逢星期二，例牌食個蘋果早餐先，午餐時間記得睇我同唐牛理財急CALL 直播呀......
是日必炒｜JS環球實現業務全球化（古天后）
嚟到2020年最後一周交易，市場氣氛維持樂觀，美股隔晚三大指數齊創收市新高。本周美股只有4個交易日，周五元旦假期休市，預計全周交投淡靜。投資者更為關心美股升勢能否維持，暫時喺聯儲局維持貨幣寬鬆政策下，市場資金仍充裕；疫情推出有望推動明年經濟復甦；經濟並唔會出現雙底衰退等幾個因素，料可支持美股繼續做好。
至於港股噚日變化唔大，不過科網股龍頭股被拋售，資金從科網股流向新能源、內需股及消費股，炒股唔炒市呢個趨勢延續，今日不妨留意呢隻消費股。
JS環球生活 （1691） 今年業績完全不受疫情影響，上半年純利更大增32倍，而海外市場需求逐步回升，預期內地家電出口於下半年開始復甦，JS環球生活應該可以受惠。九陽喺傳統小家電行業多年前已打好根基，目前擁有超過4萬個銷售點，遍布內地各級城市。
九陽今年喺疫情期間提升其全球市場線上滲透率，目前綫上銷售收入佔比，從疫情前約5成提升至目前6至7成，預計未來呢方面銷售可以穩定喺6成左右。集團喺2017年收購嘅「SharkNinja」業務，其海外銷售渠道主要通過跟Walmart、Costco等國際零售商合作，並建立長期合作關係。SharkNinja同時借助九陽嘅渠道資源，加快綫下銷售點鋪設，從而提升品牌喺中國市場嘅滲透率。另外，喺中國市場引入Shark及Ninja亦可以擴充九陽產品種類，發揮最大協同效應。中國加入《區域全面經濟夥伴關係協定》(RCEP)後，有利於小家電品牌發展亞太區市場；RCEP將有利JS環球繼續擴大海外業務版圖，實現業務全球化，並加快其成為全球小型家電巨頭嘅步伐。
技術走勢方面，股價於周一調整至100日線水平見支持，圓頂回落走勢可望終止，股價再出發，如能收復10日及20日線，有望重返前高位，現價買入，中線目標價20元，跌穿13元止蝕。
本人為證監會持牌人，未持有上述提及股份財務權益。
古天后
#300likes30shares #古天后 #是日必炒 #蘋果日報
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
