睇見 Goodbye HK Hello Billy 個post，我真係笑左出聲，即刻google下呢啲移民套餐搞乜鬼，真係千奇百趣笑到爆嘴。
呢個8800套餐好正，我想講如果長短租你做，咁啲物業經紀做乜？係咪行入去地產代理間鋪有啲咩咁困難？落機接送，喂大佬，你去旅行都唔駛酒店機場接送啦，反而移民你就唔識搭的士了？倫敦的士有幾堅揪真係世界聞名，你呢個做接送嘅會熟路過英國班司機？至於其他嗰啲，一係上網click就搞得掂，一係好心你就申請張白金AE，一樣有24小時緊急支援服務，仲有一大堆優惠，你覺得AE堅定係呢個移民agent堅？
綜合來說，呢個8800一見發財套餐，真係近乎無任何實質意義同增值服務。即係咁，如果你連的士都唔識搭、google都唔識嘅話，我強烈建議你留返喺香港的特殊看護宿舍，同埋認認真真在庇護工場做好份工，你咁樣黎到英國真係好危險。我已經唔係擔心你搵唔搵到工，而係單純好擔心你能否生存。
咁啦，人妻先生「零基一joke」，我都搞個套餐。
一見發財蝦你波凸短暫式支援咨詢服務
HK$1069
*指導下載Uber服務
*每天早晨晚安短訊一個（電話語音每六秒六毫）
*人妻先生激情上網指導服務（HJ2Q happy ending收費另議）
*每晚遙距祈福一次（請另行轉帳款項到本人戶口，作為祈福媒介）
*登記智障人口服務
*每天提示準時食藥服務
*每月打氣「請不要放棄治療」一次
*定期提示清理大小二便
*當心跳測量為零，代打電話俾仵作 （請自備心跳測量工具）
*提供柴米油鹽
*每天唱「只恨一水隔天涯」一次（需客戶作happy 伯式打賞及伴舞，否則會中途罷唱）
我覺得我呢個服務正好多囉～
#如果你仲係諗住有人照顧你真係唔好黎英國
#呢度唔興畜奴好耐
#唔會有人服侍你架
#花園啲草都要自己拔架
#仲會有狐狸在你門口同花園拉屎
#春天無政府幫你將所有木棉花摘掉
#你會hayfever到懷疑人生
#如果你係黎諗住嘆世界
#你真係唔好黎
仲會有狐狸在你門口同花園拉屎 在 老狗老貓照顧、看護討論社團 - Facebook 的推薦與評價
時常站不起來，只要稍微沒注意，你可能就會在自己的大便裡打滾.. 有好幾次半夜腳都磨到流血只能在原地等我們救援～ 媽媽為了你都陪你睡在客廳，只要 ... ... <看更多>