醫管局係一隻幾大嘅怪獸，我同大家都聽過好多次。而家叫做正式返左工九個月，有第一身感覺，果然唔同啲。
（一）
係武漢肺炎影響下，好多嘢都變左。
上次我講到，醫院忽然好似健康左，處理真正有需要入院嘅問題。呢個愉快嘅感覺好快就無左。
香港疫情好似有所緩和，善忘嘅香港人開始忘記。大家開始出街，亦開始入院，院霸亦都回歸。雖然整體上人數好似依然少左，但加嘅床依然係到、走廊依然咁窄。一黎入院人數好浮動，病房經理唔敢收起床位；二黎，有人同我講，高層又開始唸嘢。
佢地可能係見到原來罷完工病房都仲運作到、佢地可能係見到而家病房有「剩餘資源」、亦可能見到病房佔用率有下降跡像，有高層就係呢個時間唸到一個比相對論更偉大嘅想法，各位觀眾：
CUT BUDGET！
我唔識高層係睇咩指標去決定呢條數，但我又真係唸唔到有咩有意義嘅指標係可以指向係而家減經費。
有無知情人士可以教下我，呢條「相對論」究竟係點唸出黎？
#所以圖中嘅病房係今日依然一樣
#你仲同我講派魚蛋杯麵
#你仲同我講減免註冊費
#DrWhoHK
