世界盃準決賽第二場,由英格蘭對克羅地亞。隨住法國以一個死球 (以及四平八穩嘅踢法) 氣走比利時,無論「三獅兵團」抑或「格仔兵團」打入決賽,都會扮演 underdog 嘅角色。英格蘭今場獲編配著主場嘅白衫,克羅地亞著作客嘅黑色波衫,符合佢哋「黑馬」嘅角色。
克羅地亞連續兩場淘汰賽都踢足 120 分鐘,先至憑互射十二碼擊敗丹麥同俄羅斯,但球隊正選名單大致維持不變,只係由波索域取代卡馬歷,加強中場控制力。英格蘭繼續沿用 3–5–2 (或說 3–3–3–1) 陣式,以史達寧輔助哈利簡尼攻堅。
不過今場嘅第一位主角其實係查比亞,呢位效力熱刺嘅右翼衛開賽五分鐘就喺鵝眉月頂主射罰球打開紀錄。其實喺呢場波之前,查比亞喺國家隊未有入波,喺球會級賽事,八個球季嘅罰波入球亦只得四個,認真係禾稈冚珍珠。
查比亞作為英軍今屆嘅死球專家,平均每 90 分鐘就為球隊創造 0.6 次「餐士」,當中透過死球嘅製造嘅埋門機會就超過 0.4 次,遠遠拋離其他隊友。呢個數字喺今屆世界盃一眾球員當中排第三,僅次於尼馬同迪布尼。當巴西同比利時靠 Keyman 或 Playmaker 創造機會嘅時候,英格蘭就真係用自己嘅方式贏波。
根據英國《金融時報》 (你冇睇錯, Ivan Li 李聲揚 - 華麗后台 今屆周不時引用 FT 嘅報道同分析,而你睇返香港嘅《信報》⋯⋯) ,英格蘭今屆賽事平均每場創造嘅機會只係排第七至九左右,當中超過一半來自死球 (其他過五成嘅球隊包括巴拿馬、葡萄牙、俄羅斯同克羅地亞同烏拉圭 ) 。
咁其實無可厚非嘅,呢支被譽為近代最無星味、實力最弱嘅英格蘭,的而且確唔似得法國或者比利時咁擁有才華橫溢嘅球員。 90 年代初有加斯居尼, 90 年代尾有碧咸, 2000 年後有朗尼⋯⋯而家講腳法,最好嗰個可能叫史達寧 (如果唔係中堅史東斯的話) 。咁限米就當然要煮限飯,專門用罰球同角球去搵機會入波,又真係唔犯法嘅。
Malcolm Gladwell 嘅暢銷著作《大衛與哥利亞》其中一個例子,都係講一位名叫 Ranadivé 嘅教練,點樣帶領一支資質平庸少年籃球隊爆冷贏波。佢用嘅係相當另類嘅戰術:全場前場壓迫防守,喺學界咁玩法係可以令對方五秒內開唔到波而違例,於是自己就可以打斷對方進攻節奏,並利用體能優勢以弱勝強。
不過喺世界盃上,英格蘭想要單憑一個罰球入波而晉級,又邊有咁容易?上半場佢哋同克羅地亞尚算互有攻守,史達寧今場冇再獨食或者浪費機會,令佢作為鋒線爛頭卒、第一點控定來球畀隊友後上再組織嘅功用相對地明顯。如果哈利簡尼或者連加特好好把握機會,英格蘭有條件領先兩球返更衣室嘅。
下半場戰局都係比較膠著,直至克羅地亞喺中段開始壓上,第二位主角出場:效力國際米蘭嘅佩利錫。佢喺由左邊入楔,喺卡爾獲加身後接應傳中,以打踺腳射入,為克羅地亞扳平。之後佩利錫乘英格蘭班後生仔陣腳亂一亂,左輔位射遠柱彈出,喺十二碼點嘅列比錫唔太為意而求其一腳射返畀門將碧福特。
英格蘭大難不死,將比賽帶到加時階段。克羅地亞加時上半場縮得較後,應該係體力下降之下,迫不得已嘅選擇。英格蘭差啲憑一次角球攻勢再度領先,可惜史東斯嘅頭槌喺遠柱被敵衛維沙高解圍。臨完加時上半場,佩利錫及後左路傳中畀文素基治,不過碧福特及時出迎擋出射門,但已經為英軍敲響警號。
如果睇返英格蘭換人嘅調動,大家都應該明白英軍實力已經見底:華舒福入替史達寧、丹尼路斯入替艾殊利楊格、迪亞入替軒達臣,後兩個調動基本上都係對位換人,而華舒福出嚟上腳推進,喺隊友跟進乏力嘅情況下就顯得有啲孤掌難鳴。
加時下半場克羅地亞再次採取主動,佩利錫乘英軍解圍不遠,壓住呢場波頭威頭勢嘅查比亞頭槌二傳,文素基治反應快一步擺脫史東斯入楔,近門射破碧福特十指關,反先二比一。
英格蘭最後一個換人名額係華迪取代卡爾獲加。卡爾獲加踢右中堅呢個方法,無疑令佢同查比亞兩位先後效力熱刺嘅右後衛可以並存,並且以速度彌補另外兩位拍檔轉身慢嘅弱點。不過針冇兩頭利,邊衛移入中路嘅身高同位置感好多時都會出現問題,之前卡爾獲加對哥倫比亞已經幾乎出事,去到四強先至畀佩利錫偷雞,其實遲咗。
查比亞最後傷出,英格蘭以十人戰到最後。全場英格蘭一千零一個埋門,正正係查比亞開紀錄嘅罰球。或者都說明咗,英格蘭以咁樣嘅陣容殺到入四強,其實已經超額完成,就好似 2012 年歐洲國家盃意大利喺不被看好嘅情況下打入決賽一樣 (雖然最後畀西班牙炒四粒好慘情) 。雖然喺四強輸畀「黑馬」克羅地亞係令人比較難接受,但係球迷將期望一步一步推高,最終結果不似預期,又可以怪邊個?兩年後嘅歐洲國家盃,可能先至係英格蘭嘅舞台。
#全城最快
「九太籃球隊球員名單」的推薦目錄:
- 關於九太籃球隊球員名單 在 賴叔閱事 Facebook 的最佳解答
- 關於九太籃球隊球員名單 在 桃園市蘆竹羽球館- 【 第18 季SBL】九太科技球員名單16 位 ... 的評價
- 關於九太籃球隊球員名單 在 九太籃球隊 :: 新北建案查詢網 的評價
- 關於九太籃球隊球員名單 在 九太科技籃球隊球員的推薦與評價,FACEBOOK、PTT 的評價
- 關於九太籃球隊球員名單 在 九太科技籃球隊球員的推薦與評價,FACEBOOK、PTT 的評價
- 關於九太籃球隊球員名單 在 九太科技籃球隊啦啦隊-在PTT/MOBILE01上汽車保養配件評價 ... 的評價
- 關於九太籃球隊球員名單 在 九太科技籃球隊啦啦隊-在PTT/MOBILE01上汽車保養配件評價 ... 的評價
- 關於九太籃球隊球員名單 在 [情報] 第18季SBL 九太科技球員名單&宣傳照 - PTT 熱門文章Hito 的評價
- 關於九太籃球隊球員名單 在 [情報] 第18季SBL 九太科技球員名單&宣傳照- 看板basketballTW 的評價
- 關於九太籃球隊球員名單 在 九太籃球隊球員名單 :: 新北社區住宅 的評價
- 關於九太籃球隊球員名單 在 Re: [新聞] 震撼!九太宣布不玩了不考慮其他聯盟- basketballTW 的評價
- 關於九太籃球隊球員名單 在 [情報] 高雄九太交手台南台鋼獵鷹練習賽 - PTT情感投資事業版 的評價
- 關於九太籃球隊球員名單 在 台灣職籃洋將推薦名單!5位台灣職籃聯盟明年球季 ... - YouTube 的評價
九太籃球隊球員名單 在 九太籃球隊 :: 新北建案查詢網 的推薦與評價
新北建案查詢網,九太籃球隊球員名單,九太科技籃球隊釋出,九太籃球隊P. LEAGUE+,九太科技籃球隊解散,九太 ... 2019年強勢回歸SBL九太籃球隊重返榮耀.,高雄九太科技籃球 ... ... <看更多>
九太籃球隊球員名單 在 九太科技籃球隊啦啦隊-在PTT/MOBILE01上汽車保養配件評價 ... 的推薦與評價
九太科技籃球隊啦啦隊-在PTT/MOBILE01上汽車保養配件評價分析-2022-06(持續更新). 首頁 · 台銀 · 台銀籃球隊 · 九太籃球隊球員名單 · 九太科技籃球隊啦啦隊 ... ... <看更多>
九太籃球隊球員名單 在 桃園市蘆竹羽球館- 【 第18 季SBL】九太科技球員名單16 位 ... 的推薦與評價
【 第18 季SBL】九太科技球員名單16 位本土球員加上1 名洋將,構成九太科技籃球隊挑戰本季SBL 超級籃球聯賽的團隊,經過休賽季的調整、磨合,這個球季,就讓我們給整個 ... ... <看更多>