關於 但諗落又有啲道理 ，我們在網路上蒐集到這些相關的討論、資訊與評價

【 #大智若愚嘅最佳典範 - 《七救星》七師傅嘅貼地愛情哲學】

唔知大家最近有無睇好紅嘅《七救星》？有日小編收工搭車無聊打算睇咗一集，之後一個唔小心就睇晒而家播出咗嘅五集... 雖然你每次睇完都想問自己「睇咗啲乜L」，但又忍唔住繼續睇埋入去。可能師傅有種神奇嘅魔力就係，佢成日都好正經咁做埋啲膠嘢，但當你覺得佢份人唔正經，佢有時講啲嘢又好有道理，個感覺都幾奇幻下，亦都造就咗節目唔少非常貼地嘅爆笑金句～ 今次就等小編趁呢個機會，同大家一齊探索下七師傅...嘅哲學世界！
.
「搵另一半要搵一個 肯花時間喺你身上嘅人」

七師傅喺節目中曾經講過：「 有啲男人等咗幾日，等唔到呢就搵第二家喇； 但有啲男人有耐性呢，等五六個月都肯等，等到食到你為止嘅！」相信好多人都經歷過，曖昧期嗰陣，個曖昧對象見等咗排都未有進展，就從此失蹤無再搵過你... 令你忍唔住懷疑，係咪自己做錯啲咩嚇走咗佢，但其實更大機會係，人地等唔切覺得無聊就走咗，甚至一開頭都只係想呃你薯條（按照師傅講法，佢覺得唔一定要講呃蝦條，薯條都得...）。而七師傅就話畀大家知，其實唔使為一個唔願意等你嘅人傷心，因為真正愛你嘅人，喺願意花時間等你一個答案，而無耐性走咗嘅，或者注定係你生命中嘅過客。
.
「唔識欣賞你嘅人 只係佢學識唔夠唔sick嘢」

喺第三集入面，七師傅為咗幫想改善事業運嘅小肥「吸收能量」，帶咗佢去海旁對住個海大嗌，仲叫小肥唔夠大聲都唔緊要，自己可以幫佢千里傳音... 而七師傅就有提到話「一定會有人覺得禾哋好傻」，正如有時有啲人都會覺得佢係神棍一樣，但師傅就話「識嘢嘅人都知禾哋係有料、勁，有時人地欣唔欣賞你，都要視乎嗰個人識唔識嘢」，名副其實「別人笑禾太瘋癲，禾笑他人看不穿」！

雖然七師傅有幫自己「打飛機」之嫌，但其實都係安慰緊小肥，同埋有樣嘢好真嘅就係，職場又好，愛情又好，你永遠無辦法令全世界都鍾意你，但你可以改變自己諗法：「車！咁係你唔識嘢姐！」有時有啲嘢，你知自己咩料就夠了。
.
由於七師傅金句太多，好似「買衫係種善因、得善果🙂」>>> 幫到間鋪（因）自己又有靚衫着（果）、「有時打你，禾都好疲倦，但為咗幫你消孽都無計」，打你其實真係打救緊你...等等等等不能盡錄。有人笑佢太gag，但又唔能夠否認佢嘅真心，例如師傅雖然搶咗（聲稱係攞住先）杜如風個名牌袋，仲靜靜雞賣埋，但佢就攞晒啲錢去買物資派街坊...... 或者大智若愚最適合形容佢，因為喺9下9下嘅背後，七師傅其實有好多大道理～ 最後循例都要講返句：師傅（我）愛你！
.
#有人有師傅全套sticker麻煩DM返小編 #有種正經嘅9味 #9得黎又無啦啦有啲正經位 #集集我都想問到底睇咗乜 #但諗落又有啲道理 #引人入勝 #情侶 #愛 #愛情 #語錄 #拍拖 #香港 #搞笑 #七救星 #viutv #七師傅 #七仙羽 #節目 七仙羽
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！

突然睡覺前 youtube popup 近兩年前在波士頓錄過的片。社運初期，還未有肺炎，現在回望內容絕對正確，令我特別深深感動! 和你重溫對我影響極大的《巴菲特的五個名言》:

正面思維，有危有機《巴菲特的五個名言》

「商舖老千， 氹人落水。」「 仲叫人買，香港都咁亂，走都走唔切，你想爭落周身債 ? 」

#李根興最喜愛的李小龍名句，#掘井故事，#巴菲特的五個名言

依家我又嚟咗Boston Harvard 讀書，一個叫做 Owner President Management Renew 嘅課程，我後面呢條叫 Charles River， 令我諗起一個由細到大我都聽過，好簡單，但影響我好深嘅故事。

從前有兩個人， 又細到大，一起身都沿住兩條唔同嘅路去條河度飲水。 雖然條河啲水就越飲就越乾。一個唔理， 就繼續日日行去飲。另一個，就日日行去之前都會沿途搵到位掘個窿。 雖然成日畀人笑死佢戇居， 掘來做乜呀， 前面咪有水飲囉。 佢就唔理，就日日都堅持掘少少掘少少。 

終於有一日條河乾咗，一個就渴死咗，另一個就就終於掘咗個井繼續有水飲。故事帶出乜嘢理念?

我明，呢個故事嘅道理個個都可能聽過，但試問，有幾多人又能夠真正做到呢? 日日掘，不斷掘， 天陰、天晴、下雨都要掘。你又有無掘呢? 

上星期我先至同我嘅同事/老婆分享咗呢個故事。 我話而家香港咁亂，我哋做商舖基金嘅，一定會受影響。 但就係因為亂，我哋嘅步伐更加唔好亂。 我繼續會日日睇舖，日日錄片，日日搵租客，日日諗下點樣幫間舖增值。日日掘井。無論人哋點睇我哋，99%嘅人當我哋白痴， 慳番啦，只要1%嘅人支持我哋已經足夠。做生意，最怕嘅就係99%嘅人唔 care about 你，而最後嗰1%嘅人都唔記得你，then you become no body. 玩完! 

股神巴菲特 Warren Buffett 有5個quotes 好影響我:

(5) We simply attempt to be fearful when others are greedy and to be greedy only when others are fearful. (在別人貪婪的時候恐懼，在別人恐懼嘅時候貪婪。)

當全世界都覺得唔好買鋪嘅時候，可能係買舖最好時機。 依家唔係賣鋪嘅時候，而家係買舖嘅時機。5至10年你睇返我呢句說話，你會明。

(4) Risk comes from not knowing what you're doing. (風險，就係當你唔知道自己做緊乜嘅時候。) 掘井一樣，唔好亂咁掘，周圍掘。 搵到個啱嘅位置，係你嘅 passion, capability 同埋 profit potential 嘅中間重疊位， 就不斷重複地掘落去。

如果你今日投資/買舖， 只係純粹博一博，依家風頭火勢，的確好大風險。 如果你知道邊個位有發展潛力，點樣搵到個好租客，點樣幫佢做多啲生意，點樣exist plan去賣咗間舖，唔怕買。Risk comes from not knowing what you're doing. If you know, go for it. 

(3) No matter how great the talents or efforts, some things just take time. You can't produce a baby in one month by getting nine women pregnant. 無論點叻，有啲嘢係需要時間。如果你有睇我嘅《十大創業忠告》，5 years，大方向啱嘅就 give it at least 5 years。我2001年創業開始接觸「舖」，到依家18年啦。

我好幸運，我有兩個好好嘅創業 advisors，我阿爸同阿哥 Steven。 佢哋成日同我講:「 根興，做任何生意同投資，都要量力而為，有持久性。 唔好一個浪襟埋嚟，就失蹤咗。 要因應時勢作出改變， 但唔係好似邊個邊個咁，一時就日日見報， 傳奇幾百億身家，一時就玩失蹤。大上大落，甚至乎好似神童輝(羅兆輝)，上埋天堂，人間消失。 」做生意，要經得起考驗。時間會證明一切。

(2) The best investment you can make is an investment in yourself. The more you learn, the more you'll earn. 最好嘅投資，就係在自己身上，增長知識。 亦都因為咁，我不斷提醒自己要進修學習。 唔好人云亦云，要自己有獨立思維。

(1) The difference between successful people and really successful people is that really successful people say no to almost everything. (成功及最成功嘅人分別就係最成功嘅人對絕大部分嘅事情都係 say No. )

由2009年我買第一間街舖開始，除咗幾千萬以內香港嘅地舖，我全部都 say No. 依家好多大家族，大基金，搵我開 seperate account 同佢哋買舖，我都一樣 say no. 如果你睇緊呢條片，諗住搵我seperately 幫你買舖， 你慳番啦。 因為除咗我哋公司嘅唯一一隻「旗艦基金」以外， 你唔會見到我個名買住宅，買車位，買工廈，買office。 我自己亦都唔會以個人身份去買舖，為免同公司嘅基金有衝突。 因為我相信做人做生意，做一樣嘢，做好佢，已經足夠。 我同全公司講，香港有十萬街舖， 我哋目標就係個fund要own咗當中1%，即係1000間，最有質素啲舖。未有第一千間前，乜都唔駛唸。大家專注做好佢。要搵 Blue Ocean, 就係要識 say NO，say 得快狠準! 

投資要分散，做生意要專注。李小龍名言，亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times." 

我知大家呢刻心情都唔好，但無論是市況點亂， 都要練好功夫， 繼續掘井。 有危就有機。 你個井又掘成點呢?  知道邊度掘，日日掘，專注掘。記住感恩過去，珍惜現在，對未來抱著希望，嗰個感覺真係好正!  

Summary: 

Warren Buffett 5 Quotes: 

(5) We simply attempt to be fearful when others are greedy and to be greedy only when others are fearful.

(4) Risk comes from not knowing what you're doing.

(3) No matter how great the talents or efforts, some things just take time. You can't produce a baby in one month by getting nine women pregnant.

(2) The best investment you can make is an investment in yourself. The more you learn, the more you'll earn.

(1) The difference between successful people and really successful people is that really successful people say no to almost everything.

Bruce Lee Quote :

"I fear not the man who has practiced 10,000 kicks once, but I fear the man who has practiced one kick 10,000 times."

#巴菲特的五句名言

《兩個機會》故事分享

如果你是個年青人，你會點面對難關? 無論順境逆境，人生真正能擁的有什麼?

故事全文內容:

從前戰亂，有個年輕人好蛇呱，剛剛適齡被國家徵召去當兵。佢心諗:「死啦死啦，我咁怕死，點算好呢? 」

佢阿爺就嘗試開解佢，同佢講:「孫仔阿孫仔。我都好唔捨得你去當兵，無奈依家戰亂， 每個人都會國家出分力。不過，無乜好擔心，當了兵，有兩個機會，一，係做內勤職務、二，係做外勤職務。如果你被分發到內勤文書單位，咁就乜事都無啦！」

阿孫話：「咁，若是被分發到外勤單位呢？」

爺爺又說：「咁仲有兩個機會，一，是留守在國內， 二，是分發到國外。如果你留守在國內，也不用擔心呀！」

阿孫再問：「咁，若是分發到國外呢？」

爺爺又話：「咁仲是有兩個機會，一，是後方，二，分發到最前線。如果你係後方，也是很輕鬆好多！」

阿孫再追問：「咁，若是分發到最前線呢？」

爺爺又話：「那就仲有兩個機會，一，行行企企， 裝模作樣，開兩下槍就平安退役；二，會遇上意外事故。如果你能平安退役， 咁就乜事都冇啦！」

阿孫再問：「咁，若是遇上意外事故呢？」

爺爺又話：「咁仲有兩個機會，一，是受輕傷，送回本國 醫治兩下就返屋企；二，就是受了重傷，可能已經當場不治啦。如果你受了輕傷，返咗屋企囉，小小痛，咁就不用擔心呀！」
 
年輕人最恐懼的部分來了，他顫聲問：「那……若是遇上係「二」呢？」

爺爺大笑：「如果真係咁黑仔，你人都死咗啦，仲有什麼好擔心的？ 到時要擔心的反而是我，白頭人送黑頭人。不過,孫仔孫仔，到仲有兩機個機會，一，就係乜乜乜乜，二，就係乜乜乜乜..... 」爺爺繼續數落去， 數下數下， 大家就嘻哈大笑，依刻阿孫仔就突然恍然大悟 。

故事帶出什麼道理?

佢明白到順境逆境，人生唯一真正擁有的就是不斷的抉擇。 你有幾多個機會，完全係取決於你用什麼態度去面對難關。

香港肺炎第三第四五六波無人想，但每一次你都有兩個機會，唔理開大定開細，你去爭取之餘，結果係點，你都仲有兩個機會。

成功嘅人，就會把握每個機會， 衰咗? 仲有兩個機會。 失敗嘅人，就連個機會擺喺自己面前都唔知，繼續係道怨天怨地，而依家全香港，全世界人都其實同肺炎打緊仗，每個人都係道當緊兵。 樂觀啲， 無論結果係點，你都仲有兩個機會。 保重，加油!

#勵志故事，#創業分店

。。。。。。。。。。

【李根興的生意哲學】剛出版，創業故事+理論+揀舖+忠告，合共約360頁，定價HK$198。訂書可whatsapp我 (＋852) 90361143。 有我親筆簽名及 personal message。各大書局(三聯/商務/中華/天地/樂文等)現也有售。

盛滙商舖基金公司網頁
www.bwfund.com

李根興創業之友 (講生意) https://www.facebook.com/EdwinNetwork/

李根興商舖之友 (講舖) https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

因我支咪壞壞地 所以有啲訪問片段用唔到
受訪幾位唔好意思

最近有好多原因另到場運動淡左落尼
但係我地絕對唔可以原諒呢個政權
如果唔係逝去嘅戰友又點會安眠
點對得住被捕、受傷、離去既手足既血


我自己真係好鍾意呢首歌
好多謝阿李願意比我搞條片
佢啲詞真係好正 大家快啲支持
▼Anson CTH
Youtube: https://www.youtube.com/channel/UCTnI...
Instagram:Chiangtsunhin
▼ Contact 阿李
Youtube: https://www.youtube.com/channel/UCFlS...
Instagram: https://www.instagram.com/mc.ali.andy/
Facebook: https://www.facebook.com/mc.ali.andy/

曲、編、詞 - 阿李 製 - Anson、阿李
___________________________________________________________
歌詞：
當我背上了厄運 也不想背棄了責任
當我太天真
由六月開始 呢一個城市（拉開了戰線）
無諗過歷史 咁快會重現（只想可以改變）
革命 再次上演 認命 走上前線
為公義 捍衛自由嘅意志
為普世價值而奮戰
政見可以唔相同 但係政府對市民意見唔相容
條例反對咁多次 仲係當民意無意義 當無事
執意 仲係要硬過 逼市民硬碰硬 勇武反抗
極權製造人禍 再顛倒因果抹黑然後散播
你知唔知啊？權力差距 你怎麼爭取呀？
我知呀！難道看到不公不義也要放棄嗎？
你又明唔明呀？當你走出去 代價太大呀
我明呀！我也怕犧牲 就當我太天真
個政體一直荒廢
一條條例 再一次引爆制度問題
當一切失去制衡 先發現公權力可貴又可為畏
當自由被鉗制 公義被摧毁
呢個地方人民只係螻蟻 被所謂嘅穩定蒙蔽
再畏懼都要企出嚟 因為唔想再下跪
聽到槍聲 我會抖震（滿佈子彈 一堆伸縮棍）
穿起裝甲 不斷逼近（怕會失手 十年嘅囚禁）
是我太天真？還是你看不清這黑暗？
難道你聽不到這裏沉重的吶喊聲音？
煙火之中 穿梭黑暗（佈滿血漬 凌亂嘅足印）
一堆黑影 漸漸逼近（不斷收緊 重重嘅圍困）
是我太天真 因為我真的不甘心
當我背上了厄運也不想背棄了責任
就當我太天真
冇迫壓 又點會令民怨四起 要求改革
因為再無選擇 所以革命先會爆發
個體制分唔清黑白
利用制度 掩飾警暴 無一個警察被告
橫行舞道 怨聲載道
高官好高傲 市民好憤怒
所謂和平理性溝通係無用
權力被放縱 自由同法治都可以斷送
親公 民眾只有被愚弄
有人覺得我哋強弱懸殊（點解仲要選擇對碰）
有人覺得我哋只係多餘（命運又點到你掌控）
你分得清黑白 但係拒絕付出 推動變革
咁多大道理 講到尾 你只係怕 唔想付出代價
放棄揭穿大話 繼續扮啞
逝去嘅戰友 又點會安眠
離去嘅戰友 有邊個可憐
我也怕失去了十年
我也怕跟惡魔糾纏
你怕 我同你一樣都怕
怕痛 怕子彈 怕俾人虐打
我怕被打壓 怕被射殺
怕被囚禁入臭格 一樣怕被還押
呢個地方奴隸思想植根 自由唔值得年輕人犧牲
但係我哋就係太天真
發夢 只係因為良心
聽到槍聲 我會抖震（滿佈子彈 一堆伸縮棍）
穿起裝甲 不斷逼近（怕會失手 十年嘅囚禁）
是我太天真？還是你看不清這黑暗？
難道你聽不到這裏沉重的吶喊聲音？
煙火之中 穿梭黑暗（佈滿血漬 凌亂嘅足印）
一堆黑影 漸漸逼近（不斷收緊 重重嘅圍困）
是我太天真 因為我真的不甘心
當我背上了厄運也不想背棄了責任
就當我太天真