《生生性性啦，陳柏宇，你唔應該只係「隱世歌手」》
提到最希望可以上到位嘅香港男歌手，我會毫不猶豫咁回答：陳柏宇。
記得以前同班朋友去唱K，佢首《斷絕來往》同《你瞞我瞞》可以話係無限點點到爛。女仔會偷偷點嚟俾男仔唱，而男嘅都希望用佢嘅歌嚟表現自己嘅歌喉（笑）。而當然，《你瞞我瞞》MV嘅清唱位（「無言的親親親～侵襲我心」）曾經玩死過幾多人，我相信各位到而家都仲記憶猶新。
陳柏宇嘅歌唔易唱，難得嘅係，佢嘅LIVE幾乎每次都穩定地高質，唱功實在無需質疑。半年前喺 TBB 唱過最新嗰首《回眸一笑》，細心聽一次，絕對值得俾掌聲。
https://youtu.be/eLqAA1J1HyI
歌好聽，唱功又了得，樣貌又唔錯，無奈最多都係叫曾經紅過，始終都上唔到位。當年佢同大文豪同期出道（同屆好似仲有洪卓立同小肥），競爭之大令佢痛失叱吒男新力軍獎項。事隔數年，大文豪已經喺上年叱吒拎到男歌手金獎（我到而家都無法認同）。到今年坤哥成功之後，陳柏宇終於被一眾網民稱做「樂壇隱世歌手，隱咗去唔知邊到」，實在係睇見都覺得心酸。
佢無歌咩？唔係呀，只要上個WIKI，會發現佢基本上年年都有歌出，無奈係佢始終捉唔實聽眾嘅眼球。係，我無講錯，眼球。得罪講句，大部份香港人聽歌從來都係用雙眼，喺歌詞字裡行間尋找到共嗚就足夠，又或者用肉眼所見嘅曝光率來斷定一個人努力與否。而唔識玩（又或者因為種種原因玩唔到）呢個曝光率遊戲嘅陳柏宇，結果就係每次都吸引唔到其他人注意。
我明白，既然遊戲玩法如此，又難以一時三刻改變。其實就有必要配合，唔配合失敗都無得怨。所以打咗幾百字，結論都只係一個──
「生生性性啦，陳柏宇。坤哥上位令到好多真心鍾意同欣賞你嘅人，重新將注意力放喺你到。把握機會，眼球好耳油好，搶哂佢地返嚟。2016年，希望你能夠再憑好歌踏上頒獎台，你比好多人都更值得上去更高嘅位置。」
最後，除咗《回眸一笑》，都推介佢兩首《別來無恙》同《航拍》，花少少時間聽下啦！
FB： 有心 無默
IG：https://instagram.com/echoofheart/
輔仁連結：
http://www.vjmedia.com.hk/…/%E7%94%9F%E7%94%9F%E6%80%A7%E6…/
你瞞我瞞 歌詞 在 陳柏宇- 你瞞我瞞『無言的親親親侵襲我心』【動態歌詞Lyrics】 的推薦與評價
別忘了關註哦, 歌詞 在下面❖ 你瞞我瞞 00:00 作曲: 陳光榮00:03 編曲: 陳光榮00:19 約會像是爲分享到飽肚滋味00:25 有任何難題卻不提起00:32 這若是浪漫 ... ... <看更多>