九龍城，真係我細細個就係嗰度活動嘅地方，細個時候婆婆住新蒲崗，媽媽喺九龍城恤髮同電髮，於是一日到黑都去嗰度。今次去嘅時候至留意到，我細細個嘅時候成日去⋯睇嗰間喺獅子石道嘅童裝店麗紅竟然仲存在，真係厲害，呢個應該又係自己物業嘅威力。如果唔係一間咁普通嘅童裝店，可以做成50年咩！
之後喺廣播道返工，食晏又多數落九龍城，黃明記係一定食㗎啦，另外一間就係地茂館，不過我多數去食甜品。今次都唔例外，我都係食嗰盅燉杏仁蓮子百合，價錢唔平㗎，但係總係覺得佢燉得味道啱啱好，熱辣辣，唔特別甜，但係啲蓮子百合就好鬆化。食完，好似覺得自己好潤，真係明亮照人咗咁！
當然你可以話糖水自己煲都得啦，但係我就係鍾意坐喺佢嗰個卡位嗰度慢慢食嘅感覺。冇得解釋嘅。就係鍾意囉。
後來出咗去外面做嘢，唔係成日落九龍城，但係每次去九龍城，都好似一個儀式咁。必定食完黃明記之後，就會去歎番個糖水。係呀冇乜新奇冇乜特別，儀式完畢，至好似算出街玩咗咁。
#何嘉麗callmegaga #何嘉麗 #為食路上
#出街玩 #九龍城 #恤髮 #電髮
#地茂館 #糖水 #杏仁蓮子百合
#麗紅童裝店 #獅子石道
#好好珍惜現在 #以前留在記憶中好了
以前留在記憶中好了 在 療哉・記憶- 《愛的能量場》 在以前參與學運的時候 - Facebook 的推薦與評價
藉由看向生命中的「好消息」，然後付出「愛」、分享「愛」，讓生命的美好宛如滾雪球一般持續蔓延下去！ 對的！這就是生命的終極奧義。當我們聽完抱怨，或是看穿痛苦之後 ... ... <看更多>