琴日12點先收到通知，攞到許可證可以去拍攝劍擊，就決定衝啊！🤺
劍擊館幕張會議展覽中心位於千葉縣，有一段路程，所以今朝早7點就要出發去捕捉佘繕妡及連翊希嘅比賽，當然仲有一姐江旻憓。👧🏻👧🏻👧🏻
節目除咗要拍比賽之外，仲要兼顧運動員訪問，即係攝影哥哥拍完比賽，就要即刻衝去Mixed Zone 拍運動員訪問，疲於奔命。🏃🏻♀️
今日香港時間下晝2-3首播《東奧時刻》，我需要喺劍擊場館搵地方同香港連線，進行網上對話。
雖然江旻憓八強止步，但已經締造咗女子個人重劍喺奧運嘅最佳成績。同時睇到咁多香港傳媒嚟支持劍擊隊，真係好難得。今年各大媒體都有機會可以報導，令更多市民喺唔同平台去睇奧運。
喺劍擊館逗留到下晝點半，跟住就要趕住同賽艇代表洪詠甄做Zoom訪問，為咗爭取時間，最後決定喺巴士上聊天。😂🎙
今日團隊兵分幾路，去到報導體操🤸🏻、乒乓球🏓️、羽毛球🏸️、同游泳🏊，更需要到攝影哥哥做埋訪問，少啲運動細胞都唔得。
為配合香港時間9:30嘅🇯🇵《東奧速遞》，東京、香港都會連線去為觀眾更新最新嘅情況。😊
啱啱收工已經喺11點，今次奧運交通安排令人失望，到依家我哋都係等緊Taxi。
快啲返酒店沖涼，聽日再努力💪🏻！
📷：好同事
#但仲未知行程 #江旻憓 #佘繕妡 #連翊希
#東京奧運 #港台電視 #TokyoOlympics #體壇無極限 #搏盡無悔 #香港運動員加油 #加油香港 #團結就是力量
但仲未知行程 在 阿潘精品遊- 記得上次喺馬來西亞過聖誕，就係南亞大海嘯那一 ... 的推薦與評價
當年喺浮羅交怡度假，12 月26 日boxing day 返回檳城，從檳城升旗山準備走到海邊，但幸運地遲左一班纜車落山。揸車到海邊時，眼見沙灘退潮一大片，大批泳客仲未知後方 ... ... <看更多>