【懶人文字版食評】🥢 佐敦醉瓊樓客家菜
💡間中都收到好多觀眾提供一些餐廳資訊，叫我去試一試。今日揀咗一間，這間差不多有60年歷史的醉瓊樓。位於佐敦，其實灣仔都有一間醉瓊樓，但係其實兩間絕對沒有關係的。正所謂你有你做佢有佢做。兩間醉瓊樓都有試過一兩次。佐敦醉瓊樓主打做傳統客家菜，今日就做一個懶人版食評同大家分享一下!
🏠環境
想玩懷舊feel的絕對冇得輸。餐廳基本上沒有大改變。停留於50年代。勁有王家衛春光乍洩feel。其實想來打卡一樣咁正。不能夠奢望樣樣執得好正。基本衛生是OK的。兩個人來的，一定揀2樓坐，好多卡位，私隱度極高。
🤷🏻♀️服務
怎樣講，都係大家預計到的，有一個好親切的廣東話大媽控制主場。你又不能說他的服務不好，但係總係比你嘅感覺在一個親切的飯堂一樣，不拘小節。都算有求必應。至少沒有俾個黑面你，基本招呼應付得到的。
🍲食物
食物算係最高分的一環。先講份量，當晚叫咗個二人餐，基本上一定食唔晒。價錢398 ，其實係二至四人冇問題，套餐內全部都係招牌貨，當晚同老婆都唔想諗咁多，所以就揀咗這一款套餐。反正食唔晒可以打包。梅菜扣肉，以前用一個鐵鍋上菜，現在就用碟上，扣肉肥瘦均勻，肥的部份，帶點黏，扣肉都炆好淋。識得食，梗係食梅菜，喊中帶一點甜，味道甘香，加上扣肉。絕對係邪惡首選，只能夠間中食下。另外鹽焗雞, 肉質鮮嫩，鹽香味突出。做咗幾十年，絕對穩陣。鑊氣十足，每樣餸都熱辣辣。套餐內的客家釀豆腐及胡椒豬肚湯，用了份量足夠，基本功紮實。唯一要彈一彈，就係始終用油是多了一點，細緻度可以掌握得好啲。例如釀豆腐的汁，略為重手，調校一下就會更加好。
🌟3.5/5
整體各方面都算係合格，始終這類型的餐廳，主打食品，環境服務不太差，已經算係不錯。經營60年絕對不是簡單，保留上一代的傳統中菜功夫現在已經買少見少。
👉佐敦醉瓊樓客家菜館
佐敦西貢街7號地下
港鐵佐敦站 B1 出口, 步行約3分鐘
23842423
#醉瓊樓
#真實食評
#吃喝玩樂
