識得我耐嘅老朋友都知我由懂性開始就已經成日漏M，情況通常有兩個，一係唔記得自己幾時會黎M，所以無帶M巾出街而導致漏M同臨時撲M巾，一係就係M巾帶得唔好，所以漏M。
近年轉用月經杯後就已經再無因為M巾帶得唔好而漏M嘅問題，但唔記得自己幾時黎M，而要臨時撲巾呢個問題就仲需要改善...
好似今日咁，要連做兩個訪問，出門口時諗住今日要去咁多地方不如輕裝上陣，於是放低咗日日都會帶出街而且裝有月經杯的百寶袋。點知做完第一個訪問去廁所就發現黎M，唯有用紙巾墊住跑出去叫Picco 幫手買M巾頂住先，點知佢又再發揮暖男精神話：「我有月經杯喎！」聽到呢句我知我有救了😱！！佢即刻係背囊拎出黎，仲要係我最愛嘅 Fun Cup 🤯 ，仲要有埋消毒個杯用嘅 Hyginova。😭 看見一個39歲的大男人因為我日日帶住個月經杯出街我真係好感動呀！😭😭😭 我真係好感恩我遇到你呀！❤️❤️❤️❤️❤️❤️❤️❤️ 老公我好愛你呀！😭😭😭😭
阿囡，將來拍拖記住搵個會為你帶月經杯出街嘅男人（或者女人都得）！
P.S. Fun Cup 同 Hyginova 係 Sally's Toy 有售，唔是廣告，真人真事真心分享。
#繼上次佢背囊帶定M巾後 #今次佢背囊帶定月經杯 #Picco暖男日常
