關於 你滿唔滿意 ，我們在網路上蒐集到這些相關的討論、資訊與評價

［今日寫呢啲］事忙，晏咗出Patreon，同埋可能將來預告版寫少啲。況且今日寫啲嘢都要係Patreon版先寫得深入

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

首先，星期一預告咗買隻港股，星期二就買咗。絶不走數。亦唔係「買一股都係買」咁賴皮，一早講明買幾多。想知邊隻就睇文，雖然冇乜咁難估。

又，星期二隻嘢開市升我都係買照落去的，一貫作風，我都唔明做乜要縮骨到排嗰一兩格，當自己對沖基金做arbitrage？一向都係market價買，又唔係買幾千萬。買得就唔會只係睇10-20%，唔睇幾倍都至少四五成啦（當然要啲時間），所以我先唔會貪嗰一兩格，因小失大。

冇喎，結果一買完即跌。又如何？言者無心，但有時啲讀者問我，「你隻XXX我一買完就跌喎，點算」，我就都幾扯火。一來，幾時變咗「我隻」？二來，有乜點算？咁一買完就升你又點算丫？你話賴皮都好，但，唔係升就跌架啦。想唔輸錢嘅，買完兩日跌5%問點算嘅，好簡單，唔好買。Have fun stay poor

亦都見到我係身體力行，「輸就兩份」，我戶口長期都唔會有六位數（港紙！），一有幾皮嘢我就會拎去買晒股票，stay invested．係架，「如果下個月股災咪冇錢買咯」，係喎，但，「如果下個月唔股災呢」？咁你見，舊年3月23日標普指數到而家升一個開，完全冇10%嘅調整，就算你等5%都差不多一年冇見過，等到幾時？況且，唔好自欺欺人啦。下個星期美股跌10%，我保證你一樣唔敢買。

大市嘅，冇乜特別啦，今日我直頭都未睇升定跌（居然有人以為我係成日望住個市的，望住有乜用？我就夠望住李佳芯啦）。咁星期二反彈嘛，很好，但，有人話見底未？答案係：我點知？

有人話「確認」見底後先好買，諗真啲，都幾廢話。梗係當咗好似「確診」咁有個報告畀你。點「確認」呢請問？美股升成個開都仲有人話「都係靠印錢吊住」。甚至由2009年升足十年，都有人話「冇解決到實體經濟」。點「確認」？我話你知，多數就係升咗十倍啲友先「確認」！然後咪摸頂！

（真係唔係講笑，昨日咁啱係添曲接手蘋果十年，好似股價升咗十倍，史上創造最多財富嘅CEO，冇錯，多過Steve Jobs同Jeff Bezos Elon Musk，都仲有人去問到底人地掂唔掂，點「確認」？）

咁當然，大約都有數計下嘅。之前都同你計過恒指啲咩price to book 之類。但，「如果金融海嘯咁大鑊咪1.1倍」「肺炎咁大鑊咪0.9倍」。咁但，由「好平」到「好撚平」，0.9-1.1倍呢度都4000點以上，唔係啲跌300點又股災嘅人可以食到。況且，跌到0.9倍，你咪又係會話「監管風險冇得量化」，正如舊年你都話「肺炎風險冇得量化」，2008年都係「資金本主收皮可以好大鑊」。不過你見Cathie Wood咪又係一個屈尾十買返京東，你咪去屌佢轉軚跪低咯，人地買之前要話你知？「監管風險冇得量化幾平都冇人買」呀可？

最後，標普環球SPGI，我就唔知你滿唔滿意，我本人就好滿意，今年都升超過三成，你都唔滿意嘅我唔知你點先滿意，唯有祝你滿意。但事實係舊年12月我一寫就跌咗13%添，咁你「止蝕」嘅咪冇後來嘅事

但講返，舊年12月寫，因為舊年全球最大收購就係SPGI做，買IHS Markit，好多人聽都未聽過呢兩間公司，然後我先去睇

不過而家，而家又話可能唔批喎，咁買咗SPGI嘅點？（我都有）。文入面講

最後，就真係賣關子啦，真係有眼不識泰山，今日先發現有隻相當有趣嘅美股，唔係垃圾倉細嘢，標普500成份股呀下，陰功，我聽都冇聽過。但，掉轉頭，500隻（＊）你又識幾多隻？

業務相當有趣。或者話，相當沒趣！就係沒趣所以有趣！如果我有錢我就買！可惜我冇錢（都話買咗隻港股）。咁幾時買？有錢咪買！咁幾時有錢！九月咪有！

Patreon就話你知係邊隻，應該真係會買，但頭灰定，得閒呢兩日再睇多啲先。再好嘅嘢都有個價嘛。

（＊）其實標普500指數唔止500隻。冇錯，你估到下一句係乜：「正如香港十隻白虎都唔係十隻，亦唔係香港，亦唔一係白虎」。咩係香港十隻白虎？好似野生動物雜誌嚟的。但，神聖羅馬帝國，既不神聖亦非羅馬更唔係帝國。蘇維埃社會主義共和國聯盟，四個單詞，四個謊言，如是我聞。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

［半年檢討］美股21%回報，算係咁啦。Paper Trade？唔少我都有買架！造假？你可以睇返原文，我亦冇在其他地方畀個半年展望嘅揀股。DropBox同ASML都揀中喎，有幾多人寫？係喎我唔識整光刻機喎，我識買就得啦。貼出嚟，免得有人話我齋寫冇嘢推介又唔落場。

1. 遲咗幾日，但算係咁啦，「嚟緊有啲遲咗半年一半嘅都會寫」。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折

2. 話說2020年尾，我由台北返到香港，在家隔離14天。當時經濟一週話想做個2021年展望嘅訪問（https://bityl.co/7lbO）。實情而家我係少做傳媒訪問嘅，原因亦都好簡單，cost and benefit。Benefit方面大家心知，況且我又過咗覺得自己上報紙好威嘅階段（康宏夠成日上報紙，威唔威？），紙媒影響力亦唔係當年咁。至於cost嘛，好簡單，當時又有Patreon，但又仲返緊工，好忙的。不過正如上文講，我隔離14天，就比較得閒，就所以接受咗個訪問。

3. 強調嘅係，個訪問舊年年尾做，推介咗11隻股票，9隻美股2隻港股。我並冇在其他媒體度寫過類似嘅東西，就連Facebook同Patreon都好似冇畀心水股，只此一家。點解強調？唔係因為我特別重視經濟一週，而係話你知，我冇cherry pick，唔存在話呢份就寫升 嗰份就寫跌，實有一邊中，或者呢份就揀增長股嗰份就揀價值股咁，絶對冇。你唯一可以質疑就係，如果啲嘢香晒，我就應該唔會寫呢篇文。

4. 好啦，你最關心嘅，表現。我知應該係由12月31日計起，但我懶，所以計1月4，如果你多一日即時走晒樣嘅歡迎你嚟鬧我。但，成績表就係咁

5. 美股嘅，平均表現21%。跑贏晒三大指數，算係咁啦下話？特別留意，我仲要揀9隻，而美股近年好多時升幅只係集中在少數股份，所以揀得越多，跑贏難度就越高。最好嘅，升四成，仲要係冇乜人講嘅嘢。最差嘅？原地踏步輸少少，但尾二同尾三嘅都有近10%，算係咁啦？

6. 港股，得兩隻，冇乜好講，但肯定唔算太差。一隻有得升啲，另一隻原地踏步輸少少，拉勻都仲係跑贏指數。夾埋晒，9隻嘢回報平均17.4%。你滿唔滿意？我就好滿意。咁你都唔滿意嘅我都冇計。

7. 然後講，呢堆公司絶對唔係無中生有，大多數我都持有，甚至好多你見我成日講。都唔好話Patreon，例如Black Rock，ASML，我Facebook都成日講，講到有人鬧煩。明報嘅文又寫過，我直頭2019年尾爆疫前在講座已推介，兩隻我都有買。
8. 咁另外幾隻，S&P Global （SPGI），Visa同DropBox我都有講，但唔算成日講，因為新聞亦唔多。Visa比較早期講，亦都有買。SPGI就係舊年年尾佢地買咗MarkIt時寫，我亦有買，隻嘢十世都冇新聞。DropBox就冇買，但都係舊年12月尾寫，併購對象嘛。今年升夠4成，都有啲讀者有跟。
9. Paypal都有買，但近幾個月好少寫，冇乜新聞。SalesForce都有買，但少講，因為股價表現麻麻地（但半年都有11%啦，好差咩？）

10. 另外嗰啲，就呢度少講了。P&G同Johnson & Johnson我都冇買，Facebook亦冇講，但Patreon講通脹時有寫過下，民生品牌嘛。領展寫得多丫，業績之類我都有寫下，亦都有買。華潤置地就真係冇乜點提，亦冇買，我甚至唔係好記得點解會訪問推呢隻，可能因為夠殘？

11. 好啦，唔止自吹自擂（否則我寫個中字就得啦），仲要檢討下。記住唔好結果論，投資可以right for the wrong reason，亦可以wrong for the right reason．事後睇返，當時有冇邊隻我覺得後悔，冇深思熟慮，畀我揀多次就唔推？

12. 都真係冇乜，真係講嘅就係隻華潤置地，但唔完全因為佢唔升。例如P&G同Johnson & Johnson，表現都係麻麻地，但我冇覺得當時揀錯，況且你要留意下分散唔同行業嘛。反而我覺得SalesForce揀錯咗，「實情我都唔知間公司做乜」（我知係CRM，個stock code都係CRM！），佢地買Slack買得太貴了。雖然股價表現唔係太差，所以我話唔可以只用股價去判斷最初個決定。

13. 仲有留意到，我係完全冇推任何Big Tech嘅。原因？首先因為嗰期我都係講二線科技股。二來，之前都成日推Big Tech嘛，咪試啲新嘢，加上唔少讀者嗰時已經買咗唔少Big Tech．所以你見到，有時啲人無啦啦叫我推介啲股票，都係好難做的。你要畀我知道你本身有乜先得架嘛！你成手Big Tech我就叫你買二線科技股或者舊經濟啦，但你一隻都冇我當然叫你買FAAMG。唔同架嘛！偏偏啲人就覺得我可以一句嘢啱晒咁多讀者用，唔得的。

14. 呀仲有，我話只此一家。因為就連康宏，我都冇再寫2021展望。請循其本，我12月畀人炒喎—剛剛開始想寫2021展望，證明真係唔好太早開始做嘢—咁佢炒咗我，我梗係慳返啦，仲展望？

15. 不過啦喎，2020個上半年同下半年展望，都係有的。雖然都過咗好耐，但既然講開，呢兩日都貼埋出嚟，又畀你睇下啲成績。唔開公開文件（但share個揀股名單冇問題啦），但無數咁多康宏嘅同事（啲理財顧問）睇過，唔會可以作假。

16. Stay tuned．

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

你考完 mock，學校老師畀你嘅 predicted grade 係「U 至 5**」，你滿唔滿意？🙂⁣
「梗係唔滿意啦！鬼唔知阿媽係女人咩？U 至5 ** 洗鬼佢 predict 呀？」🌚⁣
⁣
呢啲時候，賭 Sir 最鍾意包拗頸：⁣
「點解唔滿意？但係我有【99% 信心】佢個 predicted grade 係講中！咁靈都唔滿意？」⁣
⁣
-----------⁣
係咪覺得有啲唔妥？但係又好似講唔出有咩唔妥？等我講你知：⁣
其實，我哋除咗渴望一個預測要夠「準繩」之外，仲渴望佢夠「精確」。⁣
⁣
舉個例：⁣
例一：準繩 ✅、精確❌——預測賭 Sir 拎「U至5**」裏面其中一個 grade⁣
例二：準繩 ❌、精確✅——預測賭 Sir 拎「95.432%」嘅得分⁣
例三：準繩 ✅、精確✅——預測賭 Sir 拎「5**」⁣
⁣
-----------⁣
套返落去 M 1嘅 concepts，我哋對 prediction 有 2 個要求：⁣
⁣
1️⃣ 要準繩！即係 confidence level 要高⁣
2️⃣ 要精確！即係 confidence interval 要窄⁣
⁣
言歸正傳，若然要縮窄 confidence interval、即係想精確嘅話，第一個方法當然係「放棄準繩」，好似例二咁，亂咁 up 啲好精確嘅嘢，喺件事發生之前有咁仔細、講咁仔細，反正未發生，只要厚面皮大膽講，就可以 draw 到好多 attention，依家香港好多 KOL 都係咁搵食，歡迎自行對號入座😌⁣
⁣
當然，如此「降低 confidence Level 以換取 narrow confidence interval」嘅策略，係一個好唔負責任嘅方法啦！咁有冇兩全其美嘅方法呢？🤤⁣
⁣
有🤩 就係增加 sample size。用返你考 mock 嘅例子，就係要你考多好多個 mock！！！易明吖～越考得多，就越能夠反映出你嘅真正實力嘛！自然就越容易作出「準繩+精確」嘅預測。而用返你教科書啲公式，就係令分母嘅 n 上升，縮窄 confidence Interval。⁣
⁣
不過，增加 sample size 有金錢成本 + 時間成本，所以唔能夠無止境地增加🤥 而「假設」你真係能夠無限量增加 sample size，令到 n 變成無限，你望下條公式，分母變咗無限，即係個 confidence interval 嘅 width 變埋 0，令 prediction 完全準繩，又完全精確啦！⁣
⁣
邊個可以做到？上帝囉！或者，你都得！🥳 只要你能夠預先知道咗一件事，甚至呢件事就係由你控制，然後喺其他人面前扮預測，得咗！社會上好多人都係咁做，局中人揸住內幕料，對住公眾扮預測，咁梗係又準繩又精確啦！😍⁣
---------⁣
#M1解題王 會以題目 keyword 切入，同你極速 KO M1 題目；記住 Save 低個 post，方便你大考前攞出嚟溫🔥⁣
------------⁣
🎲賭Sir｜高階數學考試專家⁣
⁣
🎓21 項數學公開試．以一 Take 過考取完美戰績⁣
⁣
DSE：Math+M1+M2【5**】⁣
CE & AL：Math+A.Math+Pure+Applied【A】⁣
IAL：C12+C34+F1+F2+F3+M1+M2+M3+S1+S2+S3+D1【A】⁣
IGCSE：Mathematics+Further Pure Mathematics 【9】⁣
⁣
🖥最高人氣補習網紅・貼地教數別樹一格⁣
⁣
頻道 #杜氏數學 2016年創辦，訂閱65,000+，多條教學影片點擊100,000+；2018年獲出版社邀請，撰寫暢銷書《5**數學男人嫁得過》推廣「聰明應試」理念，並鼓勵年青人堅守自信。⁣
⁣
🧠以心理學、高效學習融入補習教育當中⁣
⁣
從中文大學風險管理學士畢業之後，鑽研超速學習法（Ultralearning）及教育心理學，將高效學方法先行用於自己身上，無間斷學習新知識；四年後重返校園，完成中文大學數學碩士（大數據分析）課程，期間考入門薩學會（Mensa），實證超速學習法。⁣
⁣
🏆座右銘⁣
⁣
好多人以為自己因為對數學無興趣，所以數學低分；事實剛好相反：因為自己數學低分，所以對數學無興趣。試諗下，若然你有歌神嘅聲線，你仲會對唱歌無興趣嗎？⁣
⁣
------------⁣
#數學 #DSE #dser #math #maths #afterschool #dsemath #examskills #mathtutor #followme #2021DSE #2022DSE #2023DSE #tutor #mathtutor #DSEfighter #tutotial⁣

一take過... 《財爺派錢...對舖，my quick view》 香港都幾靚呀! 有山有海， 何必下下咁灰呢。 我未見過一個成功老闆日日噴灰。 「天跌落嚟當被冚」先是男子漢!

錄影時間: 2020年2月26日星期三下午4時半。

無論你滿唔滿意個政府都好， 今次財政預算案真係幫到間舖、間餐廳，真係幫到我。同事們都開心。

我覺得財政預算案是幫到間舖頭三方面:
(1) 收入方面每人派一萬元， 必定刺激消費。 現在出街的人比兩三星期前都已經明顯多了。
(2) 支出方面， 減差餉減商業登記費減週年申報減利得稅， 連補貼水電排污費開支等，每間舖老闆都起碼慳返幾萬元。 絕對幫到手。
(3) 最重要是政府推出百分百擔保低息貸款。 租金及人工開支往往佔一間鋪的成本超過一半，6個月開支， 閑閑哋幾十萬。 最緊要批得夠快，一定對小生意是救命錢。

以普通一間800呎大牌茶餐廳，租金6萬元為例。 每月營業額約30萬就有錢賺。 人工/租金佔每月約15萬，x6, 即能夠借到90萬百分百擔保低息貸款。 連同政府之前話派大牌20萬緊急援助金的措施， 合共過百萬。 幫助非常非常之大。 最緊要比得快， 快過數，好多老闆我都知識唔想放棄，撐得，會繼續撐落去。

大家正面啲。咁靚，香港唔會死嘅， 鬧人唔會發達， 勤力都唔一定會發達， 但勤力起碼一定搵到食，大家逆市撐住，加油!

#勤力起碼一定搵到食

#廣告回帶：機場保安新措施　100毫升你要知

日前，立法會議員馬逢國離港，竟然可以無視機場保安「唔再新」嘅措施，成功hand carry 一支200g容量嘅髮Gel 上機。為此，小編有幾條問題，想當面問下馬議員：
一、其實你鍾意Gel 咩頭？蛋撻頭、All Back 頭，定係雞冠頭？
二、就蘋果圖片顯示，你係喺百佳 International 購買呢支GATSBY 定型啫喱膏（濕硬）嘅，而喺百佳網站買就盛惠$39.9一支。唔知你滿唔滿意呢支嘢塑造嘅Wet Look 呢？
三、睇返民航處舊廣告，淨係話藥物同嬰兒食品可獲豁免遵守保安措施，唔知你當支髮Gel 係藥物定嬰兒食品呢？
四、你提及自己係議員，但又話呢種行為唔係「撻朵」，咁你會點形容呢種行為？
五、其實，你身為體育、演藝、文化及出版界議員，為所屬界別做過啲乜嘢呢？

附錄：歷年高官撻朵事件簿
1998年「A1」事件　
時任特首夫人董趙洪娉，遭市民於電台烽煙節目踢爆曾投訴頭等機艙較闊落的A1位置被其他乘客佔去，更要求將該位置讓出，期間更反問其他乘客「你知唔知我係邊個？」此後董太即被起名「A1」。
2009年「蘇卡片」事件　
時任商務及經濟發展局副局長蘇錦樑，被揭以其副局長卡片代替入息證明為家中外傭續期留港工作，獲入境處酌情批准申請。「蘇卡片」一名亦因而於網上流傳，廣為網民恥笑。
2016年「叫我梁特首」事件
時任特首梁振英之女梁頌昕準備登機時發現有行李遺漏於機場禁區外。其母唐青儀要求航空公司職員將行李送入禁區內不果，梁頌昕遂致電梁振英並交職員接聽。職員以「梁生，你好！」打招呼，梁振英即要求「叫我梁特首」向職員施壓。其後有機場職員向報章爆料而被解僱，「特事特辦」惹來各方不滿更引發大型集會。

片源：蘋果日報、民航處宣傳短片（2007）

第 54 集 D：高智能方程式
－Sin 的結局你滿唔滿意呢？
－某些車款到今時今日至出得成玩具？
－現實賽車會否變成高智能方程式？
－高智能方程式的電玩遊戲