「內房大文豪」、中國地產（1838）主席汪世忠「國情咨文」又嚟啦！
今年業績就遲咗公布，不過汪主席對寫作嘅熱誠絕無減退，由佢親自撰文。點解我咁肯定佢今年冇再抄龔耀輝或者係其他人？因為⋯行文中見一種獨特風格，如果我要形容呢種文體，我會叫佢做「voice text體」⋯大佬呀，啲grammar錯到似用iphone voice text後，呢頭講完嗰頭就出街😖printer公司搞咩。
全文如下：
//其實，人類在大自然面前係十分渺小；你睇，一粒新型冠狀病毒就將全球人打低係度。而且，係這粒新型冠狀病毒面前，自以為是的特朗普簡直就是個小丑，所以，驕、逸，這兩個字都係敗家之道；收斂點氣場，胸懷寬廣，謙 和點做人，各自搞好自己的事，先至對各自同胞的最大貢獻。前一陣，政策風雲變幻，連逆杠桿負債都殺埋，結果，殺敵一千，自傷八百；好係（在？）本集團係這場暴風驟雨度，只係淋濕著頭，令股東們著實擔心了一陣間。依家之前留低點不應該有的債務糾紛正在收尾。不過，曾國藩話:「凡係願景，說一節做一節，如預先說好幾層，到後來 往往不符」。所以，依眼前的時局本集團先守拙，蓄銳，賣多點嘢，過着疫情先。//
上年汪主席講「川普沒有毛澤東的智慧，拉一個打一個，佢係打晒全世界。」，今年係打低全世界嘅，竟然係中國爆發嘅「一粒新型冠狀病毒」。
上年佢形容「特朗普（狡詐非聰明）發起癲來，好可能搞到全球經濟衰退」；佢又點估到，今年搞到世界衰退又係因為中國。
不過在字裏行間，我睇到汪主席都有一顆少女心，就好似啲女人講：「總之一日最衰都係你」嘅心態，汪主席死都要揾個位話trump，今次個tone似係：「你好叻咩？咪又係自以為是嘅小丑」。
不過大家有冇發現今年呢一篇文，少了幾分氣焰，多了幾分死雞撐飯蓋。點解？因為冇錢！集團由上年賺3.6億，今年蝕2.8億⋯冇錢，又哪來去串人的氣勢？
睇埋汪主席話「集團係這場暴風驟雨度，只係淋濕著頭」係呀，洗濕個頭，好難返轉頭。汪世忠旗下峰裕控股，今年兩次向天安（028）借合共3億港元，成30厘息，要還錢啦，咪唯有學佢話齋「 賣多點嘢，過着疫情先。」
再唔係佢可以試下寫多幾篇文，之後出幾本書，都應該還到一個幾毫嘅⋯咁少？係呀⋯揸筆真係唔係好揾到食⋯I know that feel😭
#今年英文版冇咩驚喜
By千頌C
今年英文版冇咩驚喜 在 文人多說話| 睇完一套好驚喜嘅懸疑劇集《秘密之城》（Secret City ... 的推薦與評價
睇完一套好驚喜嘅懸疑劇集《秘密之城》（Secret City），估唔到Netflix原創劇咁夠薑拍咗套「中國必禁」嘅作品！我先講下故事，先講有一位澳洲藉人權去到中國北京 ... ... <看更多>