【 #可能係最浪漫嘅中秋 - 人情味max!大埔街坊載巨型月球巡遊林村河】
噚晚如果你咁啱行過大埔海濱,應該會見到一個巨型藍月亮喺林村河上面飄下飄下,就好似有人將成個月球摘咗落嚟放落海咁。而橋上仲掛滿好多手繪燈籠,款款都唔同,但款款都係由市民親手畫,有小朋友畫嘅跳跳虎,亦有市民畫咗大埔嘅地圖上去~ 唔少街坊都覺得好靚,紛紛停低留影,有一家大細,有成班fd落去睇,亦不乏一對對恩愛嘅公公婆婆拖住手「賞月」。中秋氣氛濃烈到,令小編覺得自己好似返返去中學雞嗰陣,同成班同學出去海濱玩咁~
.
但當你以為咁大型嘅佈置應該係機構安排就錯晒喇!因為其實咁靚嘅燈飾,係由前議員連桷璋同一班大埔街坊自發諗出嚟。無後台、無budget,只係想畀大家一個特別嘅中秋節,街坊們就自己班咗兩隻獨木舟同一個巨型月亮氣球,用接力形式拉住隻氣球巡遊成條林村河,全程單靠人力慢慢划住隻艇前進.... 而夜晚大概10點幾就要開始收返起晒所有嘢,因為怕落雨,又怕違反限聚令。
.
「咁其實辛苦,點解仲要搞啊?」連桷璋就提到因為佢覺得,林村河係最有大埔特色,而每逢中秋亦係最靚,仲好難得有一班街坊都咁覺得,最後夾手夾腳完成呢件事。小編剩係想講一句,真係好有心,其他中秋燈飾再靚,都唔及呢份人情味咁甜,何況人地出面都係整緊啲紙紮奈何橋咋!
.
最後有網民都不忘嘴賤本色,表示喺呢份人情味同咁靚嘅燈飾下,第一次覺得林村河都唔係咁臭... well,其實香港人中秋去海濱,不嬲臭都一樣玩得咁開心,傳說中嘅臭你又... 無論你今年喺唔喺香港,都祝你中秋節快樂啊香港人!!!
.
#大埔有連仔真好 #呢條摘月亮落黎嘅橋又真係幾浪漫 #小編以前有幸住過大埔 #真係覺得份人情味係唔同的 #感動 #情侶 #愛 #愛情 #語錄 #拍拖 #香港 #女朋友 #hkig #搞笑 #中秋節 #中秋 #海濱 #大埔 #燈飾
.
睇咗笑完就算?不如追蹤埋我哋啦!
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱,我哋等緊你㗎😙!
同時也有19部Youtube影片,追蹤數超過7萬的網紅男人EEETV,也在其Youtube影片中提到,【廿?歲人講歷史】 第2集 - 無咗份工,點算好? 聽講最近經濟差,身邊已經有好多朋友俾人減人工, 放冇薪假,甚至直頭冇咗份工。 如果我哋真係畀人炒冇工做, 應該點算好呢? 今集《廿?歲人講歷史》, 就試下用中學雞歷史知識搵下答案。 ================== 男人EEETV 節目重...
中學雞 在 港式情侶 HKstyleCouple Facebook 的最佳貼文
【 #那些年的港式情侶 - 當海洋公園唔再係我哋心目中嘅OP】
海洋公園嘅三大機動遊戲「跳樓機」、「越礦飛車」同「滑浪飛船」,將會於今個月月底退役,完成帶畀三代人歡聲笑語嘅歷史任務。其後園內嘅「幸福摩天輪」、「飛天韆鞦」、「海盜船」等都將會陸續拆卸,換上新嘅遊樂設施。對此,有網民諸葛亮上身話「一早估到」、有網民成頭黑人問號「呢三個唔係全樂園最正嗰三個機動遊戲咩?」、有網民忍唔住揶揄「執_咗佢算啦」、「全部改做釣魚咪幾好」。海洋公園就回應話今次呢個大改動係想「為香港人打造新嘅集體回憶」。只係當搭纜車都要收錢、最標誌性嘅跳樓機都成為歷史,取而代之嘅回憶仲應唔應該叫做集體回憶?海洋公園又仲係唔係當年中學雞最興成班同學仔一齊去嘅「OP」?
.
「成世人總會有一次 畀個FD呃咗上跳樓機」
仲記得小編當年第一次同成班中學去海洋公園,就畀同行唔知邊條hihi水咗去玩跳樓機,條友拍晒心口同我講話無事㗎,同搭𨋢差唔多。點知上到去之後部機愈升愈高,上到最頂我就快不行了,但部機仲好似玩我咁停咗喺半空。人到咗生死關頭就會失去理性,我開始聽到有人講晒粗口鬧佢隔離個FD昆佢,又聽到有MK仔大大聲「撻全朵」示愛,不過個愛字都未講完,大家就一齊落咗去... 返到地面個FD子望住我笑咗笑,講咗句:「第一次好爽呢?」,估唔到我嘅「第一次」就咁畀人呃走咗,而之後我都用同樣方法,昆咗幾個跳樓機後輩:
「唔驚㗎!同青蛙跳差唔多高之嘛!」
.
「浪漫不過同暗戀對象搭摩天輪 在高處凝望世界流動~」
而喺一班同學仔入面,梗有一個你心儀嘅女同學,你見細膽嘅佢唔敢玩海盜船,就扮晒肚痛話自己都唔玩,製造兩個人獨處嘅雞會。轉頭又以「海盜船條隊好似好長啵」為由,拉咗佢去搭永遠都唔使點等嘅摩天輪。闊落嘅車廂入面,你哋偏偏要挨住坐,你望住佢側面,忽明忽暗嘅燈光下,可能係你錯覺啦,佢好似有啲面紅,唔通佢都鍾意我!然後你就下意識錫咗落去,個茄輪好似足足歷時咗成個世紀咁,直到工作人員大大力拍你個車廂叫你死返出黎,你哋先鬆開。有人話初戀都係無結果嘅,你同佢都唔例外,但你永遠都唔會唔記得對方嗰陣嘅神情同語氣。尤其係之後你哋會合返其他同學,大家都好有默契咁無講,只係之後全程,你偶爾都會喺偷望佢嗰陣,發現佢都偷望緊你~
.
「有人話成世人最少要去三次海洋公園...」
一次係阿媽帶你去,一次係同另一半去,一次係帶啲仔女去。你可以話畀佢知,以前老豆細個最鍾意玩滑浪飛船,次次唔玩到底褲濕晒都唔願走;同你媽咪去就次次都要玩飛天韆鞦,因為佢好細膽,剩係玩到呢樣同摩天輪。可惜嘅係,你無機會親身帶佢搭多一次,show唔到畀佢睇當年你同朋友玩「瘋狂過山車」,係點撞到頭都甩... 又或者我哋唔捨得嘅唔係海洋公園,而係佢實在裝住太多太多,屬於青春,屬於一班中學雞組團去威,屬於愛情同友情嘅回憶。
.
P.S. 記得當年喺海洋公園第一個玩嘅機動遊戲就係飛天韆鞦!即使大個玩親都暈,仍然都會因為童年回憶而去排隊...... 咁多個即將退役嘅機動遊戲入面,如果只能夠揀一個留低,你會揀邊個?
.
#最濕滯嘅激流又有得留低 #每次搭完都一定有人問 #下完咗架拿 #以前成班人去op真係好開心 #搭纜車仲會撩對面架車講嘢 #情侶 #愛 #愛情 #語錄 #拍拖 #香港 #搞笑 #回憶 #80後 #90後 #集體回憶 #海洋公園 #再見了我的青春 #我的初戀 #而家其實仲有無威威司令呢個人
.
即like 港式情侶 HKstyleCouple 緊貼更多港式愛情生活資訊❤️!
IG : https://instagram.com/hkstylecouple
歡迎Dm投稿戀愛趣事,我哋等緊你㗎😙!
中學雞 在 無神論者的巴別塔 Facebook 的精選貼文
https://www.patreon.com/posts/54876341
《EVA 新劇場版:終》對唔同人可能有唔同意義,而對我黎講,相比起娛樂,睇完佢更加似係一場儀式。
唔好誤會,我唔係話《終》唔好睇,甚至乎當新劇場版經已進入第四集,當觀眾對呢套作品嘅期望經已驟至頂峰,庵野秀明響敘述故事嘅功力依然無令人失望,視覺效果響今時今日已被CG寵壞嘅新一代觀眾黎講,仍然有住相當出色;甚至有好幾幕嘅分鏡場景,例如明日香迫真嗣食多士一幕、同埋明日香同真希波響無重狀態下搵真嗣一幕,都係令我睇到非常感動,久久未能忘懷。
但響當年經歷過《EVA》電視版最後兩集、以及Death & Rebirth嘅衝擊,始終令我睇呢個「EVA最後結局」之前有種不安感──庵野秀明會唔會再一次用一個超乎我接受嘅程度進行一場思想震撼?
結果相比起塑造一個全新嘅結局,庵野秀明選擇咗將過往嘅兩個結局重新粉飾一次,好多熟悉嘅場景再次出現:超巨型綾波麗(不過呢個公仔個材質好差,個人覺得係全片敗筆)、電車對白、將長槍刺穿胸口嘅儀式、渚薰坐響無頭天使望海一幕、真嗣同明日香響海灘獨處……只係佢嘅處理比當年更圓滑,比以前更容易理解。
經歷過當年嘅衝擊,再睇一次《終》嘅「半新演繹」,當然比當年第一次睇舊版兩個結局容易接受得多;例如相比起以前父子去到結局比較隱喻嘅矛盾,今次就安排佢地痛痛快快打一場,感覺上好似睇《刃牙》史上最強父子吵架一樣直接。
反而入面一啲改變,由真嗣獨白一轉變成佢老豆獨白,再透過自己個仔令佢慢慢開懷,以「落車」象徵一種對生命鬱悶嘅解脫;當真嗣再次面對明日香,唔再以鍊死對方、而係以感謝作為替代,完全感受到庵野秀明由過去憤世嫉俗慢慢過渡到去而家就算唔能夠完全睇化,至少能夠比以前更加正面看待世界。
然後睇住幾個主角都由14歲o靚仔變成大人,跟住望一望自己,當日TV版響香港問人借錄影帶睇果陣都仲係一隻中學雞,去到今日睇《終》經已成為一條廢中;由當日經歷EVA TV版第一次衝擊、之後劇場版第二次衝擊,再去到今日《終》完成近第三次衝擊,雖然無好似當年咁樣顛覆三觀,卻有一種終於完成一項人生Checklist嘅滿足感。
所以不得不老土講句,真係幾生修倒,先可以遇到《新世界福音戰士》呢套神作。
中學雞 在 男人EEETV Youtube 的最佳貼文
【廿?歲人講歷史】 第2集 - 無咗份工,點算好?
聽講最近經濟差,身邊已經有好多朋友俾人減人工,
放冇薪假,甚至直頭冇咗份工。
如果我哋真係畀人炒冇工做,
應該點算好呢?
今集《廿?歲人講歷史》,
就試下用中學雞歷史知識搵下答案。
==================
男人EEETV 節目重溫:
星期一節目 【白牆二人組】
11/2 - 五大預言預測2020武漢肺炎( https://youtu.be/Ijj8xxF-Af8 )
星期三 MANesday 節目-【廿?歲人講歴史】
11/3-做錯事點箍煲? ( https://youtu.be/R0rZ0uwBOKQ )
星期三 MANesday 節目-【B級好人】
18/3-同街坊講早晨(https://youtu.be/HOA8GDPQfnI )
星期五 FRIENDay 節目 【明星3接1】
13/3-接莊正放工( https://youtu.be/bpCwuDvPlJM )
==================
呢個IG係我哋做返?仔嘅樂園►►@maneeetv_kidcorner
純粹係自己開心嫁咋,唔好咁大期望呀!
李萬璣 IG►►http://bit.ly/kei_is_a_great_man
Smith IG►►http://bit.ly/smith_is_a_man
比利 IG►►http://bit.ly/is_billy_a_man
==================
【工作拍攝聯絡信箱/info@maneeetv.com】
中學雞 在 黑白頻道 B&W Channel Youtube 的最佳貼文
你以前的學校生活到底點過
諗返起,你又點睇而家啲細路呢?
言靈奧祕﹕
http://info.1secret.net/
言靈奧祕FACEBOOK GROUP
https://www.facebook.com/groups/2world/
中學雞 在 CapTV HK Youtube 的精選貼文
上集《一日中學雞》 gregory wong 王宗堯 表演空氣籃球,已經吸引女神到女神嘅注意!今集嘅佢盡顯細心嘅一面,落足眼力注意女神一舉一動, 黎唔明 Leon 同 Jerry仔(木村Jerry) 你哋要爭氣先得㗎?
中學雞 在 中學午餐爭霸戰餐盒一打開雞塊瞬間搶光光 - YouTube 的推薦與評價
網路上流傳著一段影片,就是台南長榮 中學 的學生,在中午用餐時間,餐盒才推到走廊上,一群男同學用手猛力拍打餐盒後,再用手搶雞塊來吃,網友有人認為 ... ... <看更多>
中學雞 在 中學雞 的推薦與評價
中學雞. 2660 likes. Comedy club. ... <看更多>