評《逆權庄家》: 商場癮君子 越deal越high
《逆權庄家》基本盤係sell兩大演技派黑人演員鬥戲，結果效果不俗。電影以棋局式鋪排，「我估你估我估你會點行下一步」嘅設定甚為聰明，戲中唔少對白亦見蘊含智慧。
兩位主角以Samuel L. Jackson較為搶眼，飾演賤賤格格入世大人物始終係佢拿手好戲。至於獵鷹Anthony Mackie則受角色局限，俾佢發揮同創作嘅空間十分有限，令佢明顯比下去。
主角最大問題在於其出發點略嫌模糊。純粹貪錢?唔係，從小受壓逼要白手興家出人頭地?又唔係。其實有提到嘅，佢最主要係想透過商業手段，為地區黑人建立相對上有質素嘅生活。不過，得個講字，拍唔出佢嘅善心同決心。
鬼哥感覺主角只係一個商場癮君子，佢透過瞞過白人攏斷嘅商業世界，成功「埋deal」而獲取滿足感，其實有啲似侵侵。
咁樣嘅設定，令電影整體牽引動力不足。詭計->埋deal，詭計->埋deal，係咁loop，推進缺乏高潮起伏位，欠缺所謂「逆權」嗰種翻盤或者最後勝利嘅滿足感。中譯戲名「逆權」二字，今次用得太濫啦。
《逆權庄家》雖然成功凸顯早期(或諷今)種族歧視嘅荒謬不公，可惜鋪排平凡。再者，相信香港觀眾對角色生平故事興趣亦麻麻，導致投入度不足。
鬼哥俾63分。
#逆權庄家
你估我估 在 #你估我唔到- YouTube 的推薦與評價
你估我 唔到｜智雯自創「三文魚歌」｜黃智雯｜林盛斌｜張秀文｜ ... 你估我唔到｜薛家燕：我話你知你今日贏嘅機會係零呀！｜張秀文｜Bob. ... <看更多>