《法證先鋒4》張頴康是漆黑中的螢火蟲
～ 之前並非想劇透張頴康是兇手，他的角色和張文慈一樣，唔搵佢做兇手，求其搵個人做張曦雯大佬都得啦。今集那個扮成手足的黑衣人，一睇就知係小豆啦，這個唔駛解釋，正如《國產零零漆》所言：「你啲咁出色嘅男人，無論喺邊度，都好似漆黑中嘅螢火蟲一樣，咁鮮明，咁出眾。你憂鬱嘅眼神，唏噓嘅鬚根，神乎其技嘅刀法，同埋嗰杯Dry Martine，都徹底噉將你出賣咗。」
～ 睇埋今集，可以說唔單止𡃁妹同秋姐係佢殺，陳敏之死於美國的家姐都係佢殺，殺死李漫芬的第二人格只係模仿犯。
～ 陳敏之段戲如過有法庭戲就好咯，有齊證物咩？未必！雖然頭盔有頭髮，外套手䄂皮革部分有血跡，但因為戴了手套，刀無指紋，現場無其他人證，第一人格無記憶，只要第二人格唔出現，唔自爆係兇手，其實可以懷疑揸刀殺人者另有其人，陳敏之只是企响側邊才染到血。就算第二人格出現，由於是精神病的一種，她的口供法庭會接納嗎？辯方一定會否定這份口供，不將它列入證據。
～ 𡃁妹嘅抵死度其實唔及李漫芬，點解小豆要殺佢呢？
～ Queen的吊高嚟賣病又發作，之前明明想嫁Louis，人家求婚時病發拒絕，終於人都死埋冇得嫁。今次主動地買舖幫人家姐，做做下Yoga又突然病發，唔肯見King，扭扭擰擰，重蹈Louis覆轍，不過，好可能這是King的死亡flag。
～日光日白咁樣搶隻錶？攞去當又唔值錢，收賊贜嘅又唔會收一件咁單丁，搶來自己戴咩！不如搶手袋啦，起碼有現金。而且人地追到咁貼，掟番隻錶俾佢，自己走甩咪算咯，這真是個怪賊，𢱑頭！
～ 紥起頭髪的張曦雯成日覺得個樣變左，空姐look如是，新娘look如是。
～ 好開心呀！分手！正！
～ 施嬅知道秋姐死了，行去秋姐那邊的鏡頭，本來表情充滿變化，一鏡直落會好睇，分剪其他鏡頭入去，實在浪費。
～ 戥秋姐難過，相信目標不是她，只是因為見到案發才被殺，始終飲唔到杯茶。
～ 秋姐死，有人會乘虛而入，局勢未明朗。
