多
#大魚腩足球隊
