幾耐無同屋企人去旅行同好好陪佢地玩呢？都市人個個工作繁忙，就算唔係工作，都總有好多野忙唔完，拍拖，同朋友出街，做gym，睇劇打機… 呢一堆節目相信個個都有，但係都漏左生命中最重要既兩位。生活再忙再精彩，都要記得抽時間陪爹地媽咪。 就好似你唔會唔記得食飯同瞓覺一樣，食飯可以同佢地一齊食，運動可以教佢地做，放假更加應該抽一日既時間出黎陪吓佢哋。
早排網上見到D外國既post，將細個既家庭照，同而家既家庭照拼埋一齊，我即刻好想試下。見schedule有一日day off，就問爹地媽咪果日得唔得閒，再問媽咪揾D細個去玩既相，爹D媽咪幫我一齊揾左一晚，剿一大堆相出黎俾我。第二日安排好行程，我問媽咪知唔知我做咩揾舊相，佢問我係咪結婚，結婚先要細個既相… 我唔知笑好定點好，我想同佢地去玩，整個相集送俾佢地姐，媽咪你腦補得太多啦。
我哋去澳門玩左全日， 一早9點船出發，去到巴黎人陽光普照，大冬天但完全唔凍，上咗巴黎鐵塔再周圍行吓，影左好多相同片。以前都係爹地負責帶路，第一次去玩由我帶路攪到行多左好多冤枉路hehe~ 行到餓帶左佢地去一樓既Le Buffet食自助午餐，平時我食得好清淡架嘛，因為媽咪最鍾意食自助餐，今次都陪佢地破晒戒 。食飽飽去威尼斯人坐gondola 遊左一圈，船長好搞笑係咁高歌，我估佢係葡萄牙人？唱完幾好聽既男高音之後，竟然唱月亮代表我的心，我媽既歌癮一出，我爹地媽咪同船長一齊喺到高歌，笑到我呢。船長又問點解唔係同男朋友黎， 點解會同papa mama。好多人都覺得大個左，應該同另一半，朋友，同事一齊，但係點解唔可以同爹地媽咪一齊呢？
人生從開始，就係倒數，珍惜每一刻，每一個身邊既人事物，特別係最重要既人。要忙既事再多，時間總係可以安排，再忙，都要記得生你育你既兩位。對爹地媽咪黎講，你既小小舉動，對佢地已經係好大，陪吓佢地，已經可以開心好耐，永遠記得呢一刻。
Sands shoppes推出新年主題的活動，趁新年快d帶爹地媽咪去玩下啦：http://bit.ly/2E456IF
Sands Shoppes Macao 澳門金沙購物城邦
#SandsShoppesMacao #澳門金沙購物城邦 #拾回珍貴片段 #你的我的金沙回憶
