《中式京菜匯美酒🍷鴨肉入饌伴5款餐酒🦆》
大家或者都會知西餐好流行Wine Pairing Dinner🥂！餐廳會為顧客準備一份特別菜單，以預設菜式配搭餐酒，令食客可以品嚐美食同時享受杯中物🥃😌。呢間位於康城嘅 @kings.delicacyhk 我哋曾經食過一次外賣，感覺唔錯，得知餐廳首次推出第一次亦係唯一一場嘅Wine Pairing Dinner就即時book定同屋企人嚟試一試。
.
餐廳介紹今次嘅酒全部來自怡園酒莊，聽講佢亦係第一間能夠打入國際市場嘅中國酒莊。
.
入坐後就馬上獲得第一杯桂花味氣酒🌼，入口香甜清新，酒味唔濃，係一杯有落舒服嘅餐前酒。
.
📍京滬四小碟
今次前菜一共有4款，黑松露溏心蛋、冰鎮柚子鮑魚、風味醬小黃瓜🥒同蔥油熗海蜇頭。
溏心蛋蛋黃濃郁黏稠🐣；鮑魚嫰滑爽口，伴以柚子同酸汁，不錯；醃青瓜開胃清爽；海蜇頭大片但太淡味，有待改善。
.
📍黃金鴨件配魚子醬
呢款喺餐廳呢特式菜，頂層喺魚子醬、下面夾住鴨皮、青瓜、山楂糕、底層喺脆米。食落口感豐富，鴨油味香濃，不錯😌！
〰️〰️〰️〰️〰️〰️〰️〰️〰️〰️〰️〰️〰️〰️〰️
🥂 Grace Vineyard Angelina Cabernet Franc Sparking Wine N.V.
頭2款前菜配氣酒sparking wine🥂，酒味比第一款濃啲，較薄身。
〰️〰️〰️〰️〰️〰️〰️〰️〰️〰️〰️〰️〰️〰️〰️
📍柚子烤鴨沙律
沙律落咗鴨肉、鴨皮、薯片同車厘茄🦆🥗，再配上胡麻醬，味道豐富又好食，一啲都唔寡。
〰️〰️〰️〰️〰️〰️〰️〰️〰️〰️〰️〰️〰️〰️〰️
🍸 Grace Vineyard Tasya’s Reserve Chardonnay 2019
白酒甜度低，味道較單一。
〰️〰️〰️〰️〰️〰️〰️〰️〰️〰️〰️〰️〰️〰️〰️
📍京滬香酥烤鴨
嚟到呢間餐廳真係唔可以唔食烤鴨🦆！熱辣辣出爐就切片，頂層鴨皮鬆脆，餐廳建議點砂糖食，的確喺入口即溶😋。
下層嘅鴨皮同鴨肉就用返平時食片皮鴨嘅方法用餅皮伴上配料包住嚟食。餅皮柔軟🫓，鴨味甘香，加上山楂糕、京蔥、青瓜、蜜瓜同甜醬一齊食，味道同口感真係好豐富❤️！而最後鴨髀就可以配上薑蓉一齊食，味道討好。外賣同堂食真係冇得比！
〰️〰️〰️〰️〰️〰️〰️〰️〰️〰️〰️〰️〰️〰️〰️
🍷 Grace Vineyard Tasya’s Reserve Marselan 2017
烤鴨配上第一款紅酒，易入口唔會太苦。食完肉後再飲，紅酒嘅酸味會變強，又係另一番風味。
〰️〰️〰️〰️〰️〰️〰️〰️〰️〰️〰️〰️〰️〰️〰️
主菜有得2選一
.
📍孜然小羊排
絕對令你意想唔到🤩，中菜原來都可以做到咁出色嘅小羊排‼️羊皮烤脆，食落好香羊味🐑。羊肉口感嫩滑🙌🏻，骨簿肉厚，夾雜着半肥瘦嘅肉🍖，入口羊脂甘香👅，最後再灑上孜然粉就更加惹味，絕對冇誇張！另外配咗個炒飯🍚，炒得粒粒分明，仲落咗鴨肉、鴨皮、蛋同芋頭做配料，調味非常出色👍🏻。
.
📍蘇梅醬脆皮牛肋條骨
牛肋條外層炸過，口感酥脆。肉質食落唔夠細滑有啲韌🥩，而且只有兩片份量較少，整體感覺令人失望。
〰️〰️〰️〰️〰️〰️〰️〰️〰️〰️〰️〰️〰️〰️〰️
🍷 Grace Vineyard Chairman’s Reserve 2013
呢一款可以話係今晚嘅酒王，用上酒莊老闆認可嘅全年最佳葡萄去釀酒🍇。呢款紅酒掛杯力強，明顯味道較豐富，口感較䣩厚，的確係幾有驚喜。
〰️〰️〰️〰️〰️〰️〰️〰️〰️〰️〰️〰️〰️〰️〰️
📍蜜瓜西米露配雪糕
食到最後仲有個清爽嘅甜品，西米露同蜜瓜粒🍈加上冰涼嘅雲呢拿雪糕🍦❄️，香甜又消暑。
〰️〰️〰️〰️〰️〰️〰️〰️〰️〰️〰️〰️〰️〰️〰️
🍹 Michael Chiarlo Nivole Moscato d’Asti DOCG 2020
甜品配以甜酒作結，呢款酒帶香甜果香， 完全飲唔到有酒味，非常容易入口❤️，女仔應該會勁鍾意。
〰️〰️〰️〰️〰️〰️〰️〰️〰️〰️〰️〰️〰️〰️〰️
京滬佳餚 (將軍澳)
將軍澳康城路1號The LOHAS3樓333號舖
.
#草根食在康城
.
@kings.delicacyhk @thelohasmall
京滬佳餚外賣 在 京滬佳餚King's Delicacy - Home | Facebook 的推薦與評價
京滬佳餚 將軍澳康城店歡迎訂座及查詢： 2817 7098 將軍澳康城路1號The LOHAS3樓333號舖銅鑼灣店... ... 依然接受外賣自取及堂食. 不便之處，敬請原諒。 京滬 ... ... <看更多>