《你知道嗎？偽科學talk shit後醫護要花多幾多倍時間去執屎》
當你留意得多d偽科學page，唔難發現佢地好鍾意是但quote一兩篇論文，再玩偷換概念無限引申，頭腦一唔清好易會覺得佢地好有道理
例如佢地會話
「超，COVID有咩好驚呀，你睇香港咁少人感染，咁少人死你就知個病毒完全係傷風感冒level啦」
佢地最叻嘅，係抽空context，倒果為因，去話香港人做好防疫係多餘、口罩係多餘、停課係多餘、Work From Home係多餘，全世界嘅醫生、專家都錯，係得佢地呢班+/- 30小時急救訓練或者May be +/- science undergrad+/-postgrad嘅人先係真理。
香港少人感染同少死亡=個病毒唔嚴重=口罩洗手停課等防疫係多餘，係完全無邏輯性嘅
當你係健身室見到好多人有6舊腹肌+42吋胸肌，而佢地日以繼夜夜以繼日咁去做運動、帶氧、HIIT、舉鐵等等。
正常人會同意呢個係佢地瘋狂健身嘅成果
但呢班偽科學信徒唔係咁諗
佢地個邏輯somehow會變成
「超，6舊腹肌+42吋胸肌有咩咁難呀，你見個個都咁大隻就知其實唔難啦，舉鐵多餘、帶氧多餘、HIIT多餘」
佢地會完全抽空當中嘅contributing factors
科學告訴我們，健身會促進肌肉生成，帶氧/HIIT會消脂，久而久之大隻佬不是夢
科學告訴我們，正確配戴口罩可減少飛沫傳播嘅傳染病嘅爆發，勸洗手可減少因接觸而感染嘅傳染病嘅爆發，必要時停課或WFH可減少因群眾而爆發傳染病。
正常人會話因為防疫做得好，所以香港個案少，但佢地卻可以用創新嘅概念去「覺得」香港個案少，所以唔洗防疫。
不過，我地唔難發現，呢種偽科學嘅人最愛是但加下d科學或醫學嘅terms就代表科學或醫學，全世界嘅科學家/醫學家都錯，就只有佢地係正確。
然後有一群一係就智力程度去到我無法理解嘅程地步，一係就欠缺分析嘅人，隨便附和同廣傳呢種偽科學。
其實無知唔係一個問題，你大可以繼續去相信呢d偽科學，但你不經思索就廣傳就可能令更多人誤信而受害。
呢種不負責任嘅人愈來愈多，而且佢地更加進化到talk shit都talk得理直氣壯嘅程度。
更加重要嘅係，佢地talk shit係無後果，誤信佢地之後中招要治療咩？佢地係唔會幫到你，因為佢地根本就無受過醫學訓練，到最後幫你嘅仍然係佢地口中嘅「防疫撚」醫護人員。
好多人會問點解要讀書，就係因為只要你有學識就唔會再受呢d人所騙。
