關於 但佢地話我年紀太大唔畀玩 ，我們在網路上蒐集到這些相關的討論、資訊與評價

前排我家Mimi講我知，佢想去補習
我立即打個突，吓😳咩話，唔係化？
你阿媽我成日都話唔使補習架喎，家下你話要去補習，
阿媽會好無面架喎！加上我真係唔鍾意唔鍾意唔鍾意補習呀！
👈好緊要所以要講三次！
Mimi見我拒絶而面有難色，你講，有咩古怪😒？
👉👈其實我有同學仔學英文，佢話好好玩好想我又去玩啊。。。
媽媽你就當我去玩啦，唔係補習啦，好無呀？

你唔係化，要我畀錢你去扮補習，實則只係玩😒？
你估你阿媽我幾十萬未開頭呀。。。
後來同學們媽咪再搵我，講我知原來有英文免費試堂，試咗先啦～
😆好啦好啦～～唔使錢就試咗先啦～
跟住我就來到@I CAN READ了！

帶住Mimi第一次 踏入I CAN READ，中心的姐姐帶佢參觀每間課室，
佢開心到呆咗囉～因為每間房都放咗一大壇老師自製的Board Game啊😱 ！
原來老師每堂就係利用呢啲自製的遊戲，同小朋友打成一片，
大家一邊玩遊戲、一邊學習I CAN READ獨有的音韻讀識教學法，
唔講笑，就連企埋一邊睇個女上試堂的我，都肉緊埋一份啊😆！

但玩咗咁耐，而我不知什麼是音韻覺識教學法囉。。。
係因為我個樣太迷嗎？令到姐姐忍唔住走埋黎講我知，
原來佢地將163個國際音標簡化為44個code，更加簡單易明，
同傳統英文學習模式完全唔一樣，小朋友唔使背又唔使記生字，
玩下老師設計的遊戲就可以識字架喇～水蛇春咁長的字都讀得出個音喎～
嘩～～巧堅呀！😱
咁係咪即係增加咗對英語讀寫的信心後，小朋友信心大咗，
自然連學習都成為興趣呀？

我知就咁講大家又點會明白呢？不如你地又上去試下玩啦～
無錯，為咗大家，我好唔要面地表露身份為親們Ｒ咗😏，
身為現實的媽，當然明白👉唓，你講之嘛，我唔試過鬼知咩？
只要你去各分校報名，講低暗號✨MIMI介紹✨，
就可獲安排免費試堂了！

報名喺呢到啊✨
http://www.icanread.asia/hongko…/traditionalchinese/LocateUs

#果幾個BoardGame真心超正
#我見到都嘩嘩聲真好想玩啊
#但佢地話我年紀太大唔畀玩
#適合2歲半至12歲小朋友喎
#我自己整返兩三個自己玩囉
#有無親來陪我玩呀玩驘無奬

【足本版】《Blue Ocean Strategy 藍海策略: 三部曲》

做生意有兩個海。 紅海，就是人做你做，價格競爭，互相廝殺，血染大海。 藍海, 就是你費時同人爭，自己游開去， 當競爭對手無到。

一般的公司，要識得 compete， 片低競爭對手，可惜 ，搞到個海紅曬。真正叻嘅公司，係應該識得 create, 做大個餅，唔使理啲競爭對手， 享受自己嘅碧海暢泳， 因為佢已經游出咗個藍海 。點做? 聽落去你就明。
........
Invitation: Blue Ocean Breakfast @ American Club Central

2019年6月 (星期六 10-12pm) (約4/5位)
報名方法: 請WhatsApp你的卡片到
9218 5223 (聯絡Suki/Monica)
Free, 我請食早餐!
......
而家係法國 INSEAD 商學院嘅 Blue Ocean Strategy Institute  讀書。 自2005年出版以來，呢本 Blue Ocean Strategy 書就翻譯咗44個唔同語言， 全球賣出咗400萬本。 根據Thinkers50, 作者INSEAD 教授 W. Chan Kim 同埋 Renee Mauborgne 都連續五屆成為全球頭五名 Business Thinker 最具影響力嘅商界智囊。

係呢本書，佢哋研究咗全球108間公司推出嘅新產品，發現86%都係一啲叫做紅海嘅產品，即係人做佢做。只得14%係藍海產品。 但係嗰14%嘅藍海產品， 對整體公司收入嘅影響就增加咗38%， 對利潤嘅影響仲增加咗61%。 換句話說，如果你推出藍海嘅產品，你賺錢嘅比率係比紅海高出接近十倍。

咁點樣先能夠搵到藍海呢? 三部曲:

(1) 先要知道邊個係你批客
(2) 了解佢哋由購買、使用、至保養、棄置嘅痛點 Pain Point 喺邊度
(3) 透過ERRC (Eliminate, Reduce, Raise and Create) 去重新佈局自己嘅產品

Step (1) 你先要知道邊個係你批客

係嗰行做生意，好多人覺得最緊要知道嗰行頭嘅核心客人喺邊個。Who are the core customers? 服務得佢地好，咁就賺大錢啦。錯啦!

根據藍海策略，你要打低行家，賺大錢，比 core customers 更加重的就係要知道邊個係 non-customers 非客戶。 你唔係要去 compete, 而係要去 create. 你搵到呢班non-customers喺邊度，吸引佢哋過嚟幫襯你。

Non-customers (非客戶) 有三種。

Tier 1 : "Soon-to-be" non-customers. They are noncustomers who are on the edge of your market waiting to jump ship. 佢哋好唔滿意個行業嘅現況，好想離開唔玩。

Tier 2: "Refusing" non-customers who conciously choose against your market. 呢班人已經決定咗唔幫襯你個行業。

Tier 3: "Unexplored" non-customers who are in markets distant from yours. 呢班人諗都冇諗過幫襯你嗰行。

以我自己為例。喺香港買間街舖平均要三千萬港幣，就當買舖投資係個行業。 有啲人覺得買咗間舖之後租唔出，好煩，以後都唔會再買多間。呢班就係 Tier 1 "soon-to-be" non-customers. 佢哋已經入咗嚟個行業啦，但係好唔滿意個行頭，好想走，以後可能唔再返來。Soon to be not customers anymore. 

有啲人睇嚟睇去都冇從入手， 覺得買舖好難， 都係買返住宅工商物業好啲。呢班就係 Tier 2 "refusing" non-customers. 佢哋已經決定咗唔幫襯呢個買舖行業。

Tier 3 "unexplored" non-customers， 呢班人完全諗都冇諗過要買舖投資。 佢哋只有買一般股票、債券，或者將啲錢放銀行就算數啦。

如果我只係target嗰班 core customers 核心客戶, 即係買開舖嗰班老手或者抄家， 咁我間舖就要特別平或者特別靚，core customers 先至會買。 蘋果對蘋果，又要平又要靚，我梗係賺唔到錢啦。

但如果我 target 班 non-customers, 只要我係能夠滿足佢哋想降低風險，唔想煩，但又要有合理回報嘅需求，我charge 嘅收費同埋畀佢批貨就可能好唔同。 而家就係用緊個橙同蘋果比，無得直接比較，咁先有我哋嘅獨特價值。 呢個，亦都我公司商舖基金專注行緊嘅方向。

再講下班入面另一個你同我都一定玩過嘅行業 - 打機。 喺電子遊戲機呀。

一諗起打機，可能你就會覺得 core customers 核心客戶就係嗰班十零廿歲靚仔，日打晚打，坐喺度對咗個screen淨係用隻手指係咁篤。 咁多年最出名嘅應該都係Sony Playstation 同埋 Microsoft Xbox。如果你係第三間打機公司，咁點打低佢哋兩個呢?

咁你要試下 target non-customers。諗真啲其實市場上有三班 non-customers.

Tier 1 soon-to-be non-customers 就係嗰班打開機嘅靚仔，日打夜打已經打到好悶， 分分鐘屋企人又反對，想試下啲新嘢。 佢哋就嚟想離開個行業。

Tier 2 refusing non-customers 就係嗰班女仔或者鍾意運動嘅靚仔， 唔想日日坐喺度篤篤篤打機， 佢哋特登就係唔想玩 Playstation或者Xbox。

Tie 3 unexplored non-customers 就係嗰班老人家，父母， 好似我咁，從來冇諗過要係屋企打機， 仲成日反對個仔女打機㖭。

咁點樣可以吸引到呢三班人呢? Nintedo 就喺2006年推出咗 Wii， 我相信你都可能玩過Wii。Wii 就係唔單止坐係道篤篤篤， 而係配合有好多全身嘅運動， 先至打到tennis ，出到拳， 閃到身。

佢就吸引咗個班已經玩到厭，想試下新嘢嘅 Tier 1 soon-to-be non-customers, 較鍾意運動喐下嘅 tier 2 refusing non-customers, 同埋想同屋企人一齊玩而本身年紀較大嘅 Tier 3 unexplored non-customers，好似我咁。 我當時自己都買咗部Wii同屋企人玩。但Paystation Xbox? 我從來都無買過， 亦都唔打算買。

講完 Step (1) 班客係邊個，再Step (2) 了解班客由購買、使用、至保養、棄置嘅痛點 Pain Point 喺邊度

Wii 點解我會買? 因為解決咗我同好多人嘅痛點， 就係覺得另外嗰兩個牌子啲遊戲太複雜， 唔鍾意成日坐喺度淨係搵手指篤， 但係又唔想好似同時代脫節，見到啲靚仔玩自己又唔識玩。 因此點都要買返部覺得自己 "in" 啲。Wii 就係成功行咗第二步，(2) 了解 non customers 嘅痛點 Pain Point 喺邊度，解決咗佢，吸引新嘅客源。

做生意有本事，你就樣樣嘢都做得好過人。但咁樣，通常成本會過高。樣樣嘢都慳 ，產品就會太渣。 必須要喺一個取捨，就要行第三步

Step (3) ERRC. Eliminate 刪除, Reduce 減少, Raise 增加 and Create 創造，去重新佈局自己嘅產品

呢個就係Wii 當年嘅 Strategy Canvas 戰略佈局圖。佢 eliminate 刪除咗高解像度嘅圖像，eliminate 咗打機以非必要functions 同埋接駁 HDTV 嘅功能。 佢 reduce 減少咗 processing power and online gaming 嘅能力， 由於部機簡單咗，所以價錢亦都比當時嘅入門版 Playstation 3 (賣緊美金$499或599 )同埋 Xbox (賣緊美金$299或399) 平，Wii 2016年推出嘅時候只賣美金249，平均平咗4成半。

雖然平啲，Wii 就 Raise 增加咗部機嘅設計美感，感覺比較有型，同埋推出更加多不同嘅遊戲比玩家選擇。佢create 創造咗 motion gaming ，要全身旭先至能夠打到機， 同埋家庭友善，可以全家人一齊玩嘅遊戲。

亦都因為咁佢就搵到佢嘅藍海 Blue Ocean, 2006年一推出就大受歡迎， 吸引咗嗰班從來無買過Playstation同埋Xbox嘅客戶去買。推出頭一年， Wii 全球賣出咗超過二千萬部， 有超過五成嘅市佔率, 多過playstation同埋Xbox兩個加起嚟。

如果當初Wii 係諗住吸引返同一班打開機嘅核心客戶 core customers ，即係嗰班hard core 打開機嘅靚仔嘅話，肯定冇咁嘅成績。Wii 唔單止 compete, 而係create 咗個新市場叫做 Motion Gaming.  雖然近年少咗人玩Wii，但佢推出短短十年就全球賣出咗超過一億部，come on, I have no complaint， man! 

最後，好重要嘅就係藍海嘅產品，例如上面嘅 Wii，係會同時令公司嘅成本降低，但人客嘅價值提升。呢個先係 value innovation 價值創新。 如果你嘅成本無降低到，或者人客嘅價值無提升過，你只係停留緊喺個紅海入面， 鬥平或者鬥靚，未游到出去個藍海。

記住，做生意唔一定要 compete，而係要 create 呀。唸下班 Tier 1, 2, 3 non-customers， 有乜嘢可以降低自己成本，同時又提升客戶嘅價值，吸引班 non-customers 過來， 解決佢哋嘅痛點， 透過ERRC 做大個餅。 我嗰班買舖嘅客，好多都唔會自己單獨去買。 你批客呢? 你個海又係紅定藍呢?

總結 Summary: 

《Blue Ocean Strategy 藍海策略: 三部曲》

(1) 尋找到那班 non-customers (非客戶)

Tier 1 : "Soon-to-be" non-customers. 
Tier 2: "Refusing" non-customers.
Tier 3: "Unexplored" non-customers.

(2) 了解班 non-customers 由購買、使用、至保養、棄置的痛點 Pain Points 在那裏?

(3) 透過ERRC (Eliminate, Reduce, Raise and Create) 去重新策略佈局公司的產品，游出藍海。

#藍海策略三部曲，#BlueOceanStrategyIn3Steps，#最簡單地解釋藍海策略



盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

購買李根興的「買舖 要買得 PRO」書，請付款$198，透過以下渠道:

(1) PayMe at +852 90361143
或
(2) 永隆銀行戶口
020-644-0000-3123

月兒半彎，沉寂地映照着某三岔路口。街燈不如她低調，偶偶嘎嘎的打破静謐。一片昏夜之下，惟獨一家小店亮起小白燈，光澤了殘白的老招牌，八個招牌大字倒也風韻猶存，尚露幾分燦紅，「叁去壹」，好古怪的名字。
解讀店名之時，某路口冒出了一丁點的豆影，揉揉惺忪，他，漸近，漸近⋯⋯是名瘦小的大叔。濃密頭髮，架着黑框眼鏡，灰背心配短褲，褲管內，是一雙又乾又幼細的小腿。凝視着瘦小的雙腿，正向着光明之處走，輕巧的身軀，步履間，卻帶點沉重。也對，這家迄今四十年的小茶樓，每天折騰人十來個時辰，任誰都吃力。叮叮噹噹，門外已不見大叔蹤影，店裏則傳來碗盤清脆的碰撞聲﹑明爐火雄之音﹑機器引擎隆隆，綿密有致，彷彿正上演一齣交響樂。
百般堅持，這沁人心脾的樂曲，方能伴隨柔光，一解深宵的幽清。

最美的伴奏
時針踏正三時，雨露開始俏皮地灑落於門前，宛若奏伴。往店內一瞧，裏頭早已炊煙四起。方寸之地站了四位大叔，既是小店的店主，亦是夥計，他們默言不語，各自奔波。
步入小店，首先經過左邊的蒸檔，略胖的大叔站於檔內，洗擦着蒸籠用具。他髮根參白，粗眉大眼，卻有着親切的笑容，他是耀哥，負責企蒸檔，見他把東西擺放好，就急急移步至中央的圓桌，與另一名赤裸上身的大叔並列，這位大叔叫阿羅，是小店最舊之人，主力做樓面。舀起一盅盅待蒸的滑雞飯﹑鳳爪排骨飯﹑窩蛋牛肉飯，整齊地置好於鐵盤上。此時，後方的廚房傳來鏗鏘鑊聲，又夾雜了絲絲爐火之音，靠近一瞥，身穿白背心，戴着白框方鏡的瘦削大叔，專心地備着廚房用具，又點了明火預熱蒸爐，他是水哥，負責廚房事宜及炒鑊工作。倏地，一個黑影迅捷地於身後竄過，往鋪末的方向走。隨之來到轉角處，竟有一條樓梯往上層。一樓是個老式製作工場，古舊的木地板感覺不太牢固，牆邊擱放了高架﹑攪拌器﹑雪櫃﹑桌子等物品。


眼前的大叔正是方才門外那位，他是發仔，負責點心出品。只見，他先來到攪拌機旁，把各種麵粉與水倒入機器內，開機，不時用手搓搓，好調校分量，待麵粉拌好成麵糰後取出，再於長桌上搓勻。他說，一種包皮，就能做出很多款的廣東包點，目前最難尋的，要數雞球大包了。因為大包餡多，一塊雞肉﹑一塊叉燒﹑雞蛋﹑豬肉碎，沒甚麼利潤，故很多店都不再做了。他們嘛，不就是念個舊而已。發仔雙手熟練地裹起大包，靦腆的他推說這是工多藝熟，畢竟他做點心已經五十多年，接手這家小店前，更受邀到日本教授做點心技術，可是不折不扣的老師傅。說着，身旁突然冒出了個人，是阿羅。他們誰也好，只要顧好了自己的工作，就會上來幫忙做點心。二人手照揑，嘴裏則說起往事來。

小店年四十，起初的十年，都沒有發仔的參與。第一任的事頭，是他的兩個朋友，啊不，本來是三個人開的店。三名點心師傅，一心想要興家闖天下，於是租了鋪位，合資當老闆，其中一人正是阿羅。當一切準備就緒，卻出了點小岔子，阿羅的父親怕兒子做生意有風險，着他還是安安穩穩地打工好了，他不敢忤逆父親，於是向兩位拍檔坦白不合資，但以打工身份來工作，兩名老闆於是起店名為「叁去壹」。十年後，記得是八九民運那一年，二人舉家移民，湊巧發仔剛從日本回來，就決定接手小店。只是，做生意不是件容易事，請師傅更是難，於是他就找來耀哥及水哥兩個老朋友，再湊合阿羅一起合資：「我哋細細個就識，大家一齊做點心，請佢哋請唔到㗎，大家合資先有心機做。」四個大男人，既是夥計，亦是老闆，這麼一做，便是三十年。平日凌晨兩時半就要回來作準備，做點心，直至下午三時許，清潔完畢方下班，工作時間長，天天十數小時，沒有休息天。「佢住柴灣，一點半就要出門；我仲慘，住屯門，直情要喺度瞓。」水哥不知何時冒出來，邊說着，邊執起包好的數籠大包，一口氣搬到樓下去。一旁的阿羅苦笑一下，慨嘆為了養家，也沒有其他選擇。


隨着水哥的腳步聲漸遠，發仔見做好雞球大包，於是又跑到攪拌機旁，倒入另一種麵粉：「呢啲係澄麵，做蝦餃皮要用嘅。」說發仔是蝦餃專家，一點不為過，想當年，他就是被看中了做蝦餃的技術，才受邀到日本授徒。他指做蝦餃最重要是餃皮，要做到煙韌透明，不論揑皮還是包餡的過程，都相當講究。搓好麵糰，他接着做蝦餃餡。他們的餡料有點不同，棄坊間常用的竹筍，改用沙葛。一來竹筍貴，有時比蝦更貴；二來很多老人家不喜歡，覺得濕毒。加入原隻大蝦後，又倒入炸香了的乾葱油，這樣會香口些。餡料準備好，發仔挖來一把菜刀，鬧着玩地往自己手臂劈下去，掩眼之際，他卻絲毫無損。他打着趣表示刀子只是負責壓皮，不需要太鋒利，接着便示範把一團團的麵糰壓薄，放上餡料，用兩指封口後放到小竹籠內。一天做六十至七十籠，做好蝦餃就做燒賣、雞扎、鳳爪、山竹牛肉，做夠一天的分量，日日如是，幾乎沒有停下來的時候。看着他瘦削的雙腿，久站似乎挺吃力，而且有靜脈曲張的迹象，他笑言：「由得佢啦，我試過約咗時間做手術，但都冇時間去，咁就遲下退休先去醫啦。」他壓壓腿，看了看手錶，四時許，所有點心也都做好了，可以開店。

曲終就人散
移步到樓下，店外依舊是半夜天，然而，點點喧鬧聲卻擾了寧息。甫有食物供應，就立即迎來今天的第一位客人，是一位晨運伯伯。跟站於最前線的耀哥打了招呼，拿了一籠叉燒包，便隨便坐下，嘟噥着這個下雨天令人心煩。阿羅問也沒有問就到茶水位沖茶，邊道：「我哋三蚊一位茶芥，有普洱﹑壽眉﹑水仙﹑香片，如果係熟客就唔使問啦，你問他反而畀佢鬧，有冇搞錯？我飲乜茶你都唔知道？」語畢，遞上一壺普洱給伯伯。接着水哥又從廚房走出來，於伯伯面前放下一碟牛肉腸粉。第二位客人隨即到達，是個夜冷佬，又是自個兒到蒸檔拿了籠雞球大包，坐到伯伯對面，枱面已擺好一壺水仙，眾人開始高談闊論，阿羅站於桌旁、耀哥佇於蒸檔、水哥索性坐在一塊兒，好不熟稔。反倒是剛才多言的發仔沉默在旁，他坦言：「我慢熱啲，聽到啱傾話題先埋去。呢度啲客好熟㗎喇，你唔同佢傾佢就自己傾。」熟客多是男人，通常來吃點早餐就開工，吃一盅飯﹑一碟點心，又或一碟腸粉，二十來元，經濟實惠兼有水吹，這些小茶樓，正是如此，才受歡迎。幾十年，不論客人還是諸位事頭，都由壯年步入暮年。講起這話題，跟客人最相熟的耀哥很是唏噓，年紀大的熟客，如果一個星期不見其人，要不就是進了醫院，要不，很快就打聽到他已經離開的消息：「人年紀大咗就係咁，都要睇化，我自己都老啦，唔捨得班客，冇咗間鋪就見唔到啦。」

終於迎來午市，水哥開始埋首於廚房炒粉麵飯。其餘三人則招呼着滿座的客人。各人各司其職，頗有默契。當然，間中也會有爭吵﹑有磨擦，但不消一會兒就和好，大家的共識是，一起完成工作，一起收工就好了。說到底，都是老相知。縱沒天長地久，此情，卻勝人間無數。
時至中午，他們疲態盡現，人啊，還是不得不認老。他們四人都六十來歲，靠着小店，算是把兒女捱大了，如今確有了退休的念頭。發仔對此直認不諱：「做呢一行做咗好耐啦，唔做都好唔慣，但人始終要退休，冇理由做到死為止。」合約還有一年多，如果沒有人頂手，合約結束之時，小店也就終結。
聽着，聽着，人聲倒如哼歌，為清音樂點綴。只是，曲終，人總要散。

叁去壹點心粉麵飯
地址：西環薄扶林道11號
電話：2547 3917
營業時間：5am-2:30pm
詳情： http://bit.ly/2Mv0kmL

採訪：黃寶琳 拍攝：胡浩賢﹑謝本華

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

蟬唱不斷，斥訴着深水埗鬧市的翳悶；蟲鳴不止，嗟嘆怎麼仍未爬離車水馬龍的大埔道。
颼颼啾啾，忽而一陣涼意撫慰一身風塵汗雨。冷風源自右邊的小店。然而，小店並非如風般清新，只見門外攤放着鋪了薄薄塵土的杯碟﹑電插座﹑行李箱等各種風馬牛不相干的雜貨。舉目掃視，店內擺設密密麻麻，未來得及看清貨物，雙目就被上方一道赤熱刺中，瞇眼一瞥，原來是暉光灑落在殘紅的招牌上，招致反光，勉強睜開眼睛，「聯盈公司夜冷」數隻燦黃大字映入眼簾。
啊，原來是夜冷店。

往事一如輕煙
涼風又至之時，一名目測年約五十男人亦步至門外，身穿棗紅恤衫的他，與紅招牌相當搭調。只見他叼着一根香煙，點燃起煙草。縷縷輕煙揚起，收起老煙槍的淡然，他漾出一抹頗傻氣的笑容，介紹着自己是店主，人稱小明。呼出一口煙，他口沫滔滔地介紹着這間與他相好四十載的店子。
「夜冷」一詞，其實從葡萄牙文「Leilao」繙譯過來，後來傳到廈門、汕頭有所變異，輾轉傳到廣州，方才開始叫「夜冷」。小明搔了搔頭：「我唔識英文，總之我哋叫拍賣行做『冷行』，拍到嘢就叫『出冷』。」夜冷店嘛，當然是賣舊貨，真正的夜冷貨，正是由拍賣得來，而非私人買賣。每逢有店鋪﹑公司倒閉或住家欠租遭收樓，該址的物品一律由法庭執達吏查封，或者經會計師樓﹑清盤人﹑破產管理處處理。譬如說某月一號封鋪；七號就會通知夜冷老闆前來看貨估價，假貨、破貨一律不打價；八號早上十一時到拍賣行舉手拍賣，價高者得。投得者分配到數天時間到店裏把認為有用的貨物搬走，再安置於夜冷店裏出售。


這是一家老夜冷，由小明父親開辦，莫問年月，只記得小學畢業，十二、三歲就於店裏幫忙，後來爸爸年紀漸老退休，由他正式接手。回想起二十來歲那個年代，沒有一百都有幾十人做夜冷，因為賺錢多，買一百元的貨賺一百元﹑甚至幾百元。例如投得店鋪後，他們會四處貼上大字報，着街坊到現場拍賣。原因是當時執法沒那麼嚴謹，他們就利用法律漏洞，省下高昂的搬運費。只是，時移世易，現時實在的只可搬，不能賣，加上搬運費幾倍增，目前買一百元貨物，只賺到十五元。數數手指，由他父親那年代經營至今的夜冷店，不出兩間。而今天真正的夜冷店，也只餘數間而已。現時有很多大大小小的夜冷店，都只是掛羊頭，賣狗肉，他調侃：「好多自稱夜冷店，但其實喺內地買新貨返嚟賣，同日本城有乜分別？」
不知何時，煙已快燒盡，他吸一口，又言：「呢一行，愈嚟愈式微。」說起往事，他臉上帶點蒼涼。呼出白煙，開始理解他何故抽煙，輕輕的，如舊事。現實，又豈能如煙。


心細一如渺塵
丟掉殘煙，小明率先步進店內。繞視一周，小店呈長方形，前作買賣，後為辦公，確實是老派。貨架上的夜冷貨林林總總，最接近門口的，是衣物胸圍，排放得井然有序；刀叉碗碟﹑罐頭汽水則放在箱子裏分好類。來到中間的貨架，則放滿了花瓶﹑木製家具﹑電器﹑擺設，較昂貴的已用膠紙封好，天花上掛了數台正在轉動的電風扇。店之深處，則於高處擺放着各類名酒﹑海味藥材；金銀珠寶如珠寶店般用玻璃飾櫃放好，附近都有員工看守。這裏啊，似乎說得出的，都能找得到。對小明而言，做夜冷店最考功夫，就是第七日看貨估價的程序：「乜都靠經驗，我十幾歲做起，冇乜瞞得過我雙眼。」何止眼，要耳﹑口﹑鼻多管齊下。

第一，眼見。例如他看雪櫃，雪櫃型號他一看就大概知道價錢，值錢又新淨的才打價；鋼具，要看是不鏽鋼還是不鏽鐵，價錢相差幾倍，對他而言，九成用肉眼可分辨是鋼是鐵。他回想起自己早些年買過一間藥房，竟然把鮑魚放在門口，他冷笑：「直覺話我知，假嘅，鮑魚要放後面玻璃樽嘛，呢啲唔打價！」看習慣了，經驗令他雙目銳利。
第二，鼻嗅。有些木具，他會用嗅覺，如花梨木有花梨木的香味；酸枝又有它的味道，外表再像真也騙不了他。
第三，手觸。可以的話，要用手去摸東西，例如花瓶，並不是看到花瓶底，寫着「乾隆製造」就一定值錢。一摸下去，他就感覺到花紋是畫出來還是印上去：「睇吓花紋係咪粗身，如果滑嘟嘟，多數電腦印。」。
第四，耳聞。如近期聽到哪裏有店鋪倒閉，大多數傳媒都會公佈，所以要常看報紙，如果不聽不聞，哪有競投的機會？
最重要是心澄。倘若心裏不在乎，不用心細想，則甚麼都不成。小明倏地胸膛一挺，坦言自己除了勤力兩字外，再沒有甚麼有膽去認叻，不論大與小的生意，他都一定去看，因為這是他的工作及責任。對於自己的弱點，他亦不畏懼：「而家規定拆一間酒樓都需要牌，我雖然唔識英文，但足足上咗三個月堂，我小學畢業咋，但呢個IVE證書嚟㗎！睇吓自己有冇心做啫。」收起指着證書的指頭之際，他瞄一瞄手錶，將近十時。

苦澀如水滿肚
陣陣的撻車聲震耳欲聾，數名壯丁包括小明把尼龍袋﹑紙箱﹑板車等架生放到車尾箱後，就爬入如火爐般的車廂內開車出發。小明邊扭着軚盤邊道：「我哋而家去一間豪宅，我早兩日投咗返嚟，而家就去執嘢啦。」或許夜冷佬真的一肚苦水，一路上，他連綿地分享逸事。
原來他最怕的事有三，第一是狗。經常到處去，以為香港沒有甚麼地方難得到小明，怎料，原來他還有一個死敵——「丈量約」。新界好些村屋沒有街名門號，只有「丈量約幾段」，這令小明頭痛非常：「對住呢三隻字我真係投降，搵親呢啲村屋，都總有隻狗走出嚟汪汪吠我，我而家真係好驚狗！」第二是蚤，做夜冷一行，經常會遇到一些髒得很的店鋪，尤其食肆。有一次，他要看一家倒閉了約半年的酒樓，剛好廚房爆水管，踏上地毯的一瞬，蚤子就跳到腳上，多到不行，但他仍硬着頭皮工作，直至估價完成。甫離開酒樓，小明就把褲子脫了，他猶有餘悸：「件衫都除埋，剩低條底褲，係咁撥蚤，公園啲阿婆以為我係儍㗎！」
回過神來，原來車子已停泊好，他抹一把汗，整理好衣衫，準備迎接他第三件最怕之事，就是眼前的保安。「做我哋呢一行，經常要求人，你又唔係租客，點解要將就你？」語畢，只見他霎眼間換上一臉燦笑，拿出身份證向保安問好，頻頻點頭。辦妥手續後，他又接着低喃：「嘈多兩嘈，電梯都鎖埋你，搬樓梯啦！所以千祈唔好嘈交，以和為貴。」只是，有時候自己不得罪人家，不見得運輸工人會收斂，當「磨心」的小明，確是有苦自己知。踏進電梯，「嘟嘟」的關門聲為其掩飾了一聲低嘆。

屢勝不如一敗
偌大的豪宅只餘拉膠紙的聲音迴盪着，經歷了約四至五小時的包裹及封箱，屋內只餘下三分一的物品，以及十數箱封妥的大紙皮箱。整件恤衫被汗水沾染着的小明，正在廚房察看雪櫃。看貨時已知雪櫃是高檔貨，但執屋當天還要試試它是否正常運作，畢竟運送一台雪櫃的開支不少。故一到埗要先插電，待收拾所有東西後，它仍然保持製冷，才可搬走。但見他一堂愁眉，就知道事情似乎不順利，他苦笑：「唔凍㗎！佢值成萬幾蚊，咁就冇咗啦。」
意志並沒有消沉太久，畢竟，於他而言只是小事一樁。走出客廳，小明拿起飾櫃裏幾座金牛﹑金豬，笑言這裏只有一座是真金，故根本沒有打價。對金的真偽，他可是特別敏感，因為他以前曾經錯估一座金觀音，虧損了一大筆錢；又曾經花數十萬買了一批黑膠唱片，結果全都不能播放。種種挫折令他沮喪，當時父親﹑兄長並沒有責難，一份內疚感更逼使他成長，造就了今天的一雙金睛火眼。把金器包好，小明示意搬運師傅先把東西搬上車。

拜金不如講心
通常貨物要分兩程車運送到店裏，小明目送第一車的貨物出發後，又乘電梯回到豪宅內。此時細心一看，屋內其實佈滿生活痕迹，一家四口的照片；主人房內，仍放滿了女主人用剩的護膚品；書房裏，盡是男主人的玩具珍藏；小孩房裏，一雙又一雙的小鞋，記錄了孩子的成長。如今，卻蒙上了薄薄的灰塵。有人不喜歡夜冷佬，大概是這緣故，說不上是「發死人財」，但卻踐踏着人家的倒楣。
小明吹吹盒子上的餘灰，一臉心安理得。「我爸爸走嘅時候，一班仔女陪住佢。我呢？活到五十歲，除咗探我爸爸之外，我冇進出過醫院。」他徐徐道出，眸子裏，映照着別人的全家福。舊物扔掉了，不代表對人家的尊重，也不代表能為對方帶來祝福；反倒，把他們於美好時光所擁有的東西保留下來，也算是留下了一點緣分、一絲情意。
小明算是百無禁忌，只有一個原則，就是賺錢沒有必要賺到盡。原來，有些貨品，他會原價出售，甚至店裏會有部分屬於新貨，如小鬧鐘，賣十元一個，還倒貼一顆電池；老花眼鏡亦然：「有啲老伯伯，幾乎每日唔見一副眼鏡，有個伯伯隔日就買一副，畢竟是深水埗舊區，當回贈街坊。」也不是一身銅臭，對他而言，有價值的東西不一定很昂貴，正如他為了喜愛的鑽石牌鐘，可以走三十層樓，逐個單位搜索；又如早年他拿了攪盤電話回店裏，僅售二百元。某東西總有某人喜歡，有歷史的東西，或許來得更有價值。

最後一個紙箱置於貨車廂內。小明抽抽衣襟，試圖撇乾汗珠。緩步踏至車前，一臉倦容的他打開車門，吐出一句：「我做到六十就唔會做，都唔會畀我下一代做。」畢竟，做夜冷這一行，倘若明天沒有店倒閉，也就沒飯開；縱使生意不絕，誰又欲見兒女捱苦？
車子於路上疾駛，赤日早去，夕陽已至。問他日退下來如何度日，他驀然一笑。
哈，還不是想念舊相好？

聯盈公司夜冷
地址：深水埗大埔道244號
電話：2778 6539
營業時間：不定

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)