【賤過企街】
既不是網紅，談不上文妓，連企街都不如。
作為呢個專頁嘅主理人，從來都任性亦面皮厚，不嬲都唔在意批評，指責，乜都齊，畢竟每個人嘅思想都不一樣。但我的確在意同關心大家每一位嘅睇法，至少每個post希望盡力做到幽默嘅有娛樂性，資訊性嘅要準確，詢問嘅知無不言。
不過，偏偏近日竟然有一個fan（以為佢已unlike），令我重新思考，所謂嘅版主、網紅、KOL、influencer、到底係乜？
係賤過企街！
FB成億個專頁，每分鐘幾百萬個post，呢個專頁細過灰塵，呢條低質華僑死Agent嘅存在意義低過細菌。只是今時今日香港，真係好多人有移民嘅諗法，可惜一街都係老千同誤解。所以我只希望盡下力反影真實嘅一面，令大家了解多啲英國各樣嘢之餘，同時又能夠輕鬆玩下。我真心樂意解答大家嘅疑問，移民程序，生活細節乜都好，本來懶到幾日覆一次，依家儍到十分鐘100%回覆。為嘅係迫自己做到最好，為嘅係一份對得起自己對得起大家嘅滿足感！
為做生意嗎？要用咁嘅心機同時間，靠坦白誠實去「嚇鬼」同「趕客」做到生意？咪玩啦！
事原是咁的，遠古之前這個follower，inbox我討論英國移民簽證嘅問題，解答後如常得到一句「唔該晒！感激你！」，事實已經足夠。之後無幾耐，有個post玩下余文樂結婚令「港女失望」，誰不知唔覺意傷了佢嘅玻璃心心，佢狠狠咁質疑我嘅人格。追住連續鬧足兩三日無所謂，唔啱心意嘅unlike同unfollow囉，這是呢個專頁嘅常態。
一年後嘅呢兩日，呢個人竟然再出現問我英國改移民政策對佢有無影響（？！）。我點會咁有記性，記得邊個鬧過我（太多喇！），反而係我真係記得同我講「唔該晒！」嘅每一位。佢嘅再出現同詢問，令我感覺到嘅並唔係嬲，而係無限嘅無奈，不其然唔知自己年幾以黎，做咗咁多之後似啲乜？
網紅都有廣告吖？文妓都有一大堆五毛讚揚吧？企街每次都有錢收吖？
原來我比慰安婦咁慘，有需要時就用「唔該晒」揾我黎解決，唔高興就囉黎大力鋤，下次有需要就再「感激你」，我係要當無事發生過再幫手解決嘅...
Photo Source：
一啲都唔靚仔，亦結咗婚嘅余文樂
《一念無明》截圖
#你不是恩客
#我不是企街
#大家是對等
#我
#唔係網紅
#唔係KOL
#不做文妓
#只做自己
