［平保回購］文不對題。但下面蘋果報導都係小弟講平保，分拆之類就梗係遲下先做。
呢度就一雞兩味，上篇講完業績今次講埋回購（講回購的報導在呢度http://bit.ly/2DarSO9）。之前美股升極都有，但好主要係靠回購，淡龜又話搵笨，我就唔知邊個搵邊個笨。咁你回購咗自然股數少咗，每股盈利就多咗喎。前提當然係你夠錢，亦都要假設你舊錢嘅回報低過你回購股份—所以理論上股價殘先要買，或者管理層真係唔知錢點用。美國就仲多一個考慮，就係稅。派畀股東要收股息稅，但回購好似唔使。有啲公司甚至借錢回購，係冇問題的，計掂數就得，息夠低就得
咁講過啦，既然而家息升緊，借錢回購似乎唔係幾好，特別係中資。咁你回購得一係公司好有錢，一係真係業務冇空間，但平保似乎兩樣唔人係。
吹，就梗係吹得大啦。話回購不多於10%股本。問題就係：哪有錢，你懂的。買一股都可以係不多於10%。比上限有鬼用咩，比下限嘛。或者至少匯控咁畀個數字出嚟，係冇嘅
咁所以，好大機會就係會好似騰訊咁。騰訊都有回購架，但做乜係咁跌？因為力度太細了。日日幾十億成交，你回購丁屎咁多，唔夠力的。
另外記者朋友有問估佢回購A股定H股，呢個就好問題。在平保嘅情況其實冇乜分別，因為差不多價，折讓不大。但如果第間公司，又如果係為股東利益著想呢，好簡單，梗係邊面平就回購邊面。舉例（懶查），我當隻中信銀行香港兩蚊大陸六蚊，咁梗係回購香港啦。反正你個影響（股數少咗每股盈利多咗）一樣，梗係買平啲。
咁但，現實呢，有時未必係為股東利益著想嘅。在中國的情況，就可能明知A股貴都照買A股，救市托市嘛。況且外匯管制又係個問題。當然實際上唔係咩問題，但要阻你就咩可以係問題啦
中信銀行香港 在 中信銀行（國際） - Bank - Facebook 的推薦與評價
中信銀行 （國際）有限公司（英文：China CITIC Bank International... ... 隸屬於中國中信集團公司旗下的中信國際金融控股有限公司，是一家在香港經營的銀行。 ... <看更多>