關於 你哋能夠自己照顧自己 ，我們在網路上蒐集到這些相關的討論、資訊與評價

🥰
#你們再不是小孩 #放手給你們高飛
#認同 #認可 #信任 #互相倚靠
#父母不是永遠高高在上
．
前日真係覺得心口好唔舒服去咗伊利沙伯睇急症😷
去到急症室分流就直接去見醫生完全唔使排隊😳
嗰一刻個心真係驚一驚，仲以為自己有啲乜嘢事😅
原來姑娘見我心率同血壓亦都好低，加上怕我隨時搵暈，所以直入仲要我瞓床😅，醫生同我check咗一啲大問題嘅測試都話我冇事，只係唔知點解心率同血壓好低🤦🏻‍♀️⋯⋯
😵
因為突然間要等啲測試報告要兩三個鐘，趕唔切返屋企煮晚餐，好彩出門口之前我已經準備咗晚餐啲餸，打電話返去叫Oscar & Jada嘅幫手煮飯，近排操練得多，佢哋蒸嘅文昌雞我都比100分🥳，三個餸我返去試過👍🏻👍🏻，係個炒雞柳咸咗dd！下次加油！
☺️
我個工人真係小朋友都不如😤

Oscar & Jada Ng感恩有你們！
連你爸爸都未識煮嘅嘢，你們都可以用電話問我自己完成！可見你哋對自己的認同及自信，媽媽以你們為榮！

#活在當下 #好重要
#叫佢地上網跟我食譜斬雞😅
#你哋能夠自己照顧自己
#能對自己認可
#比每科攞100分更重要
#加油💪🏽 #oscar #jada #mykids #myfamily #cookingkids #fourkidsmammy #joanfamily

「他們絞盡腦汁賺錢，與家人關係疏遠……」10歲的小天賜乖巧地在家跟媽媽朗讀課文，見天賜媽的笑容，相信她對兒子相當滿意。他們家不是很大，裝潢亦十分簡單，但對兩母子而言已是安樂窩。平凡的幸福對他們來說，尤其是在天賜媽眼中已算是奢侈，因為她差點兒失去自己的寶貝兒子。

天賜現時精靈活潑，難以想像他剛從鬼門關幸存，他去年患上急性淋巴白血病，一度要進入深切治療部，令天賜媽萬念俱灰，「（當時）我知道捱過這呢關就真係好大幸啦，因為ICU（深切治療部）主管話，60%病童就係因為感染就咁離世。」天賜媽當時已做好最壞打算，「如果上天真係咁殘忍要帶走佢，依家白血病嘅研究又係咁少嘅，我都願意將佢捐出去做大體老師。」

幸而天賜就像他的名字般，得到上天的眷顧，成功戰勝病魔留得住性命，可是不等於一切都已經解決，「之後情況雖然是樂觀，但都仲係要坐輪椅，好似一個六個月大嘅BB咁，坐都坐唔穩」。單單是兒子虛弱的身體狀況都足夠令天賜媽感到痛心，加上她身體都有很多地方不適，「又血壓高、又青光眼，腰椎又退化，成身麻痹，感覺好辛苦，但為咗天賜我都要撐落去。」

為了一口氣撐下去，鬥志雖是可嘉，但自己的身體欠佳下要頻繁地往來醫院照顧兒子，令天賜媽疲於奔命。幸好身邊有不少有心人幫助，她從醫務社工得知香港麥當勞叔叔之家，「就係專門為病童家長而設嘅，可以過嚟呢邊煮飯、煲湯，又有車接送（往返醫院）」，令天賜媽得到喘息的空間，「喺你最危急嘅時間、最密集返醫院嘅時間，（香港）麥當勞叔叔之家就助你一把。」

除了現實的便利，旁人的協助也紓緩了天賜媽的巨大的壓力。「義工、姑娘、醫院的牧師都幫我哋好多，送心意卡畀我哋，希望我哋有一個信念向好方面諗，畀正能量我哋，我覺得心靈嘅安慰是需要嘅」，香港麥當勞叔叔之家也有不少義工服務，令天賜媽及其他家長感到支持及溫暖。

在家舍的其他家長也是令天賜媽堅強的力量，「大家互相扶持，同路人就知道同路人嘅心聲」，原因是大家都知道康復路上的艱辛，行過來並不容易。「無同路人嘅分享，就會向壞方面諗，但有同路人經歷，話你聽路係咁行，就會有心理準備，鬥志都會多啲。」

在旁人的支持鼓勵下，加上自己的堅毅，一家人總算挨過最苦的日子，天賜也逐漸康復，現時進入維持治療的第二部分，他們也是時候離開家舍搬回家中，「返去係高興嘅，但總有啲唔捨得，唔捨得嗰邊嘅姑娘、義工。」

香港麥當勞叔叔之家慈善基金總幹事黃婷婷，在天賜媽母子離開前也特意探訪，對他們可以安然度過難關感到鼓舞及高興，「小朋友突然患重病對一個家庭嚟講係巨變，我好很慶幸可以幫到好似天賜同佢他媽媽嘅家庭，見到佢哋能夠完成療程、一家人返屋企係最鼓舞。」黃婷婷也祝福天賜媽母子回家後一切順利，「都希望前面嘅路，我哋大家都可以繼續支持佢哋。」

天賜媽也不忘旁人在自己逆境時的幫助，「經過呢一年生離死別，我見到我哋有事嗰陣，我哋唔識嘅人都嚟幫我哋，我哋係好感謝」，她也說未來自己有空時，可以回家舍做義工，為其他同路人打打氣，「大家都加油，人生有好多挑戰，有咩事都一定要出聲，好多人都好樂意幫我哋。」

見到兒子健康，天賜媽神情盡是苦盡甘來的喜悅，「最重要係個仔好返，佢可以返學係最開心，見到佢一日比一日強壯係感恩。」天賜學業上非常勤力，繪畫也有天分，天賜媽對兒子未來可有期望？「佢健康快樂就可以啦，我都唔期望佢要做咩，只要佢他開心嘅我都支持佢去做。」

第112故事《善良、盲女子》你是否和這女子一樣?

從前有個女仔好善良好可愛，可惜自小就盲咗對眼。 因為咁樣，佢身邊好多由細玩到大嘅朋友逐一逐一離開佢， 新認識嘅朋友又好少搵佢。 佢感覺好孤單。 

除咗有個男仔， 一直對佢好好， 由佢盲咗無幾耐後認識， 咁多年來都一直都關心佢、照顧佢。 個男仔一直贊個女仔好美麗， 從來唔覺得個女仔係「盲」嘅， 因為佢相信「內在美」係最重要。 不知不覺，佢哋双双墮入咗個愛河。可惜個女仔一直好介意自己係盲嘅， 好怕同個男仔一齊會連累埋佢。好幾年後，個男仔終於鼓起勇氣去向女仔求婚。 

個女仔話: 「你係全世界對我最好嘅人。只要我能夠親眼望到你，我就會嫁俾你。」

之後，等咗好耐好耐， 終於等到有人捐對視網膜畀個女仔啦， 個女仔做完手術，終於可以睇返嘢啦! 

個男仔呢個時候同佢講，「你嫁俾我啦!」

個女仔依家見到佢啦，但佢好驚訝 ，佢講乜呀? 

「原來你係盲㗎! 咁我搵第二個男仔啦，我唔嫁畀你啦!」

個男仔非常之傷心，另轉面揼低頭，一路喊，一路走咗去。

過咗陣，個女仔就睇到張枱上面有張男仔留俾佢嘅 note, 上面寫乜? 

「Please take care of my eyes. I will always love you!」(請好好照顧我双眼， 我永遠愛你!)

個女仔好後悔， 含住淚再嘗試搵番個男仔。可惜，已經永遠再搵唔返佢! 嗰女仔呢世個心靈，都永遠有個填補唔到嘅缺口， 抱憾終生。故事帶出咩理念? 

啱啱嗰個係我二女 Casey, 我冇同佢預告個故事內容㗎，啱啱真係佢嘅自然反應。

呢個故事，我成家人今晚都傾都好耐背後嘅理念。 如果你有仔女，我都鼓勵你同佢哋傾下。

你同我都可能同個盲嘅女仔一樣， 好想得到一樣嘢嘅時候，就覺得只要得到嗰樣嘢就乜都得。可惜，得到後，就往往變得更加「貪得無厭」，忘記咗感恩同背後嘅初衷。 有時甚至乎講咗啲說話、做咗啲行為，係永遠都彌補唔到個傷害。 我講緊係你點樣對你身邊嘅親人、伴侶、老闆、員工、朋友、合作伙伴。唸一唸，你有無做過? 

根據美國 Dale Carnegie Training Institute, 佢喺全球研究咗3300個員工， 85%嘅員工都覺得老闆 show appreciation (感謝員工功勞) 好重要， 可惜少過一半話老闆有慣性咁做。76% 嘅員工覺得老闆贊多啲 (give praise and honest appreciation)，鼓勵性遠遠大過只係 focus on getting the job done (只為專注完成件事)。 贊人，就好似做gym咁，做完要再做， 經常做, 日日做。罵人，就好似係幅牆道，打粒釘入去咁， 即使掹返出嚟，都永遠有個窿。

我經常話:「最好嘅嘢已經喺身邊」 Believe me, 好珍惜佢、贊美佢，凡事會變得更加好。你依家對眼望緊嘅世界又點呢? 

#善良盲女子，#珍惜身邊人，#多贊美

盛滙投資商舖基金/買舖/租舖/放舖熱線: 2830 1111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

購買李根興的「買舖 要買得 PRO」書，請付款$198，透過以下渠道:

(1) PayMe at 9745 3555
或
(2) 永隆銀行戶口
020-644-0000-3123
(Bridgeway Development Company Limited)

付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!

一條馬路，隔開了城市與鄉郊，一邊是高樓和商場，另一邊是村莊及耕地。兩邊就這樣對峙着，直到一個討論了超過十年的發展計劃踏入收地階段，這條馬路終於還是擋不住推土機。走進即將被拆遷的馬屎埔村，領路的竟是一隻貓。而來到轉角，一位義工抱起了眼前的貓，跟我們談起了發展區內的這些年。

義工名叫陳大吉，是「東北反逼遷動物戰隊」的十個成員之一，「鄉郊地區有好多動物，有貓、有狗、有羊、有牛、有豬，但係我哋講緊土地問題嘅時候，好多人都睇唔到呢啲動物嘅存在。」大吉摸着貓咪的頭說道。要保護這群動物，為牠們爭取生存的空間，也就是「動物戰隊」名字的由來。

鄉郊動物超過4000隻

團體在2017年暑假開始，統計了發展區內動物的數目。「動物戰隊」用僅有的人力，一年裏跑遍大半個東北發展區，訪問了216戶村民，了解他們飼養動物情況和餵養社區動物的數量。最後估算出起碼有4000隻動物以這裏為家。為了在清拆之前妥善安置牠們，戰隊努力和村民溝通，一方面安排領養，另一方面亦要為牠們絕育，以減少繁殖數量。

除此之外，團隊也試過找政府官員討論，研究如何安置這4000隻動物。無奈的是，政府部門之間都在推卸責任，有的說要找發展局，有的說要找漁護署，「最新嘅回答係食環署，意思就係呢啲社區動物係講緊衛生問題，咁被捉到就要死喇。」陳大吉感到氣憤難平，「喺政府眼中，呢啲動物全部都唔係生命！」

4000生命何去何從？

在這4000隻動物裏，有一部分是有主人的。陳大吉表示，在現有政策下，想要帶家中的寵物住進市區也不是一件容易的事。以公屋為例，要帶狗入住的話，可以申請伴侶犬。但前提是主人必須要從精神科醫生那邊取得醫生紙，證明自己有精神上的需要，房署才會接受申請。就算房署批准了，飼主也只能夠帶上一隻伴侶犬。然而在鄉郊地區，家中養上兩、三隻狗是一件很平常的事，房署政策就意味村民上樓可能要拋棄餘下的家犬。

至於能夠「上樓」的動物，也需要時間習慣市區生活。大吉解釋，鄉郊的動物閒時都是放養，會在村落裏自由走動，要困在房子對牠們來說是痛苦的。有因吵鬧而被鄰居投訴的，也有適應不了城市環境最後鬱鬱而終的。

在訪問進行期間，不遠處突然傳來巨響，驚動了大吉懷中正在熟睡的貓，眨眼間，貓就逃進屋裏了，「隔離地盤開始打樁，啲貓最鍾意匿埋，環境一嘈佢就匿埋。所以當個地區一收地嘅時候，推土機一壓過去，就大家一齊死喇，佢唔會理你下面有啲咩。」

政府理應負上責任

5月3日，立法會財委會通過新界東北發展項目第一期工程等撥款，代表收地和清拆的工作即將展開。大吉坦言，自己只能盡力搶救，並希望在推土機到來前，政府能為這些動物負上少許責任，「本來呢個地區唔拆，我哋努力做絕育嘅話，其實動物會喺呢到生存得好好，然後慢慢老死。」所以大吉認為政府應該興建一個領養中心，讓市民可以前來領養或是協助照顧。

面對發展，這些動物未必有能力反抗，牠們甚至不會知道自己的家園即將被拆去，但這是否代表牠們的生命不應被尊重？今集《港。故》用8分鐘，帶大家來認識以守護野孩子為己任的「動物戰隊」。

-------------
《港。故》：東網每周專題習作，講故事、講香港人的故事。
Fb：http://bit.ly/oncckonggu_Fb　
IG：http://bit.ly/oncckonggu_IG　
Youtube：http://bit.ly/oncckonggu_Youtube