「中秋節電影特選」
《你的名字》中的半月神話
—
中秋節點解會同《你的名字》有關？月亮除咗表達緊動畫入面時間嘅推移，或者主角身處嘅地方，其實仲好有意思。例如連電影主角瀧喺食拉麵果陣都著住件「半月」tee，得閒無事就影住個月亮，電影中每個月亮scene其實都有強大嘅象徵意義：每個人生來都係一個「半圓」。
—
瀧同三葉，唔知點解無啦啦會相愛，唔知點解無啦啦會忘記對方，又無啦啦會有同對方相處過嘅印象，以最簡單嘅話語去講，就係「感應」，而半月半球體嘅意義，其實係出自一個有關希臘神話嘅典故。
—
根據哲學家柏拉圖嘅《會飲篇》，佢引述咗阿里斯托芬有關人類起源嘅故事，人本來係以球體嘅形式存在，有兩塊面，四隻手四隻腳，亦有兩組生殖器官，而因為人嘅存在對眾神嚟講係一個威脅，所以大佬宙斯就決定削弱人嘅力量，將人球切開一半，亦即係人呢家嘅果個樣。
—
而根據呢個神話，人由出生開始就只得一半嘅身體，係唔完整嘅，而人生在世嘅意義，就係不斷去尋找注定而失落咗另一半。
—
所有人都係個半球體，就係《你的名字》入面一個極其核心嘅概念，喺成套戲入面三葉同瀧都不斷致力去尋找對方，甚至感應對方，亦所以電影經常會映住夜空嘅半月或者有類似嘅意境。
—
而同中秋節又有咩關係？中國人有句說話叫「但願人長久，千里共嬋娟」，意思係喺同一個月光之下，大家都係團圓的，縱相隔千山萬水，但係我哋都喺同一個世界，有同一樣嘅經歷。呢樣嘢可以呼應去瀧同三葉喺彗星來襲嘅時候，即使大家喺唔同嘅平行時空，但一齊經歷過災難，互相幫助，一切都係宿命，最後終於可以喺同一個時間點重逢。
—
你又搵到自己命中注定嘅另一半未？中秋節快樂。
—
圖片來源：https://www.getit01.com/p2018020126537554/
但願人長久千里共嬋娟意思 在 “但愿人长久，千里共婵娟”，婵娟到底是什么？原来这么有内涵 的推薦與評價
... <看更多>