話說，早兩日老是常出現的前大律師林生又在01出報導，當然，又係教人用英文溝女。請人重覆說話時講「What」、點甜品故意不叫「Dessert」叫「Pudding」，希望「標奇立異，給女生留下印象」、「想追女仔，同搵工一樣，要去 impress人，要留下印象，要快，要出其不意。」
錯了，錯得很嚴重，由內錯到外再由外到返內，都錯了。可能林生之前拍拖太久，追女仔的思想還是停留在以前中學時代，騷擾女同學引人注意就等同溝女的水平。追女仔/ 男仔真係好忌諱標奇立異，同佢講野三句唔埋兩句就係啲古怪文法同文字，頭一次半次還好，我當是長點知識，但多了，就令人覺得很討厭。做咩姐你？我家陣黎約會定黎上英文一分鐘呀？我要學英文不如睇劉家傑啦，起碼佢出鏡時都會gel返個頭。我英文冇前大律師咁叻，但我記得中文有一句說話好適合形容這類不修邊幅、頭又唔梳、講野奇奇怪怪引人注意的，叫「醜人多八（作）怪」。
男孩們，溝仔／女大忌係扮晒野，因為你扮得一時，扮唔到一世。你可以在Euro GoGo或Café De Coral度叫Pudding，但下次萬一個女仔帶你去Soho食飯，你有冇心理準備話要食Pudding，出到黎個Dessert menu冇一個字你睇得明先？唔同前菜衰極你都識沙律的英文，有啲餐廳衰起上黎ice cream都叫法文la glace，你gaze到港珠澳大橋起完再飄移到台灣，你都唔會知點咩好。需知道香港地，好多呢啲餐廳， 非常適合用黎對付這種識幾個英文就走黎拋書包的矯情小賤人。
順帶一提，溝仔，最難最難的方式，正是在文化上技術性擊倒對方後，對方不對你反感。講真，大家香港人，我地自己知道自己咩底牌架，日日返工都OT，星期六日得返半條人命，點同你去美術館、去大會堂聽交響樂？大家對文化藝術都係半斤八兩，你又憑咩去拋窒對方？夾硬背書黎拋，對方也是口服心不服。除非你真係本身家學淵源，自小深受文化薰陶，但如果你有咁嘅背景同條件，你唔駛去溝仔，人地會自己過黎溝你。
最後，溝仔其實唔同見工，愛情應是平等的，兩人的關係也應該是平等的。如果你用一個求職者的心態去追求別人，你會非常被動，錯失好多主動權同話語權。這些話語權是日後兩人相處的重要基石，這段關係你會過得很辛苦也很沒尊嚴，開到花都結唔到果。更糟糕一點的，是被offer做intern，索性被收編入伍，全程做兵。
男孩們，若果你真的想要impress對方的話，很簡單：晚飯約會時，拿出你的自信、溫柔和誠意，好好的和對方自然愉快地聊一個晚上吧。不明白的東西，大方落落地跟對方說不明白，一問一答，才是交流，兩個人能互相補充對方不懂得的事情，才是一段良好的關係，係好老套，但愛情本來就是自盤古開天時已有的東西，愛情本來就係如此樸實。這世界上會說「What」和「Pudding」的無恥花心之徒太多，但是女孩需要的，只是一個誠實可靠而不失幽默的好男人。
#扮乜鬼野UpperClass
#你幾時見過貴族會住喺元朗天水圍
#元朗天水圍係啲樓貴
#圍村那班叫土豪好不好
#我住那區就真係有貴族啦
#九龍皇帝呀
#可惜佢最後一幅作品都俾政府用油漆蓋掉了
#要是沒內涵怎樣辦
#給我去讀書啊
#人醜就該勤讀書
#你睇下人地醜到連個律師都讀到返黎啦
#鑽研一門手藝和學問啊
#Be_a_better_man
你睇下人地醜到連個律師都讀到返黎啦 在 早兩日老是常出現的前大律師林生又在01出報導，當然，又係教人用 ... 的推薦與評價
請人重覆說話時講「What」、點甜品故意不叫「Dessert」叫「Pudding」，希望「標奇立異，給女生留下印象」、「想追女仔， ... 你睇下人地醜到連個律師都讀到返黎啦 ... <看更多>