關於 九柱神同人文 ，我們在網路上蒐集到這些相關的討論、資訊與評價

【當仰之光遇上西頁：法國殖民與英國殖民】

“去一趟河內, 每個人都會好奇, 如果當年法國人拿下了香港或新加坡, 這兩個城市的面貌會是什麼樣子?”

這段文字記錄來自英國旅遊作家Alfred Cunningham, 他在1900年到訪法屬印度支那的河內, 對這裡的城市規劃、林蔭大道、歌劇院、咖啡店, 好一個遠東小巴黎, 讚為觀止。他認為法國殖民地建設更加盛過英國殖民地! 作為前英國殖民地的香港, 當然沒有法式風情。究竟, 法式同英式, 你鐘意邊一式?

英法殖民大不同
人類大歷史的大方向, 是由數千個獨自發展的原生文明, 最後匯合成一個地球村。這個過程, 在最近三百年最為劇烈, 因為新世界, 舊世界眾多文明之中, 歐洲文明吞噬了全球。好聽叫全球一體化, 不好聽叫帝國主義、殖民主義!

1841年香港開埠後, 乘搭蒸氣船從英格蘭到香港剛需要足足三個月。1869年開通蘇伊士運河後，離開倫敦經樸次茅斯出發，經過蘇彝士運河，到達英屬印度的錫蘭、緬甸, 英屬海峽殖民地的檳城、馬六甲、新加坡, 最後到達英屬香港, 只需要三十多天, 成為英國上流社會十分時髦的遠東之旅。

法國人呢? 離開浪漫的馬賽港, 當然目的地就是遠東小巴黎──法屬印度支那的首府西貢(今胡志明市), 他們發現西貢太炎熱, 於是在巴拿山(越南)、龍坡邦(寮國)興建新的法式避暑勝地。

為拍攝開電視的深度旅遊節目《明日世遺》, 我到訪多個印支半島前殖民地, 比較日不落帝國殖民緬甸、法蘭西帝國殖民越南、寮國、柬埔寨的優劣, 包括城市規劃丶郵政丶鐵路丶酒店丶教堂、建築等硬件，以及飲食居住生活等文化軟件影響。

遠東小巴黎的西貢VS英式城市規劃的仰光
英屬緬甸，由1824年至1948年, 長達124年, 已經長過很多中國由外族建立的王朝, 例如元朝才97年。法屬印度支那, 由1862年到1954年, 也有92年壽命, 比元朝短五年。

1887年拿破崙三世成立法屬印度支那, 定都於西貢，當時都市設計師奧斯曼剛剛完成雄心壯志的巴黎大改造, 由中心第1區呈螺旋狀到最外圍的第20區, 拿破侖三世於是用巴黎“鍋牛式” 市區規劃, 在西貢建立了「小巴黎」。

拿破侖三世的奧斯曼工程，拆除擁擠髒亂的巴黎中世紀街區、修建放射狀的寬敞林蔭大道，到今天也通暢無阻。一個半世紀了，君不見世界各地的首都，前仆後繼不斷山寨這一個萬世師表 “City Of Light”？我去過南美小巴黎——布宜諾斯、東歐小巴黎——布達佩斯、巴爾幹小巴黎——布加勒斯特，還有東方小巴黎——越南西貢，無一不是向花都Salute之作。 巴黎有廿個區, 西貢有19個區域 “郡區”。塞納河右岸是巴黎第一區, 中心就是羅浮宮。西貢呢?
英國人去到每個殖民地，都會有熱帶花園，羅馬人之處都會有浴室鬥獸場，法國人呢，當然就是歌劇院了！貫穿胡志明市的西貢河, 右岸是西貢第一區, 羅浮宮就沒有, 中心就有這個Opera House歌劇院, 建築時間仲早過隔離的西貢市政廳。這是胡志明市區裡最美麗的建築, 1898年動工、1900年落成，由浪漫的法國人按著自家劇院的形式建造，由建築師 Eugene Ferret 設計，外觀華麗，正面裝飾更是漂亮，門口兩個女神捧著花瓶拖著門頂、上方的天使展開雙翼像是手拂豎琴，柱子與牆面的雕飾精細，顏色為帶點粉紅與米色，溫潤富有美感!

英國人不喜歡吃法式焗鍋牛。所以你在香港的維多利亞城、新加坡、仰光, 都看不到放射狀的巴黎市區規劃，沒有法國人那麼浪漫, 英國人是手持間尺, 做他們的City Plan。原因當然是了英國的大憲章清楚列明私有產權是不可侵犯, 為方便丈量DD及LOT土地產權而做的城市規劃。

1766年, 英國舉行了一項重要的城市規劃設計比賽。獲勝的是位22歲名為詹姆斯·克雷格（James Craig）的年輕人，他提議一個簡單的格局，三大南北向格子狀街道, 連結兩個花園廣場。簡單明瞭, 看上去和我們中國洛陽長安的City Plan一樣, 日本京都也是這種劃豆腐的城市規劃。蘇格蘭首府愛丁堡的新城, 因被公認是英國城市規劃的傑作，列入世遺。

香港維多利亞城的四環九約, 仍然可以看到這種英式早期的城市規劃, 雖然當年的英式建築已經被拆得七七八八, 但在仰光這裡, 完整保存了下來。

南非Cape Town最繁華的大街叫Strand Street, 倫敦Convert Garden泰晤士河旁邊也有一條Strand Street, 因為英文Strand本身就是濱江的意思, 面臨仰光河的Strand Road, 是仰光最漂亮的一條大馬路, 雲集Ministry of Trade, 高等法院及英國領事館, 1901的 Strand Hotel, 向北就是格子狀的仰光舊城, 如果你去過愛丁堡或香港中環, 你會發現, 原來英式City Plan, 到處都是一樣的。但和法式City Plan, 就有天壤之別。

戀殖情意結
蒙古帝國忽必烈征服中國的時候，只識彎弓射大雕。滿清征服中國時, 只有八旗騎兵、揚州十日、嘉定三屠。為什麼今天還有國人還在懷念入關屠殺千萬漢人的外族格格, 但就口誅筆伐不曾屠殺香港人的英國殖民者, 這是一個有趣的課題。

拿破崙親征埃及時，他帶上的是軍隊以外，還有167位考古學家、哲學家、數學家、建築學家、天文學家、生物學家，因為他不是成吉思汗和皇太極了，歐洲人追求的不止是土地, 還有知識及探討，找尋歐洲文明的起源!

拿破崙三世建立交趾支那丶定都西貢的時候，當然帶來了現代化的城市管理，例如現代的郵政系統。位於胡志明市中心的西貢中央郵局建築師由著名的艾菲爾設計, 當時巴黎剛舉行博覽會，艾菲爾修建了令他垂名青史的巴黎鐵塔、紐約的自由女神像, 那時是法國的美好時代、英國的愛德華時代。英國人帶來了汽船、汽車、火車, 清國人用腳投票, 香港人口由數千增至85萬人。

拿破崙東征開創了埃及學, 同樣19世紀英國征服緬甸時，英國軍隊後面是亞洲學會，發現了已經失傳的印度語言源頭梵文竟然和希臘文拉丁文有驚人的相似之處！這就是「印歐語系」。知識，就是力量。新的知識，就是更強的力量。所以英國五千官員及五萬士兵已經足以統治了三億的印度人口, 至今仍然被人「戀殖」。

香港皇家郵政成立於開埠之初的1841年, 仰光的郵政服務始於1854年。仰光中央郵局擁有厚重磚紅色外牆、獨特的尖拱形窗戶, 內裡的鑄鐵樓梯更具有價值, 百年前在日不落帝國的工業重鎮蘇格蘭的格拉斯哥鑄造完成後, 整個鐵樓梯運到緬甸, 經過地震也絲毫無損!

忽必烈的大都城, 留在今天北京的建築, 恐怕已經煙消雲散。蒙古人97年的統治, 只留下一本《西厢记》 至今仍然為人唱咏。原來奼紫嫣紅開遍，似這般都付斷井頹垣... ...
@信報財經月刊

仙台尋找魯迅 （五千字長文，多圖，慎入）

多圖，睇medium 版啦

1. 篇文原本係想叫做「仙台尋找周樹人」，呼應返「緬甸尋找奧威爾」(http://bit.ly/35VPVue)（本書我就在緬甸買的，水已魚），而且七個字嘅題比較有音樂美。但，首先，我懷疑根本冇人知道「緬甸尋找奧威爾」呢本書（倒係我引過書中關於「惡龍」嘅傳說，好多人轉貼，沈大師都有轉上轉）(http://bit.ly/2LbLCTK) 。另外，我亦擔心，根本冇人知道周樹人就係魯迅。

2. 真人真事，我話去睇魯迅，有人以為係佬訊
(http://bit.ly/2P6IidD )。應該都係我啲廣東話太差。幸好我有急才，話佢知，係呀，咪佬訊張profile pic嗰條友

3. 本文就真係講在仙台尋找魯迅足迹。好似話唔少人，根本連魯迅在仙台留學都唔知，甚至佢在日本留學都有人唔知。又或者唔知，原來日本（人）仲保留咗咁多魯迅嘅東西。

4. 可能係我偏見。但我在網上搵關於在仙台尋找魯迅足迹，出嚟嘅，唔係台灣文，就係大陸文。包括項明生(http://bit.ly/2RcJW0f) 。你話，嘩，項明生都大陸仔？幾時開始玩血統純正論？差矣。你睇佢書就知，佢好多遊歷，都同佢在大陸讀書成長嘅經驗有關，包括佢寫魯迅。因為佢有提過，《藤野先生》一文（出自《朝花夕拾》，陣間再講呢篇文）(http://bit.ly/2RdBNbU) ，係大陸語文課本必讀。我年代香港中學都必讀魯迅，但冇呢篇文，收嘅幾篇文，都冇直接講魯迅去過日本。雖則講佢點解「棄醫從文」時其實個轉捩點就在日本

5. 而陪我在仙台上路嘅，正係香港人天書，閃閃書。嘻，唔係你以為係乜？我覺得呢本書好代表香港精神喎。定你覺得拎本正文社就文青啲？唔知。但肯定嘅係，我唔會拎本Lonely Planet去日本，實在太裝B 。雖則，我其實去緬甸去老撾都係拎本Lonely Planet。諗諗下應該去台灣韓國日本都拎，扮下ABC呃蝦條都好

6. 而當然 ，在仙台閃閃書入面，關於魯迅嘅東西，係零。一個字都冇提過。not a single fucking word．啱丫，你睇人封面寫乜先？食玩買終極天書嘛。魯迅食得的？你睇閃閃書想搵魯迅 ，不如買龍虎豹搵（而其實啲鹹故文學水平幾高，肯定高過閃閃書，實不相瞞都對我寫作有啲影響）。

7. Anyway，我去仙台，主要都係食同玩（朋友可證，我同囡囡，都係唔買嘢的）。食，咪食牛舌。咁玩，咪玩魯迅。本人住在仙台站附近，去片。

8. 香港一般人，對魯迅應該唔太陌生，特別係我年代嗰啲，會考仲有指定課文之類，中六七做讀書報告亦都必睇。許欽文本《吶喊分析》，等於米高佐敦嘅Bryon Russell ，或者柏金嘅達比薩斯。就係多得考試局要做《吶喊》先有人買佢本嘢。而本人當然不屑買呢啲書，我成份嘢都係自己寫，好似寫咗成萬字。你睇我其實自細已經係咁：離群，扮撚晒嘢，同埋口水多過茶。

9. 無論如何，《孔乙己》《狂人日記》《阿Q正傳》呢啲，稱得上深入民心。《一件小事》《風箏》我年代初中亦有讀。仲有呢十年人氣急升嘅「血鰻頭」，亦係出自魯迅（你以為係長毛發明的？）．而根本冇乜人留意，其實篇文（《藥》），係話「你班友戇撚鳩」，民智未開，革乜撚嘢命。

10. 仲有，「 你永遠無法叫醒裝睡的人」都可以半歸功於佢。而家但凡你講外國點點點，會有人話「臭蟲」，出處亦係魯迅。當然仲有吾友 利世民 (http://bit.ly/35Xtkxk) 最鍾意嘅一句：可憐之人必有可恨之處。同樣係多得魯迅發揚光大。

11. 張學友同林嘉欣（wow，初出道扮學生妹嘅林嘉欣）套《男人四十》(http://bit.ly/37SDbGN) ，我睇咗幾次。一開場就有張學友教中文，教完孟子，就預告下堂教魯迅。同學大呼out，張學友強調魯迅好in，「係第一代去東京留學兼掃貨嘅型仔」「佢住喺神田，坐山手線由Shibuya坐十個站就到啦」。我地Fact check一下，的確係十個站，岸西啲劇本係認真嘅。

12. 但魯迅在東京讀嘅，類似係foundation course 或者預備班。原本佢應該係去東京帝國大學讀採礦冶金，但佢選擇讀醫，去仙台。原因未有定論，有講話因為佢老豆被庸醫（中醫啦）所害，佢自己棚牙又一路都唔好，加上佢覺得西醫係日本維新好重要嘅部份。至於點解去仙台？佢自己有提過睇唔過眼東京啲留學生玩吃玩樂，正係在《藤野先生》入面講，所以佢選擇去冇中國留學生嘅地方（我懷疑亦因為東京大學讀醫好難入）

13. 魯迅當年讀嘅係仙台醫學專門學校，後來（都成百年前）併入東北大學。由仙台站行過去15分鐘左右，仙台雖然已經係東北最大城市，但只係100萬人，同香港冇得比，加上天氣好，行15分鐘極之舒服（其實我全日都冇坐過車，基本上半個鐘頭以內嘅我都會行）。

14. 11月尾嘅東北大學，係已經冇乜人嘅。放晒假？又好似唔係。要上堂？或者係。但我只係想講，你同香港嘅大學比下，香港嘅大學就算放假，都係嘈得多。

15. 好快，就搵到魯迅在東北大學嘅像，亦寫明係仙台醫學專門學校遺跡

16. 東北大學史料館，係有專門一個展示室畀魯迅

17. 但自己留意返開館時間 ，另外留意，其實史料館裝修到下年3月。我仲以為冇得睇，其實係臨時搬咗去第度。不難搵，反正個校園本部唔大。

18. 入面就由魯迅離開東京去仙台讀醫開始講 ，講佢因為想遠離留學生而去仙台，當然亦都係引返魯迅《藤野先生》一文。留意成本《朝花夕拾》都係回憶錄（睇書名就知），魯迅寫時已經近50歲，然後未到60就死咗。想講係，魯迅廿幾三十年後回憶前事，或者有選擇性遺忘，有文學加工，或者根本記錯，絶不出奇。畢竟嗰個年代佢未會打卡放上Facebook

19. 當年報紙都有報，魯迅唔只係仙台第一個中國留學生，甚至就係第一個留學生，相信亦因為咁，仙台醫專對佢非常好。報紙亦都有提佢識日文。當然近年唔少憤青考究返，魯迅譯文好似不少錯。亦可以話日本人只係厚道，或者官方話佢識日文佢地咪照講。但相當肯定嘅係，佢嘅日文點都有一定程度。

20. 其實諗下都知，佢冇人冇物，可以在仙台生存，上堂，讀醫，寫筆記，藤野先生會批改。佢有乜可能日文會差？咪撚玩。當然而家你拎出嚟驗屍咁驗挑錯誤就好易的。等於你睇慢鏡覺得「屌，畀著我就右腳控定扭過一個再左腳拉遠柱啦，咁射，仲話球王。」

21. 藤野先生，藤野嚴九郎嘅CV。十分守規矩，寫晒每份工幾錢人工。最後都係40 yen個月，有興趣可以對返當年物價。但魯迅月租都好似要8 yen，考慮到魯迅仲要只係一條友，亦唔會住得好，可見藤野先生唔算好高人工？

22. 《藤野先生》一文嘅初稿。當然只係複製品

23. 魯迅讀醫嘅時間表。有冇留意日日都上「獨逸語」？獨逸就係德意志。讀醫必修德文，因為啲字都係用德文。聞說去到而家都仲係好多醫學字用德文。所以魯迅當然都識啲德文，事實佢未去日本已經識啲。反而英文佢好坦白話自己係唔識的。

24. 成績表，特登放大畀你睇。因為有人以為魯迅成績太差，所以先作個故事出嚟話棄醫從文。後面會講，故事或者有啲創作，但魯迅成績，就肯定唔係好差。正如佢在《藤野先生》入面寫：「同學一百餘人之中，我在中間，不過是沒有落第」。睇返成績表，並無大話，幾十年後佢都冇呃自己。142人魯迅考68，正如佢講，唔係太雞又唔太好。考慮到佢係唯一一個留學生，又唔係細個學日文，又多課外活動，其實相當勁。不過正係佢最尊敬嘅藤野先生嗰科解剖學佢就肥咗。可能因為咁先幾廿年後慚愧寫返文講佢。

25. 不過亦留意，魯迅在畀友人書信中，亦提過在仙台讀醫，悶，死記，又多堂上，阻住佢啲「課外話動」（「校中功課，只求記憶，不須思索，修習未久，腦力頓錮。四年而後，恐如木偶人矣。」第二是課時太多，無暇搞譯述活動：「而今而後，只能修死學問，不能旁及矣，恨事！恨事！」）。可以見到佢並非讀得好開心，亦有點吃力。

26. 另外留意，全部成績示眾，邊有而家咁玻璃心。仲有，魯迅中游，已經係丙。唔係A* 人人first hon量化寬鬆

27. 走堂全部有紀錄。魯迅都有走過，唔知去咗邊。當時就冇人講「大學中學化」「學生唔上堂教嗰啲要檢討下」（不過我估而家醫學院都唔會有人走堂嘅可？）

28. 魯迅嘅transcript，仲有JUPAS personal statement，好求其架咋

29. 呢個就勁咯，唔止係麥高芬(http://bit.ly/33B8T7T) ，直頭係中國文學史嘅轉捩點。傳說中嘅，魯迅睇嘅仙台醫專幻燈片，亦即係村上春樹嘅明治神宮野球場養樂多燕子隊(http://bit.ly/34Jowvo) ，亦都係埃汾嘅......50萬琴行空姐（有機會再解呢個故事）

30. 但Fact check 一下，當年真係有放幻燈片，亦的確有講日俄戰爭，但冇魯迅講嘅行刑中國人。有可能係文學創作，或佢根本記錯咗。

31. 然後大家都知，根據魯迅所講，佢認為救人身體冇用，冇腦的話身體再強都係把托，佢認為成個民族頭腦都病咗，所以棄醫從文。讀咗一年半。臨走藤野先生仲畀咗張相佢，呢啲都在《藤野先生》有提。

32. 但恕我無禮，魯迅點解棄醫從文，仲係一個謎。佢成績唔係太差，但亦唔係好，拎獎學金基本上無望，呢個可能係原因。另外亦講過，佢讀醫讀得唔開心。仲有更奇怪嘅係，魯迅1906年3月退學，同年畀佢老母用「病危」做理由電報召返中國。同年7月佢就順老母意結埋婚。當中似乎係有啲嘢。更特別嘅係，佢結婚冇耐，又再去返日本，去到1909年先返中國教書。魯迅退學後當然冇返仙台，係在東京。到底做乜過乜？冇乜人知。只知章太炎流亡東京，魯迅有佢去屋企聽講。但冇可能係佢生活全部，況且章太炎都去到1908年先去日本，咁之前魯迅在東京做乜？冇人知。可能睇其他史料有，但我暫時唔見。聞說佢仲可以花天酒地，又有日本妹做女傭，仲資助埋細佬周作人在日本讀書。

33. Anyway，呢個「階段教室」（樓梯是也）係意外驚喜。係魯迅當年上課嘅地方。你網上睇嘅資料，包括睇項明生講，都話你知要預約，往往要成個星期甚至搞一個月。

34. 結果我嘅預約，就只係去嗰度寫個名。又，原本想寫University of Warwick，但唔識寫片假名，所以都係寫香港大學算。又，手眼協調差，啲字係咁上下。

35. 平時係鎖埋的，但我去嗰日根本冇人，任你點坐都得。

36. 魯迅和藤野先生。有人話似黃之鋒

37. 離開東北大學，仲有其他魯迅足跡。估下呢間係乜（雖然同魯迅無關）？

38. 其實就係學生嘅餐廳。十分抵食，不過我費事咁缺德去同人爭食，雖則人唔多，亦唔見話一定要學生先食得。

39. 又，當年在愛沙尼亞（仲要唔係Tallinn!) ，我都去學生飯堂食飯，罪過罪過。咩啫，咁完全唔見有其他地方有嘢食嘛，Tartu就係個大學城

40. 繼續，離開東北大學，景色依然靚。行多一陣（睇返我最上嘅地圖，中間冇注解嘅紅點），就會見到一個咁嘅東西

41. 就係魯迅在仙台讀書時，佢住嘅地方。不過而家乜都冇剩，得返呢碌柱。但有冇依稀記到左下角寫乜？係「郭沫若題」。其實之前呢度都只係得呢碌柱，後面有間屋，但係私人住宅，冇開放，而家間屋都冇埋

42. 不過，勁咯，原來起個魯迅紀念廣場。但2021年先完工，又有藉口再去仙台食牛舌。

43. 繼續行多半個鐘（！），就會去到仙台青葉山公園。呢個東西同魯迅無關，但順手講下，係五色沼。有乜特別？係日本花樣滑冰嘅發源地。最初就係德國人在呢度開始教日本人（冬天會結冰啦大佬），之後差不多所有日本嘅花樣滑冰選水，都係師承自仙台嘅呢班初代教練。

44. 而羽生結弦就正係仙台人。

45. 去到公園入面嘅仙台市博物館，一樣有魯迅像

46. 同埋魯迅碑

47. 留意上面寫嘅係日文。又係郭沫若
________________________________________
48. 講仙台遊歷講到呢度，之後係個人感想，唔鍾意可以跳走。

49. 最後講下（有冇人睇到呢度？），4年前，2015年 ，我先第一次去日本。2017年我去咗東京明治神宮野球場。上面講過了，明治神宮野球場係,村上春樹（至少佢係咁講）忽然決定要「寫啲嘢」嘅地方，資深村上春樹迷實知。我去嘅原因，十分明顯啦。然後去到2019年，我去埋仙台，在東北大學，去到魯迅（至少佢自己係咁講），決定棄醫從文嘅地方。兩大我心中嘅文學之神，影響我最大嘅作家，就係呢兩個。

50. 兩個都N咁多人寫過，但我都係要講，魯迅，係一個十分「型」嘅作家。就係村上春樹在《聽風的歌》(http://bit.ly/2DzFOPR) 虛構嘅 戴立克．哈德費爾（好多人以為真有此人，包括我）一樣，係以文章做為戰鬥武器的少數非凡作家之一。

51. 其他人可能都寫得好，但係唔型。錢鍾書都型，但其實老婆楊絳寫文比較「人性」。陶傑都型，但倪匡寫故事蔡瀾寫雜文更好。Oscar Wilde George Orwell都型。冰心就唔型，巴金亦都唔型。聞一多郁達夫型，徐志摩仲型，郭沫若如果死早啲就型，咁長命，搞到去中華人民共和國，就唔型。梁實秋胡適就唔型。白先勇都型，梁啟超唔型。太宰治同三島由紀夫就當然型過村上春樹，但講真村上春樹寫文最好。以上種種，自己慢慢細味下。

52. 簡單嚟講，短命咪型，死於非命就更好，live fast and die young。Heinrich Heine話頭，Sleep is good, death is better; but of course, the best thing would to have never been born at all．但佢除咗呢句嘢外就完全唔夠尼采或叔本華咁型。正如我無法想像「如果家駒未死」會點，請別誤會，我懷住最高嘅敬意講呢句嘢，真歌迷應該會明。

53. 當然總有例外，魯迅唔算太早死，村上春樹成日跑長跑有排都唔死，白先勇八十幾歲都未死，錢鍾書九十歲先死，楊絳百幾歲先死添。

54. 東京（神戶都有）尋找完村上春樹，仙台尋找完魯迅後，似乎下一個，就到白先勇。當然可能返Warwick尋找陶傑簡單啲 （但佢筆下近乎冇提過）。

一，尋晚去咗個 Brainstorming 飯聚，規矩係 Chatham House Rule；即係可以公開講當中提出嘅概念，但講還講唔好講係邊個講。其實我哋呢班朋友，相識冇十年都有八載，所以大家都好清楚規矩，亦都有信任。

二，Brainstorming 一定有目的；尋晚嘅目的係「化解中港矛盾」。嘩，好大個題目。召集人（即大台）更加準備咗一張清單，方便大家去有個起點去討論。

三，清單係一條都幾長嘅 laundry list ，冇乜次序或結構；不過，簡單二元咁分立，可以歸納成「與資源分配相關」以及「與資源分配無關」。

四，「與資源分配相關」議題例子：新移民獲編配公屋、綜援金；又或者政策資源分配，例如「普教中」撥款、本地大學生學位、單非在港產子之類。

五，「與資源分配無關」議題例子：智能燈柱、海水化淡等。

六，從呢個清單可以見到呢個大台認為，中港矛盾源於一系列資源及政策傾斜，撥亂反正嘅話，港人條氣可能會順返少少。

七，「究竟我哋係想徹底咁處理中港矛盾，定係幫市民消消暑先？兩樣好唔同喎。」有人問（Chatham House Rule：就算係我問，都會用「有人問」。下同。不過，「有人問」又唔代表一定係我問。）

八，「假如係單純出啖氣，我感覺係呢張清單錯重點。」講呢句話嘅人再諗諗：「要市民消消氣？不如提倡『所有警太都有打 RFID Chips』；聽日一定會有人問，我哋個會點申請加入。」

九，「你依家係消除矛盾定增加矛盾呀？」話說呢個小組，都係一班有幽默感嘅斯文人，所以大家都知道見香港氣氛咁緊張，講個笑咁解嗟。

十，「講真，智能燈柱我覺得唔需要全拆，但收集得到嘅所有資料都一定要完全公開。即係假如收集嘅係氣溫、濕度、空氣質素、交通狀況之類，應該 open data 畀個市場去諗應用。不過，如果政府收集到嘅資訊係咩私隱，唔可以公開，政府 at the very first place 根本唔應該收集。所以，一係就所有 data 都公開，唔可以公開嘅就唔可以收集。」

十一，「咁不如唔好起，行政上會比較方便。」大家結論係：「多一事不如少一事。」以政府慣常嘅文化作風，呢項政策壽終正寢嘅機會最大。

十二，跟住，大家都討論咗好多其他政策；但結論係，關乎資源分配，尤其是香港人視為 entitlement 嘅權利，似乎比較易執行，亦似乎會有更多香港人覺得關乎自己切身利益。

十三，亦有人提出港交所壟斷（令香港股市變成大陸海外 ATM）、要求政府將來往銀行帳戶資料公開（例如有幾多個 current account、邊幾間銀行、結餘同交易額幾多，銀行提供利率又係幾多之類）。

十四，「我明白大家都想有切實有效亦可行嘅政策改變去舒緩香港目前嘅緊張局面，不過我覺得好似仍然未中重點。」

十五，重點係乜？簡單講，自從 1997 年主權移交，香港一直存在一個非常關鍵但又一直含糊不清嘅問題：何謂「高度自治」？即係咁，曾經我哋以為，高度自治解「除國防外交」，其實一切由特區政府去做決定。不過事實係，好多政策香港只有配合中央，特區政府冇任何 option。

十六，「國家對你咁好，你要咩 option？」我知道，有好多 120% 支持中央嘅人，一定會咁講。呢個係原則問題；你話係優待，都唔代表香港人一定要受。「點解唔受？」所謂嘅高度自治，就係唔接受都唔需要畀理由，明唔明？當然，唔需要唔代表唔會，但係唔需要係一個前提。如果你睇得明以上 subtle 嘅分別，你就知道中港矛盾真正嘅核心，就係呢個文化上嘅差異。

十七，每次北京將本來應該香港自行決定嘅事，提升到「國家主權」層面去講，即係以「主權」凌駕「治權」，香港人就覺得自己嘅自由同「原有生活模式」正在一步一步消亡。換句話說，要將香港穩定落嚟，北京一定要好具體清晰咁將「主權」範疇裡面嘅政策，同「治權」下特區政府自行決定嘅政策，清清楚楚列明。呢個討論嘅延伸就係：基本法肯定有唔清晰唔全面嘅地方，唔處理，最終問題唔可能解決。

十八，睇返過去十幾年，每次「主權」凌駕「治權」，香港就會有抗爭；廿三條、反國教、八三一到送中都如是，就係特區政府明明有治權去處理，但選擇去進行國家級任務。至於一帶一路、大灣區，亦一樣係。

十九，香港人嘅理性預期係特區政府從香港人最大利益出發，而唔係犧牲香港人利益去完成國家嘅任務，呢個就係「高度自治」嘅核心精神。你話香港人自私？算，吧，啦。作為自由主義者，我哋嘅信念係「防人之心不可無，害人之心不可有。」明冇？

二十，即係話，高度自治代表特區政府有權去否決中央提出但屬於香港「治權」範圍嘅事。家陣嘅現實係，只要係由中央提出，特區一定要死跟，而且一定要做到，而且要高調咁做，好似要咁先至可以彰顯「主權」。

廿一，你話北京係咪有「自卑情意結」吖？之前都講，成日要提住「香港係中國㗎」「香港嘅事係中國內政」，知啦～都話知咯。點解你搞唔搞得掂先？你當路人甲乙丙行過見你搞唔掂，好聲提醒句：「好心你就咪夾硬來啦。」你就又「主權」凌駕一切。唉！

廿二，另外，關於殖民地同宗主國嘅關係，尋晚有個好有趣嘅討論。殖民地同宗主國，最理想就梗係殖民地嘅人好想成為宗主國嘅一部份，但宗主國就唔係好想。假如香港同中國就有如波多黎各同美國，咁就一天光晒。By the way，除非打仗，美國唔會無端端同人講：「波多黎各係美國不可或分嘅領土」。

廿三，無錯，「主權」呢個概念，除左好表面嘅國旗國歌又或者行禮如儀，就只有打仗嘅時候你企邊一邊先至會見到。中國唔少人成日都覺得，自己要同人打一鑊，會有人佔領自己嘅土地，所以成日「主權」「主權」「主權」。當然，有少少智慧嘅人都睇得出，唔少極權政府將自己嘅存在同手段合理化，就係製造敵我矛盾，包括階級敵人同民族敵人。

廿四，所以，化解中港矛盾，正如數學入面，好多問題表面上簡單，但係答案可能幾個世紀都冇人諗到。不過，數學問題解唔到，好小事；政治死局拆唔到，結果就係一個秩序嘅瓦解（但唔代表新嘅秩序可以處理之前嘅矛盾）。

廿五，當年戴卓爾夫人曾經有提出過同北京以「主權換治權」」。北京拒絕，但換來「港人治港」嘅承諾。但幾十年後，大家先明白北京嘅理解中：「主權即治權」。

廿六，北京所理解嘅高度自治，其實係「你哋自己負責返執行政策」；即係話香港係「有責無權」。

- 完 -

【鬼滅之刃 - OP】紅蓮華／鏡泠風 -粵語版- | Cantonese Ver.
►鏡泠風Facebook 專頁：https://www.facebook.com/KenithCreator
贊助支持 ➜ https://www.patreon.com/KenithCreator
100讚好開放音檔！快點分享給你身邊的朋友吧！?

►鏡泠風 -Kenith GLT Channel-
https://www.youtube.com/channel/UCjJAlI5PokMPKL0D9fPw03Q

►鏡泠風粉絲群 Discord：
https://discord.gg/H79akBZ

►►►鏡泠風 -Patreon-
https://www.patreon.com/KenithCreator
（歡迎贊助支持鏡泠風！未來會更加努力以感謝大家！）

-------------------------------
∎紅蓮華
原唱、日詞：LiSA
作曲：草野華余子
編曲：江口亮

∎紅蓮華（粵語版）
填詞：楓玥
歌手：鏡泠風
影片：Pizza EX

歌詞：
冷月滲 暗夜浸 繁星譜出腳印
隨我身 奉此心 逐此生

陷身污衊沼澤 積累我往昔艱難
窮盡兩手 人未挽
或許千次掙扎 留不過(溫暖)醉心一晚
痛恨未褪減

暗燈卸下沒足印 (I'll spend all thirty nights)
對天獻盡我心 (Staring into the sky)
世間縱萬變不止 毋忘人自身的主見 縱步步惡險

冷月滲 暗夜浸 繁星譜出腳印
隨我身 奉此心 逐此生

還留低 流淚悲傷葬胸口 如無力雙手缺不休
難能振奮 從年月傷痛編織千億教訓
路再悲憫 磨~礪刀刃 (刃 讀孕)
如流水 橫越生死過悲秋 人如遊盡千山破煙縷
紅蓮燃盡任花朵紛飛不悔疚 任血腥感 遍兩手

雜音響徹宵晚 腦中幻覺幾番摧殘
惶惑妄想 人習慣
善心不過荒誕 無能一輩子會結束璀璨
見患難未折返

深淵海底間分不清月明 卻會看透澈惡魔天性
Tell me why Tell me why Tell me why Tell me
I don't need you
溫室中安穩的花蕊 經些風雨暴雪或會轉變愈變愈美麗 (蕊 讀 銳)

圍牆般 攔路荊棘掛風褸 長途磨難即使再悲憂
重重惡窘 全神去跨過 今非昔比破困 (窘 讀 困)
縱萬里披荊 橫越劍陣
仍留守 柔弱刀鋒作廝守 唯憑強韌心境去爭鬥
紅蓮延續藉花朵 畢生不削瘦 任血飛濺 抗顫抖

悲催 哭泣 一刻見逝
見慣 曲終 身於亂世
不知 拋低 多少約誓
血染 雙手 多麼污穢
憶起 當天 溫馨笑臉
我會 因此 執起利刃 (刃 讀孕)
讓你安心 人祈求安穩 願散去悲音

還留低 流淚悲傷葬胸口 如無力雙手缺不休
難能振奮 從年月傷痛編織千億教訓
路再悲憫 憑~藉真心
如流水 橫越生死過悲秋 人如遊盡千山破煙縷
紅蓮燃盡任花朵紛飛不悔疚 任血腥感 遍兩手
任血腥感 遍兩手

-------------------------------
✦楓玥Facebook：
https://www.facebook.com/MapleMoonWriteLyrics

✦Pizza EX Facebook 專頁：
https://www.facebook.com/PizzaEXofficial/

-------------------------------
⊹感謝成為贊助人，你簡直就是我的英雄 ღ(๑╯◡╰๑ღ) ：小星、Kwok Fu Au、Sars
(想把你的名字刻上感謝名單？到Patreon成為鏡泠風的贊助人吧！
➜ https://www.patreon.com/KenithCreator)

-------------------------------
#鬼滅の刃
#DemonSlayer
#AnimeSong