<8蚊雞的睇片故事>
其實拍片唔係俾錢，係燒錢。
你有無見過一日十萬？
我見過，真係見過。
你以為好大製作？其實只係一條短片。
其實拍得網劇，真係打算拍完就算。
好彩既，多人支持既，
咪做個電影版，搞個小小放映會播，
見下一直支持我地既觀眾，交流下。
唔好彩既，同高登故一樣，
胎死腹中又有，爛尾又有，
大家睇完覺得低質狂插既都有。
其實講到尾，拍出黎，都係想哄你地開心。
人地收就話收8蚊，創作、拍攝加後期，
都唔止八日啦，當可憐下我地d創作人，
哄你地開心，我地都要食飯嫁😞
8蚊，搭程車都無左，支持下本地創作人。
香港揸筆搵食，係衰過揸兜，
好多人成日問我，點解唔入行做編劇，
香港做編劇，係咪真係有人尊重你劇本？
香港做編劇，係咪一定要入大台？
創作如果係有框框，又算唔算創作？
如果要我為錢，去寫d自己都無感覺既野，
點解我又要去侮辱我個名同我枝筆？
可以話我離地，可以話我不識時務，
但，我做創作，我要對得住自己，
要對得住觀眾，要對得住枝筆。
我情願打一份自己無興趣的工，
我也不要寫一個沒靈魂的作品。
而重點是，我不要磨蝕我的靈魂，
我不要為錢，削去我的棱角，
因為我的棱角，才會有我作品的靈魂。
我不期望成為九把刀，我只期望，
我的作品，能得到大家的共嗚。
文章轉自好友 - Tatrina Fion Lee
